კახეთის რეგიონში 118 ათასი ტონაზე მეტი ყურძენი გადამუშავდა

5 ოქტომბრის 12.00 საათის მონაცემებით, კახეთის რეგიონში გადამუშავდა 118 ათასი ტონაზე მეტი ყურძენი. მოსავლის რეალიზაციის შედეგად მიღებულმა შემოსავლებმა 80 მლნ ლარს გადააჭარბა. 

4 ოქტომბერს  დღეღამურად გადამუშავდა 4 346 ტ, რაც მიუთითებს, რომ ყურძნის გადამუშავება კახეთში ამ დრომდე აქტიურად მიმდინარეობს.  რთველში მალე რაჭა-ლეჩხუმის რეგიონი ჩაერთვება.

ამ დროისთვის გადამუშავებულია  რქაწითელი 62 ათასი ტონა, საფერავი - 41,2 ათასი  ტონა, ასევე 2,8 ათასი ტონა  კახური მწვანე და 12,3 ათასი ტონა სხვა ჯიშის ყურძენი.

კახეთში ყურძნის გადამუშავება მუნიციპალიტეტების მიხედვით ასე გამოიყურება: გურჯაანი - 39,3 ათასი ტონა, თელავი - 27,5 ათასი ტონა, ყვარელი - 21,2 ათასი ტონა, საგარეჯო - 8,1 ათასი ტონა, სიღნაღი - 7,8 ათასი ტონა, ლაგოდეხი - 7,7 ათასი ტონა, ახმეტა - 4,1 ათასი ტონა და დედოფლისწყარო - 2,2 ათასი ტონა.