,,ლეო გრანდის" უსაფრთხოების შემოწმების შედეგები ხვალ გასაჯაროვდება

შსს-ს საგანგებო სიტუაციათა მართვის სააგენტოს აჭარის დეპარტამენტის უფროსის მოადგილის, მამუკა თურმანიძის ინფორმაციით, სასტუმრო, უსაფრთხოების კუთხით, მათი სამსახურის მიერ შემოწმებულია, თუმცა თურმანიძე შემოწმების შედეგების გასაჯაროებას მედიას ხვალისთვის დაჰპირდა, ამის შესახებ ინფორმაციას ,,აჭარის ტელევიზია'' ავრცელებს.

მისივე განცხადებით, ხანძრის გამომწვევ მიზეზებს, შესაბამისი სამსახურები დაადგენენ.

ამ დრომდე სასტუმროს შენობაში ექსპერტ კრიმინალისტები მუშაობენ.

ამ დროისთვის სასტუმრო „ლეო გრანდის“, ყველა ნომრიდან ადამიანების ევაკუირება დასრულებულია.