დღეს, 00:00 საათიდან 07:00 საათამდე, რუსთაველის გამზირი გადაიკეტება

დღეს, 30 ნოემბერს, 00:00 საათიდან 07:00 საათამდე, საახალწლო ილუმინაციების მონტაჟის სამუშაოების გამო, ვარდების მოედნიდან თავისუფლების მოედნამდე რუსთაველის გამზირი  გადაიკეტება.

თბილისის მერიის განცხადებით, სამონტაჟო სამუშაოები აღნიშნულ ტერიტორიაზე, ამავე საათებში, 4 დეკემბრის ჩათვლით გაგრძელდება.

ასევე, 30 ნოემბრის 00:00 საათიდან 07:00 საათამდე ნაწილობრივ შეიზღუდება მოძრაობა კოსტავას გამზირზე, თბილისის საკონცერტო დარბაზიდან მეტრო რუსთაველამდე.

სამუშაოებს შპს „თბილსერვის ჯგუფი“ ახორციელებს. 

თბილისის მერია ბოდიშს იხდის შეფერხებისთვის.