რესპუბლიკური პარტია ხელისუფლებასა და პოლიტიკურ ძალებს დიალოგისკენ მოუწოდებს
საქართველო, თბილისი - 09:57 | 24.10.2015 ნანახია: 1922რესპუბლიკური პარტიის თავმჯდომარე, ხათუნა სამნიძის განცხადება საქართველოში უკანასკნელ დღეებში განვითარებული მოვლენების შესახებ. პარტიის თავმჯდომარე აცხადებს, რომ რესპუბლიკური პარტია მზად არის აწარმოოს დიალოგი ქართული პოლიტიკის რეალურ პასუხისმგებლიან სუბიექტებთან.
”დიალოგი და ურთიერთთანამშრომლობა დემოკრატიული საზოგადოებისთვის აუცილებელი პირობაა. პოლიტიკური პროცესი, კონსენსუსის აუცილებლობა და მნიშვნელოვანი გადაწყვეტილებები მუდმივი დიალოგის რეჟიმში ამყოფებს ამომრჩევლის მიერ ნდობაგამოცხადებულ პოლიტიკურ ძალებს, საზოგადოების წარმომადგენლებს.
ეს განსაკუთრებით კარგად გვესმის რესპუბლიკელებს - ხუთი პარტიისგან შემდგარი მმართველი კოალიციის ერთ-ერთ წამყვან პარტიას, რომელსაც გათავისებული აქვს ხელისუფლებაში ყოფნის პასუხისმგებლობის, პრინციპების ერთგულების, კომპრომისისთვის მზადყოფნისა და საზოგადოების, მათ შორის უშუალოდ საკუთარი ამომრჩევლის ინტერესების აუცილებელი დაცვის მნიშვნელობა”, - ამბობს სამნიძე და აღნიშნავს, რომ ისე როგორც ოპოზიციაში ყოფნისას, როდესაც რესპუბლიკური პარტია ხელისუფლებას და პოლიტიკურ ძალებს დიალოგისკენ მოუწოდებდა, ასევე დღესაც, როგორც ხელისუფლების ნაწილი.
”ჩვენ მზად ვართ ღიად ვისაუბროთ საზოგადოებისთვის მნიშვნელოვან ყველა თემაზე, მაგიდასთან დავსხდეთ საკამათოდ, საერთო ინტერესის საძიებლად და საუკეთესო გამოსავლის საპოვნელად. ასეთ დიალოგს მომზადება სჭირდება, შესაბამისი სოლიდური ფორმატის შეთანხმება. ასეთ დიალოგს ისეთი მონაწილეები სჭირდება, რომლებიც თავიდანვე მზად არიან “უპირობოდ უარი თქვან ყველანაირი ძალადობისა და დაპირისპირების მოწოდებაზე, ძალადობის გამართლებაზე”, როგორც ეს პარლამენტის თავმჯდომარემ, დავით უსუფაშვილმა თავის განცხადებაში აღნიშნა. ბუნებრივია, ის ამ განცხადებით გამოხატავს რესპუბლიკური პარტიის მკაფიო პოზიციას: “ყველა პოლიტიკოსმა, ხელისუფლებაში მყოფმა თუ ოპოზიციონერმა, ცალსახად და უპირობოდ უარი უნდა ვთქვათ:
ა) ნებისმიერი სახის ძალადობისა და ფიზიკური დაპირისპირების პირდაპირ თუ არაპირდაპირ მოწოდებაზე თუ გამართლებაზე;
ბ) ნებისმიერი სახის დაუმორჩილებლობაზე სასამართლოს, პოლიციის და სხვა უფლებამოსილი სახელმწიფო ორგანოების გადაწყვეტილებებისადმი”.
მომავალში ამ მინიმალისტური სტანდარტების დაკმაყოფილება აუცილებელი წინაპირობაა ნებისმიერ პოლიტიკოსთან, პოლიტიკურ ძალასთან, უმაღლესი და მაღალი თანამდებობის პირებთან, სახელისუფლებო შტოების ხელმძღვანელებთან პარლამენტის თავმჯდომარის, შესაბმისად, რესპუბლიკური პარტიის თანამშრომლობის ან დიალოგის გაგრძელებისთვის. ამ დღეებში მსგავსი სულისკვეთების კომენტარები გავრცელდა პარტიის საპარლამენტო წარმომადგენლობის მხრიდანაც.
რესპუბლიკური პარტია მზად არის აწარმოოს დიალოგი ქართული პოლიტიკის რეალურ პასუხისმგებლიან სუბიექტებთან, რომლებიც ითავისებენ ასეთ პირობებს და მოქმედებენ არა საკუთარი სახელდახელო დღის წესრიგისა და ინტერესების შესაბამისად, არამედ რეალურად არიან დაინტერესებული ქვეყნის დემოკრატიული მოდერნიზაციით, ევროპული და ევროატლანტიკური არჩევანის უზრუნველყოფით”, - ამბობს სამნიძე.
პოლიტიკა
- თბილისში, ევროკავშირის ელჩი, ვიღაც ჰერჩინსკი აბობოქრდა - გრიგორი კარასინი
- საქართველო სამხრეთ კავკასიაში პროდასავლურ საყრდენად აღიქმებოდა, რომელსაც ევროკავშირისა და ნატო-ს წევრობა სურდა, თუმცა, ბოლო ქმედებების შედეგად, საქართველოს მთავრობა, ღიად ანტიდასავლური გახდა - ჰელსინკის კომისია
- თითოეული ქართველის გადასაწყვეტია, როგორი მომავალი სურთ საკუთარი ქვეყნისთვის, გთხოვთ, წადით და მიეცით ხმა - პაველ ჰერჩინსკი
- წინა ხელისუფლების დროს არ არსებობდა მყარი სოციალური გარანტიები ვეტერანებისთვის, ხელისუფლებაში მოსვლისთანავე ჩვენ დავიწყეთ აქტიური მუშაობა ამ მიმართულებით - ირაკლი კობახიძე
საზოგადოება
- რუსთაველი - მთაწმინდის დამაკავშირებელი საბაგირო გზა გაიხსნა
- სეზონური გრიპის საწინააღმდეგო ვაქცინაცია დაიწყო
- „თეგეტა ჰოლდინგის“ 2 თანამშრომელი Forbes 30 UNDER 30-ის გამარჯვებულია
- საქართველოს ფოსტის გენერალური დირექტორი ლევან ჩიკვაიძე, ევროპის საფოსტო ასოციაციის PostEurop-ის გენერალურ ასამბლეაში მონაწილეობს
სამართალი
- თბილისის რამდენიმე ღამის კლუბში სპეცოპერაცია ჩატარდა - დაკავებულია 14 პირი
- კესარია აბრამიძე მოკლეს
- მიგრაციის დეპარტამენტის და სასაზღვრო პოლიციის თანამშრომლებმა საქართველოში სამართლებრივი საფუძვლის გარეშე მყოფი უცხო ქვეყნის 5 მოქალაქე დააკავეს
- ქარელში 28 წლის კაცს ხელები თოკით შეუკრეს და გაგუდეს- დაკავებულია 2 პირი
კონფლიქტები
- რუსეთმა ოკუპირებულ აფხაზეთს დაფინანსება შეუჩერა
- რუსეთის საოკუპაციო ძალების მიერ სოფელ დირბის მიმდებარედ, უკანონოდ დაკავებული საქართველოს ორი მოქალაქე თავისუფალია - სუს-ი
- ოკუპირებულ აფხაზეთში მი-24 ჩამოვარდა
- ოკუპირებული აფხაზეთის ე.წ. პარლამენტმა ბიჭვინთის სახელმწიფო აგარაკის რუსეთისთვის გადაცემის შესახებ შეთანხმება დაამტკიცა
ბიზნესი
- VARTA - საიმედო, ენერგოეფექტური და ეკოლოგიურად სუფთა აკუმულატორები „თეგეტა მოტორსისგან“
- "ვოლვო ქარ საქართველოს" მექანიკოსი საერთაშორისო კონკურსის - Vista Competition 2024-ის გამარჯვებულია
- სუპერქარი Lamborghini უკვე Tegeta Cars-ის პორტფელშია
- Tegeta cars საქართველოში Bentley-ს ოფიციალური წარმომადგენელი გახდა
თავდაცვა
- სუ-25-ის კატასტროფის ადგილზე, საგამოძიებო და საპროცესო მოქმედებები დასრულებულია - თავდაცვის სამინისტრო
- საქართველო პოლონეთისგან საზენიტო-სარაკეტო კომპლექსს შეისყიდის
- წლის ბოლომდე გამოვუშვებთ ქართული წარმოების უპილოტო საფრენ აპარატებს - ჯუანშერ ბურჭულაძე
- აშშ საქართველოს რუსეთის წინააღმდეგ თავდაცვის გასაძლიერებლად $35 მილიონს გამოუყოფს
სპორტი
- საქართველოს ნაკრებმა ჩეხეთი დიდი ანგარიშით დაამარცხა
- საქართველოს ეროვნული ნაკრები ერთა ლიგის გათამაშებისთვის ემზადება
- თუშიშვილი ვერც გუნდურ შეჯიბრებაში მიიღებს მონაწილეობას, ქართველ ძიუდოისტს ეკრძალება სხვა ტურნირებზე გამოსვლაც, ვიდრე კომისია საბოლოო გადაწყვეტილებას მიიღებს
- გურამ თუშიშვილმა მეოთხედფინალში ტედი რინერთან დამარცხების შემდეგ დისკვალიფიკაცია მიიღო და ასპარეზობიდან მოიხსნა