გერმანიის მედიამარეგულირებელმა რუსული გერმანულენოვანი ტელეარხის RT DE-ს მაუწყებლობა აკრძალა

გერმანიის მედიამარეგულირებელმა ქვეყანაში რუსული გერმანულენოვანი ტელეარხის RT DE-ს მაუწყებლობა აკრძალა. მედიამარეგულირებლის განცხადებით, რუსულ ტელეარხს გერმანიაში ტრანსლირების ლიცენზია არ ჰქონდა.

1 თებერვლიდან გერმანიაში არხის ნებისმიერი პროგრამის ტრანსლაცია და გავრცელება აუკრძალა. ეს ეხება მათ შორის თანამგზავრულ და ინლაინ-მაუწყებლობასაც.

გერმანიის მედიამარეგულირებელი აცხადებს, რომ RT-ს გერმანულენოვანი პროგრამების შინაარსზე სამართლებრივი პასუხისმგებლობა ეკისრება ბერლინში განთავსებულ მედიაკომპანია RT DE Productions GmbH-ს. 

RT-ს ადაRT DE Productions-ის ხელმძღვანელები ამტკიცებენ, რომ საპროდიუსერო კომპანიას არ ეკისრება პასუხისმგებლობა RT DE-ს მაუწყებლობაზე, რომელიც მათი თქმით, მოსკოვშია ბაზირებული.

RT-ს მთავარმა რედაქტორმა მარგარიტა სიმონიანმა Telegram-ზე დაწრა, რომ RT DE მაუწყებლობას არ შეწყვეტს, RT DE Productions-ის ხელმძღვანელმა დინარა ტოქსუნოვამ კი განაცხადა, რომ გერმანიის მედიამარეგულირებლის გადაწყვეტილებას სასამრთლოში გაასაჩივრებენ.