მესამე ტალღას არ გამოვრიცხავთ - ეკატერინე ტიკარაძე

საქართველო, თბილისი - 19:44 | 23.11.2020
ნანახია: 21228

საქართველოს ჯანდაცვის მინისტრის ეკატერინე ტიკარაძის განცხადებით, კორონავირუსის მესამე ტალღას საქართველოშიც არ გამორიცხავენ. ამის შესახებ მინისტრმა "იმედის" ეთერში განაცხადა.

"როგორც ჯანმრთელობის მსოფლიო ორგანიზაცია, ასევე რა თქმა უნდა, საქართველოც არ გამორიცხავს მესამე ტალღას. ეს დაანონსებული იყო ჯერ კიდევ გაზაფხულზე, ვინაიდან არამხოლოდ კოვიდინფექციის, არამედ ზოგადად ნებისმიერ ვირუსს გააჩნია შემოდგომაზე და ზამთრის ბოლო პერიოდზე, გაზაფხულზე მეორე ტალღის თვისობრიობა. აქედან გამომდინარე, კოვიდის ქცევაშიც მეცნიერების სწორედ ამას პროგნოზირებდნენ. აქედან გამომდინარე, ჩვენ ყოველდღიურ რეჟიმში ვცილობთ, რომ გავზარდოთ მოცულობები ჯანდაცვის სფეროში იმისათვის, რომ იყოს ხელმისაწვდომი ყველა პაციენტისთვის მკურნალობა", - თქვა ტიკარაძემ.

შეგახსენებთ, ჯანმრთელობის მსოფლიო ორგანიზაციის სპეციალურმა წარმომადგენელმა Covid-19-ის საკითხებში დევიდ ნაბარომ განაცხადა, რომ ვაქცინის დანერგვამდე, ევროპა დიდი ალბათობით კორონავირუსის მესამე ტალღის წინაშე აღმოჩნდება.




არქივი

მოგვძებნე Facebook-ზე