იაპონიაში ქიმიურ ქარხანაში აფეთქებას მსხვერპლი მოყვა (ვიდეო)

იაპონიის ქალაქ ფუძიში ქიმიურ ქარხანაში აფეთქებას ერთი ადამიანი ემსხვერპლა და 11 დაშავდა. დაშავებულთაგან სამი პირის ჯანმრთელობის მდგომარეობა მძიმეა.

ქარხნის ახლოს მდებარე საცხოვრებელი სახლებიდან ადამიანების ევაკუირება განხორციელდა.

მედიის ცნობით, ქარხანა, რომელიც სამრეწველო კომპანია Arakawa Chemical Industries-ს ეკუთვნის, აწარმოებს ქიმიკატებს ქაღალდისათვის და ფისს და საბეჭდი საღებავებისთვის.

სამართალდამცველმა ორგანოებმა აფეთქების მიზეზების გამოძიება დაიწყეს.