ავღანეთში დაღუპული ქართველი გმირი სამხედრო პატივით დაკრძალეს
საქართველო, თბილისი - 19:04 | 29.09.2015 ნანახია: 2128ავღანეთში „მტკიცე მხარდაჭერის“ მისიის შესრულებისას დაღუპული პირველი კლასის რიგითი ვასილ ყულჯანიშვილი სამხედრო პატივით დღეს დაკრძალეს. სამგლოვიარო ცერემონიალი ქალაქ რუსთავში, წმინდა გიორგის სახელობის ტაძარში გაიმართა. გმირულად დაღუპული ქართველი ჯარისკაცი ტაძრიდან რუსთავის სასაფლაოზე სამხედრო პოლიციის ესკორტით მიასვენეს. ქართველი გმირი სამხედრო-საჩვენებელი ორკესტრის მიერ შესრულებული საქართველოს სახელმწიფო ჰიმნის ფონზე მიაბარეს მიწას. ვასილ ყულჯანიშვილის ხსოვნას ეროვნული გვარდიის საპატიო ყარაულმა საგანგებო ზალპით მიაგო პატივი.
ქართველ გმირთან გამოსამშვიდობებლად რუსთავში საქართველოს თავდაცვის მინისტრისა და გენერალური შტაბის უფროსის მოადგილეები, სამინისტროსა და შეიარაღებული ძალების წარმომადგენლები, პარლამენტის თავმჯდომარე დავით უსუფაშვილი, ვიცე-პრემიერი კახა კალაძე და მინისტრთა კაბინეტის სხვა წევრები, IV მექანიზირებული ბრიგადის პირადი შემადგენლობა და მოქალაქეები იმყოფებოდნენ.
თავდაცვის მინისტრის მოადგილემ ანა დოლიძემ ვასილ ყულჯანიშვილის ოჯახს კიდევ ერთხელ მიუსამძიმრა და თანადგომა აღუთქვა: „ჩვენთვის დიდი ტრაგედიაა ყველა ადამიანის გარდაცვალება, განსაკუთრებით 21 წლის ბიჭის... პირველ რიგში მინდა მივუსამძიმრო, ჩავეხუტო მისი ოჯახის წევრებს, მის დედას, ქალბატონ ხათუნას და მის ძმას, რადგან ნებისმიერი ოჯახისთვის ეს არის ყველაზე მძიმე, რაც შეიძლება შეემთხვეს“.
„ყოველი ადამიანის, ყოველი სამხედროს დაღუპვა უდიდესი დანაკარგია ქვეყნისთვის. მაგრამ ყველამ უნდა ვიცოდეთ, რომ ეს არ არის ფუჭად გაღებული დანაკარგი. თითოეული ჩვენგანი უნდა ამაყობდეს ამ ადამიანებით, სამხედროებით, ისინი იცავენ არამარტო საერთაშორისო მშვიდობას, არამედ ჩვენ ინტერესებს იქ, ავღანეთში“, - აღნიშნა თავდაცვის მინისტრის პირველმა მოადგილემ დავით ებრალიძემ.
დაღუპული სამხედროს გმირობასა და სამშვიდობო მისიის მნიშვნელობაზე ისაუბრა პარლამენტის თავმჯდომარემ: „ამაყები ვართ, რომ ასეთი გმირები გვყავს. ძალიან ვწუხვარ, რომ ჩვენ მიერ გაღებული მსხვერპლი უკვე ძალიან დიდია. მაგრამ, მჯერა ისევე, როგორც ამ ბიჭებს, რომ ვემსახურებით საქართველოს; ისინი საქართველოს თავისუფლებას და უსაფრთხოებას შეეწირნენ. თანამედროვე მსოფლიოში აუცილებელია საერთაშორისო პროცესებში აქტიური მონაწილეობა იმისთვის, რომ არ დავრჩეთ მარტო მტერთან, რომელიც გვყავს“.
„ძალიან სამწუხაროა. მაგრამ ვფიქრობ, საქართველო ყოველთვის იდგება მოწოდების სიმაღლეზე, ვიდრე ასეთი ახალგაზრდები, ასეთი ვაჟკაცები გაიზრდებიან ჩვენს ქვეყანაში“, - აღნიშნა ვიცე-პრემიერმა კახა კალაძემ.
ავღანეთში დაღუპული ქართველი სამხედროსთვის პატივის მისაგებად რუსთავში აშშ-ის ელჩი საქართველოში იან კელი მეუღლესთან ერთად იმყოფებოდა. მან ქართველ ხალხს ამერიკელი ხალხის სახელით მიუსამძიმრა და მსოფლიო უსაფრთხოებაში შეტანილი წვლილისთვის მადლობა გადაუხადა.
„ამერიკელი ხალხის სახელით, მინდა ღრმა მწუხარება გამოვხატო. საქართველომ ერთ-ერთი ყველაზე მამაცი და გამორჩეული შვილი დაკარგა. ვასილი ავღანეთში იმ მიზნით იყო, რა მიზნითაც ჩვენ ვიმყოფებით იქ. ვიცავთ საერთო ღირებულებებს. ვუსამძიმრებ ვასილის ოჯახსა და ქართველ ხალხს. მინდა დაგარწმუნოთ, რომ ამ მწუხარების დროს ამერიკის შეერთებული შტატები თქვენ გვერდითაა“, - განაცხადა იან კელიმ.
IV მექანიზირებული ბრიგადის 43-ე ბატალიონის პირველი კლასის რიგითი ვასილ ყულჯანიშვილი ავღანეთში „მტკიცე მხარდაჭერის“ მისიის შესრულების დროს პატრულირებისას სასიკვდილოდ დაიჭრა და ადგილზე გარდაიცვალა. ქართველი სამხედროს ცხედარი საქართველოში ბაგრამის საავიაციო ბაზიდან, აშშ-ის საჰაერო ძალების სამხედრო თვითმფრინავით, სპეციალური რეისით გადმოასვენეს. დაღუპული ჯარისკაცი აეროპორტიდან საკუთარ სახლში სამხედრო პოლიციისა და შინაგან საქმეთა სამინისტროს ესკორტმა გააცილა. ვასილ ყულჯანიშვილი 1994 წლის 8 აგვისტოს დაიბადა. იგი საქართველოს შეიარაღებული ძალების IV მექანიზირებული ბრიგადის 43-ე ბატალიონში 2013 წლიდან მსახურობდა.
ჯარისკაცის ოჯახს საქართველოს მთავრობა კანონით განსაზღვრულ 100 ათას ლარს გამოუყოფს, დაკრძალვის ხარჯები კი თავდაცვის სამინისტრომ სრულად დაფარა.
პოლიტიკა
- ყველაფერ ქართულს ვინც ეძახის რუსულს ან "ნაცია", ან მათგან დაბულინგებული, ან მათი პროპაგანდის მსხვერპლი - მამუკა მდინარაძე
- მზად ვარ, ავიღო დიდი პასუხისმგებლობა, მათ შორის, მეორე ვადით, რათა საქართველო ევროპულ გზას დაუბრუნდეს - სალომე ზურაბიშვილი
- მმართველი პარტია დასუსტებულია, გამოკითხვების მიხედვით, 25%-ზე მეტს ვერ იღებენ - სალომე ზურაბიშვილი
- გიორგი მიქაუტაძემ ევრო 2024-ის ბომბარდირობისთვის ჯილდო მიიღო
სამართალი
- კესარია აბრამიძე მოკლეს
- მიგრაციის დეპარტამენტის და სასაზღვრო პოლიციის თანამშრომლებმა საქართველოში სამართლებრივი საფუძვლის გარეშე მყოფი უცხო ქვეყნის 5 მოქალაქე დააკავეს
- ქარელში 28 წლის კაცს ხელები თოკით შეუკრეს და გაგუდეს- დაკავებულია 2 პირი
- მიგრაციის დეპარტამენტმა უცხო ქვეყნის 33 მოქალაქე საქართველოდან გააძევა
მსოფლიო
- ნატო-ს თვითმფრინავებმა ბალტიის ქვეყნების საჰაერო სივრცეში შეჭრილი რუსული დრონები უნდა ჩამოაგდონ - ლიეტუვის თავდაცვის მინისტრი
- აშშ ერაყიდან ჯარების გაყვანას 2026 წლის ბოლომდე გეგმავს - Reuters
- კურსკის ოლქში უკრაინის ძალები 93 დასახლებას აკონტროლებენ - ოლექსანდრ სირსკი
- უკრაინას აქვს უფლება გამოიყენოს კანადური იარაღი რუსეთის ტერიტორიაზე - კანადის თავდაცვის სამინისტრო
კონფლიქტები
- რუსეთმა ოკუპირებულ აფხაზეთს დაფინანსება შეუჩერა
- რუსეთის საოკუპაციო ძალების მიერ სოფელ დირბის მიმდებარედ, უკანონოდ დაკავებული საქართველოს ორი მოქალაქე თავისუფალია - სუს-ი
- ოკუპირებულ აფხაზეთში მი-24 ჩამოვარდა
- ოკუპირებული აფხაზეთის ე.წ. პარლამენტმა ბიჭვინთის სახელმწიფო აგარაკის რუსეთისთვის გადაცემის შესახებ შეთანხმება დაამტკიცა
ბიზნესი
- „ვოლვო ქარ საქართველოს“ მხარდაჭერით საქართველოში პირველად „ვოლვო რეგატა“ გაიმართა
- Tegeta Construction Equipment ამერიკული ბრენდი REINKE-ს ოფიციალური წარმომადგენელი გახდა
- Geely, Mazda და Auto Gallery - „თეგეტას“ მულტიბრენდული შოურუმი ოფიციალურად გაიხსნა
- MAN-ის სატვირთო ავტომობილის შეძენა უკვე „თეგეტა ლიზინგის“ მხარდაჭერითაცაა შესაძლებელი
თავდაცვა
- სუ-25-ის კატასტროფის ადგილზე, საგამოძიებო და საპროცესო მოქმედებები დასრულებულია - თავდაცვის სამინისტრო
- საქართველო პოლონეთისგან საზენიტო-სარაკეტო კომპლექსს შეისყიდის
- წლის ბოლომდე გამოვუშვებთ ქართული წარმოების უპილოტო საფრენ აპარატებს - ჯუანშერ ბურჭულაძე
- აშშ საქართველოს რუსეთის წინააღმდეგ თავდაცვის გასაძლიერებლად $35 მილიონს გამოუყოფს
სპორტი
- საქართველოს ნაკრებმა ჩეხეთი დიდი ანგარიშით დაამარცხა
- საქართველოს ეროვნული ნაკრები ერთა ლიგის გათამაშებისთვის ემზადება
- თუშიშვილი ვერც გუნდურ შეჯიბრებაში მიიღებს მონაწილეობას, ქართველ ძიუდოისტს ეკრძალება სხვა ტურნირებზე გამოსვლაც, ვიდრე კომისია საბოლოო გადაწყვეტილებას მიიღებს
- გურამ თუშიშვილმა მეოთხედფინალში ტედი რინერთან დამარცხების შემდეგ დისკვალიფიკაცია მიიღო და ასპარეზობიდან მოიხსნა