დიმიტრი ქუმსიშვილი სამინისტროს ტრანსპორტის სფეროს წარმომადგენლებს შეხვდა
საქართველო, თბილისი - 10:26 | 02.10.2015 ნანახია: 1744საქართველოს ეკონომიკისა და მდგრადი განვითარების მინისტრი, დიმიტრი ქუმსიშვილი სამინისტროს სისტემაში შემავალ ტრასპორტის სფეროში მომუშავე საჯარო სამართლის იურიდიული პირებისა და შპს-ების ხელმძღვანელებს შეხვდა და მათგან მიმდინარე და დაგეგმილი პროექტების შესახებ ინფორმაცია მოისმინა. შეხვედრას ესწრებოდნენ სამინისტროს ტრანსპორტის პოლიტიკის დეპარტამენტის უფროსი ქეთევან სალუქვაძე, სახმელეთო ტრანსპორტის სააგენტოს დირექტორი მიხეილ ხმალაძე, საზღვაო ტრანსპორტის სააგენტოს დირექტორის მოადგილე ვახტანგ მიქელაიშვილი, სამოქალაქო ავიაციის სააგენტოს დირექტორი გურამ ჯალაღონია, სახელმწიფო ჰიდროგრაფიული სამსახურის დირექტორი რევაზ ბაბილუა, ბათუმის საზღვაო აკადემიის რექტორი ირაკლი შარაბიძე, „საქაერონავიგაციის“ გენერალური დირექტორი გოჩა მეზვრიშვილი და „საქართველოს აეროპორტების გაერთიანების“ დირექტორი ქეთევან ალექსიძე.
მინისტრთან შეხვედრაზე უწყებების ხელმძღვანელებმა ისაუბრეს გაწეულ სამუშაოზე და დიმიტრი ქუმსიშვილს დეტალურად წარუდგინეს ის პროექტები, რომლებიც საქართველოს ტრანსპორტის სხვადასხვა სექტორში უახლოეს მომავალში განხორციელდება. საუბარი შეეხო ისეთ მნიშვნელოვან მიმართულებებს, როგორიცაა საავიაციო სფეროში უსაფრთხოების დონის კიდევ უფრო ზრდის ხელშეწყობა, ახალი ავიარეისების დანიშვნა, ტურიზმის ხელშეწყობა, საზღვაო მიმოსვლის განვითარება, საავტომობილო ტრანსპორტის სფეროში არსებული ზრდის ტენდენციები, ფრენების ზრდა, ნავიგაციისა და ჰიდროგრაფიის სფეროში ახალი, თანამედროვე ტექნოლოგიების დანერგვა და სხვა.
როგორც შეხვედრაზე ითქვა, 2015 წლის იანვარ-აგვისტოს პერიოდში საქართველოს საერთაშორისო აეროპორტების მიერ გადაყვანილ მგზავრთა რაოდენობამ 1.501.748 მილიონი მგზავრი შეადგინა, რაც 2014 წლის ანალოგიურ პერიოდში გადაყვანილი მგზავრების რაოდენობაზე 10%-ით მეტია. ქეთევან ალექსიძის განცხადებით, ყველაზე მნიშვნელოვანი, 84%-იანი ზრდა თბილისი-მოსკოვის მიმართულებით გადაყვანილ მგზავრთა რაოდენობაში დაფიქსირდა. ქეთევან ალექსიძემ ასევე ისაუბრა იმ ინფრასტრუქტურული პროექტების შესახებ, რომლის განხორციელებაც დაგეგმილია საქართველოს აეროპორტებში და ისაუბრა იმ პრიორიტეტული მიმართულებების შესახებ, რომლის განვითარებაზეც აქტიურად მიმდინარეობს მუშაობა. ფრენების ზრდისა და ახალი ავიარეისების შესახებ ისაუბრა სამოქალაქო ავიაციის სააგენტოს დირექტორმა გურამ ჯალაღონიამაც.
შეხვედრაზე ასევე აღინიშნა, რომ შპს „საქაერონავიგაცია” უახლოეს ხანში მეტეოროლოგიური ოფისის ახალ შენობას ბათუმშიც გახსნის, რომელიც სრულად დააკმაყოფილებს სამოქალაქო ავიაციის საერთაშორისო ორგანიზაციისა (ICAO) და მსოფლიო მეტეოროლოგიური ორგანიზაციის (WMO) მარეგულირებელი დოკუმენტების მოთხოვნებს. გოჩა მეზვრიშვილის თქმით, ცენტრი აღიჭურვება ყველაზე თანამედროვე ტექნოლოგიებით, რომლებიც განკუთვნილია ამინდის, კლიმატის და ჰიდრომეტეოროლოგიური გაზომვის, პროგნოზისა და ანალიზისთვის.
უსაფრთხოების დონის ზრდასა და ხელშეწყობაზე ისაუბრა ჰიდროგრაფიული სამსახურის ხელმძღვანელმაც. რევაზ ბაბილუას თქმით, სამსახურის მიერ დაიწყო საზღვაო რუკების გამოშვება, მუშაობს ულტრათანამედროვე, ჰიდროგრაფიული კვლევებისთვის საჭირო ყველა თანამედროვე ტექნიკური მახასიათებლების მქონე, ბრიტანული, ახალი კატამარანი, რომელიც პოსტსაბჭოთა სივრცეში მხოლოდ საქართველოს ჰიდროგრაფიულ სამსახურს გააჩნია. გარდა ამისა, რევაზ ბაბილუას ინფორმაციით, გამართულად მუშაობს საზღვაო-სანავიგაციო სისტემები, რაც საქართველოს პორტებში გემების უსაფრთხო შემოსვლას 24 საათიან რეჟიმში უზრუნველყოფს.
საზღვაო ტრანსპორტის სააგენტოს დირექტორის მოადგილემ ვახტანგ მიქელაიშვილმა თავის მოხსენებაში ხაზი გაუსვა იმ ფაქტს, რომ სააგენტოს მიმდინარე წელს მიენიჭა ხარისხის მართვის სისტემის ISO 9001 - 2008 ახალი სერტიფიკატი. მისივე თქმით, საერთაშორისოდ აღიარებულმა აუდიტორებმა შეამოწმეს საზღვაო ტრანსპორტის სააგენტოს ყველა სტრუქტურული ერთეული, მათ შორის საქართველოს ნავსადგურების სახელმწიფო ზედამხედველობისა და კონტროლის სამსახურები ფოთში, ყულევსა და ბათუმში და აღნიშნეს სააგენტოში დანერგილი ხარისხის მართვის სისტემის ეფექტურობა. სწორედ მათი დასკვნის საფუძველზე იქნა მიღებული გადაწყვეტილება სააგენტოსთვის ახალი სერტიფიკატის მინიჭების თაობაზე.
საზღვაო სფეროსთან დაკავშირებულ საკითხებზე საუბრისას ასევე აღინიშნა, რომ ბათუმის საზღვაო აკადემიამ საქართველოს უმაღლეს სასწავლებლებს შორის მე-7 ადგილი დაიკავა. როგორც აკადემიის რექტორმა, ირაკლი შარაბიძემ განაცხადა, სასწავლებლის მაღალ დონესა და წარმატებაზე მეტყველებს ის ფაქტიც, რომ მეზობელი ქვეყნებიდან საკმაოდ დიდი მოთხოვნაა ბათუმის საზღვაო აკადემიაში სწავლის თაობაზე. პროფესიული დონის ამაღლების ხელშეწყობაზე ასევე ყურადღება გაამახვილა გოჩა მეზვრიშვილმაც, რომლის თქმითაც, „საქაერონავიგაციამ“ ავიამეთვალყურის პროფესიის შესასწავლად, კონკურსის წესით 12 კანდიდატი შეარჩია, რომლებიც ჩეხეთის საავიაციო სკოლაში 6-7 თვით გაემგზავრებიან და ავიამეთვალყურის პროფესიას დაეუფლებიან. აღსანიშნავია, რომ კურსის დასრულების შემდეგ თორმეტივე კანდიდატის დასაქმებაა დაგეგმილი საქართველოს სამ საერთაშორისო აეროპორტში.
რაც შეეხება სახმელეთო ტრანსპორტის სფეროში არსებულ გადაზიდვების სტატისტიკას, მიხეილ ხმალაძის განმარტებით, საქართველოს საერთაშორისო გადამზიდველების მიერ განხორციელებული ტვირთზიდვის მოცულობა (შესრულებული რეისების შესაბამისად) გასული წლის ანალოგიურ პერიოდთან შედარებით გაიზარდა 16.1 %-ით. უცხო ქვეყნის საავტომობილო სატვირთო გადამზიდველების მხრიდან საქართველოს ტერიტორიის ტრანზიტად გავლას, ბოლო წლების მანძილზე ასეთი რეჟიმით გამავალი დატვირთული ავტოსატრანსპორტო საშუალებების რაოდენობა სტაბილურად იზრდება. მისივე ინფორმაციით, 2015 წლის იანვარ-აგვისტოში წინა წლის ანალოგიურ პერიოდთან შედარებით 189%-ით არის გაზრდილი რუსეთ-საქართველოს შორის ორმხრივი და ტრანზიტული გადაზიდვები, ხოლო 323%-ით არის გაზრდილი მესამე ქვეყნიდან/ქვეყანაში მიმართულებით ორმხრივი და ტრანზიტული გადაზიდვების მოცულობა.
დიმიტრი ქუმსიშვილმა უწყებების ხელმძღვანელებს შეხვედრაზე გამოკვეთილი მნიშვნელოვანი საკითხების გადასაჭრელად და მომავალი გეგმების განსახორციელებლად კონკრეტული დავალებები მისცა. მინისტრმა საავიაციო, საზღვაო და სახმელეთო სფეროს წარმომადგენლებს მოუწოდა, მაქსიმალურად შეუწყონ ხელი ქვეყანაში ტურიზმის სფეროს განვითარებასა და ახალი სამუშაო ადგილების შექმნას.
პოლიტიკა
- ასე გამოიყურება ავტორიტარიზმი - მირიამ ლექსმანი მონაცემთა ბაზაზე
- „ოცნებას“ ფანტაზია გამოელია და mona.ge-ს mona.ru დაუპირისპირა - იაგო ხვიჩია
- "უსამშობლოების" სია გაკეთდება - ირაკლი ზარქუა
- მინდა, შალვა პაპუაშვილს კითხვა დავუსვა: ძალადობაზე როგორ ლაპარაკობ საერთოდ? რომელიმე ძალადობის ფაქტი შეაფასე? ყველაფერს როგორ აყალბებთ? საერთოდ ვინ ხართ, საიდან მოხვედით? - გიორგი ვაშაძე
სამართალი
- ვაფრთხილებთ აქციის ყველა მონაწილესა და ორგანიზატორს, როდესაც პოლიცია კანონის შესაბამისად დაიწყებს ძალადობრივი ქმედებების აღკვეთას, გამოყენებული იქნება მკაცრი ზომები, როგორც წამყვან ქვეყნებშია მიღებული - თეიმურაზ კუპატაძე
- ლადო აფხაზავასა და მის შვილზე თავდასხმაში ბარალდებულ პირს ბრალი წარედგინა
- სკოლებსა და სავაჭრო ცენტრებში რაიმე სახის ასაფეთქებელი ნივთიერება ან მოწყობილობა აღმოჩენილი არ ყოფილა - სუს-ი
- ლაზარე გრიგორიადისის სასამართლოს დასკვნითი სხდომა ისევ გადაიდო
მსოფლიო
- დიდი ბრიტანეთი რუსეთის სამხედრო ატაშეს გააძევებს
- აშშ-ის სამხედრო დახმარების შეფერხებას, უკრაინაში შედეგები მოჰყვა - იენს სტოლტენბერგი
- თუ უკრაინა დამარცხდება, ჩვენ, ყველა დავმარცხდებით - ბრიტანეთი და საფრანგეთი მოკავშირეებს მოუწოდებენ მეტი გააკეთონ უკრაინის დახმარებისთვის
- ჩვენ არ გვჯერა, რომ რაფაჰში შესვლა კარგი იდეაა, სხვა გზებიც არსებობს ამ საფრთხის შესაჩერებლად - ჯონ კირბი
კონფლიქტები
- რუსეთის საოკუპაციო ძალების მიერ სოფელ დირბის მიმდებარედ, უკანონოდ დაკავებული საქართველოს ორი მოქალაქე თავისუფალია - სუს-ი
- ოკუპირებულ აფხაზეთში მი-24 ჩამოვარდა
- ოკუპირებული აფხაზეთის ე.წ. პარლამენტმა ბიჭვინთის სახელმწიფო აგარაკის რუსეთისთვის გადაცემის შესახებ შეთანხმება დაამტკიცა
- რუსეთის საოკუპაციო ძალების მიერ უკანონოდ დაკავებული ლევან პეტრიაშვილი თავისუფალია - სუს-ი
ბიზნესი
- ისტორიული აღიარება - „პორშე ცენტრი თბილისს“ მსოფლიო ჯილდო PACE 2023 გადაეცა
- „ვოლვო ქარ საქართველოსთან“ პარტნიორობით „ასტრაზენეკა საქართველომ“ ავტოპარკი სრულად ელექტრო ავტომობილებით განაახლა
- „თეგეტა მოტორსში“ 27 აპრილიდან საგაზაფხულო ფასდაკლებები მოქმედებს
- „თეგეტა მოტორსის“ სპეციალური შეთავაზება VARTA-ს, EXIDE-ისა და ENERGIZER-ის აკუმულატორებზე
სპორტი
- 26 მარტს, საქართველო-საბერძნეთის მატჩის ნახვა რესპუბლიკის მოედანზე, დიდ ეკრანზეც იქნება შესაძლებელი
- საქართველო - საბერძნეთის მატჩის ბილეთების გაყიდვა 23 მარტიდან დაიწყება
- საქართველო-ლუქსემბურგის მატჩის ნახვა რესპუბლიკის მოედანზე, დიდ ეკრანზეც იქნება შესაძლებელი, მოეწყობა სპეციალური ფანზონა
- The Guardian-მა უეფა-ს პრეზიდენტობის კანდიდატთა შორის ლევან კობიაშვილიც დაასახელა