Europcar Georgia-მ 2023 წელი წარმატებით დაასრულა და შემოსავლების ნაწილში 30%-იანი ზრდა აჩვენა
საქართველო, თბილისი - 16:07 | 27.02.2024 ნანახია: 3202რეგიონული გაფართოება, საერთაშორისო ჯილდოები, გაზრდილი ავტოპარკი და ფინანსური მაჩვენებლები - Europcar Georgia-მ გასული წელი მნიშვნელოვანი წარმატებით დაასრულა. გაიზარდა კომპანიაში დასაქმებული ადამიანების რაოდენობაც. Europcar-ს ამ დროისთვის 100-ზე მეტი თანამშრომელი ჰყავს.
კომპანია, რომელიც საერთაშორისო ბრენდის Europcar-ის ოფიციალური წარმომადგენელია საქართველოში, მომხმარებლებს სთავაზობს როგორც ავტომობილების დღიურ გაქირავებას, ისე საოპერაციო ლიზინგს, სატრანსპორტო მომსახურებასა და Auto subscription-ის სერვისს. როგორც Europcar Georgia-ს დირექტორი სანდრო საყვარელიძე ამბობს, გასულ წელს თითოეულ ამ სერვისზე მოთხოვნა გაიზარდა, შედეგად კი შემოსავლების ნაწილში კომპანიამ 30%-იან ზრდას მიაღწია.
სანდრო საყვარელიძე, Europcar-ის დირექტორი: „2023 წელი Europcar-ისთვის საკმაოდ წარმატებული იყო. ავტოპარკის რაოდენობა, 2022-თან შედარებით, 40%-ით გაიზარდა. მიმდინარედ გვყავს 500-მდე ავტომობილი, აქედან 85% უჭირავს კორპორაციულ მიმართულებას, საოპერაციო ლიზინგსა და სატრანსპორტო მომსახურებას. დღიური გაქირავების მიმართულებით თითქმის უკვე ორჯერ გაზრდილი ავტოპარკით ვემსახურებით საერთაშორისო ტურისტებს. 2023-ში საოპერაციო ლიზინგის პორტფელში 10-ზე მეტი ახალი კომპანია დავიმატეთ, რომელთაც, საშუალოდ, 4-5 წლით მივაქირავეთ სხვადასხვა მარკისა და მოდელის უახლესი ავტომობილები. რაც შეეხება გამოწვევებს, 2023 წელს მნიშვნელოვანი ეფექტი მოახდინა ახლო აღმოსავლეთში მიმდინარე ომმა, ვინაიდან მკვეთრად შემცირდა ისრაელის მოქალაქეების მომართვიანობა“.
Europcar Georgia ორიენტირებულია არა მხოლოდ ქართული, არამედ უცხოური ბაზრების ათვისებაზე, რადგან რეგიონული გაფართოება სტრატეგიის მნიშვნელოვანი ნაწილია. გასულ წელს კომპანიამ ახალი წარმომადგენლობით ოპერირება უზბეკეთში დაიწყო.
სანდრო საყვარელიძე, Europcar-ის დირექტორი: „უზბეკეთის ბაზარი ბოლო წლებია, მნიშვნელოვნად ვითარდება და დიდ შესაძლებლობებს ქმნის ბიზნესისთვის. გარდა ამისა, როგორც ქვეყანა, სულ უფრო მომხიბვლელი ხდება მოგზაურებისთვის. საერთაშორისო ავტოგაქირავების მიმართულება კი განვითარების პირველ საფეხურზეა. ჩვენი დიდი სურვილი იყო, ამ ბაზარზე პირველები შევსულიყავით და გამოცდილება გაგვეზიარებინა. Europcar Georgia-ს დაარსების დღიდან თვალსაჩინო შედეგები აქვს, რაც Europcar-ისთვის იმას მიანიშნებს, რომ ვართ სანდო და სტრატეგიული პარტნიორები. სწორედ ჩვენი შედეგებიდან გამომდინარე, Europcar კიდევ ერთხელ გვენდო და საშუალება მოგვცა, უზბეკეთის ბაზარიც მოგვეცვა“.
2023 წელს განხორციელებულ წარმატებულ პროექტებს შორის იყო Fox Rent A Car-თან პარტნიორობა. Europcar Georgia საქართველოში ამერიკული კომპანიის ექსკლუზიური წარმომადგენელი გახდა, რითაც კიდევ უფრო მეტი ამერიკელი ტურისტის მოზიდვა შეძლო. 2023 წელს, 2022-თან შედარებით, 67%-ით მეტი ამერიკის მოქალაქე გახდა Europcar-ის მომხმარებელი საქართველოში.
გასული წლის კიდევ ერთი მნიშვნელოვანი მოვლენა იყო World travel awards-ის (WTA) საერთაშორისო ჯილდო ნომინაციაში „საქართველოს ლიდერი ავტოგაქირავების კომპანია“. ეს ჯილდო და საერთაშორისო აღიარება Europcar Georgia-მ ზედიზედ უკვე მეორედ მოიპოვა. WTA მსოფლიო ტურიზმის სექტორში ერთ-ერთი ყველაზე პრესტიჟული დაჯილდოებაა. გამარჯვებულები საერთაშორისო ტურისტების შეფასებით გამოვლინდნენ, რომლებმაც მომსახურების მიმართ თავიანთი კმაყოფილება ხმის მიცემით გამოხატეს.
2024 წლისთვის Europcar Georgia-ს ამბიციური გეგმები აქვს და აპირებს, წარმომადგენლობები გააფართოოს როგორც საქართველოში, ისე - საზღვარგარეთ. რამდენიმე ახალი ფილიალის დამატება იგეგმება ტაშკენტში, თბილისსა და საქართველოს დიდ ქალაქებში. გარდა ამისა, გაიზრდება საოპერაციო ლიზინგის პორტფელი მსუბუქი ავტომობილების, სადისტრიბუციო მიკროავტობუსებისა და სატვირთო ავტომობილების მიმართულებით. კომპანია გეგმავს დღიურად გასაქირავებელი ავტომობილების რაოდენობის ზრდას, რათა კიდევ უფრო მეტ ტურისტს მოემსახუროს. ჯამურად, იგეგმება, რომ ავტოპარკის რაოდენობა, სულ მცირე, 25%-ით გაიზარდოს, რაც ასევე ხელს შეუწყობს მეტი ადამიანის დასაქმებას.
პოლიტიკა
- გუშინდელი მოსმენა აშშ-ის კონგრესის საგარეო ურთიერთობათა კომიტეტში, არის განაჩენი ივანიშვილის პარტიისთვის - თინა ბოკუჩავა
- ჩვენ გვინდა, ამერიკელ პარტნიორებს შევთავაზოთ ურთიერთობების გადატვირთვა, ამ ფონზე, კონტრპროდუქტიულია განცხადებები, რომლებიც საქართველოსთან დაკავშირებით კონგრესში გაკეთდა - ირაკლი კობახიძე
- 26 ოქტომბრის არჩევნები იქნება რეფერენდუმი ომსა და მშვიდობას, ლიბერალურ ფაშიზმსა და ტრადიციულ ფასეულობებს, ბნელ წარსულსა და ნათელ, ევროპულ მომავალს შორის - ირაკლი კობახიძე
- ივანიშვილის პროპაგანდა თითქოს დონალდ ტრამპის პრეზიდენტად არჩევის შემთხვევაში, აშშ-სთან ურთიერთობის აღდგენას, არის მტკნარი სიცრუე და ქართველი ხალხის მოტყუების მცდელობა - თინა ბოკუჩავა
საზოგადოება
- ზაქარიას პატარა მანქანა დიდი საქმეებისთვის - მხარდასაჭერ კამპანიას „თეგეტა ჰოლდინგი“ შეუერთდა
- 26 ივლისამდე საქართველოს ცალკეულ რაიონებში დროგამოშვებით წვიმიანი ამინდია მოსალოდნელი
- დაზუსტებული მონაცემებით, საქართველოში მიწისძვრის სიმძლავრემ 4.9 მაგნიტუდა შეადგინა
- „ტოიოტა ცენტრი ბათუმი“ გემის მომავალ კაპიტანს ლიზი ქავთარაძეს სწავლას დაუფინანსებს
სამართალი
- გამოძიება მიმდინარეობს უკრაინაში მყოფი საქართველოს ხელისუფლების ყოფილი მაღალჩინოსნების ორგანიზებითა და დაფინანსებით, დანაშაულებრივი ქმედებების, მათ შორის, ბიძინა ივანიშვილის მკვლელობის მომზადების ფაქტებზე - სუს-ი
- ბათუმში, მშენებლობაზე დასაქმებული 17 წლის ბიჭი სიმაღლიდან გადავარდა და დაიღუპა
- შსს-მ ნარკოდანაშაულისთვის 24 პირი დააკავა, მათ შორის 11 ნარკორეალიზატორია
- ვალეში, წყლის ჭაში სამუშაოების შესრულებისას წყალმომარაგების კომპანიის თანამშრომელი დაიღუპა
კონფლიქტები
- რუსეთის საოკუპაციო ძალების მიერ სოფელ დირბის მიმდებარედ, უკანონოდ დაკავებული საქართველოს ორი მოქალაქე თავისუფალია - სუს-ი
- ოკუპირებულ აფხაზეთში მი-24 ჩამოვარდა
- ოკუპირებული აფხაზეთის ე.წ. პარლამენტმა ბიჭვინთის სახელმწიფო აგარაკის რუსეთისთვის გადაცემის შესახებ შეთანხმება დაამტკიცა
- რუსეთის საოკუპაციო ძალების მიერ უკანონოდ დაკავებული ლევან პეტრიაშვილი თავისუფალია - სუს-ი
თავდაცვა
- სუ-25-ის კატასტროფის ადგილზე, საგამოძიებო და საპროცესო მოქმედებები დასრულებულია - თავდაცვის სამინისტრო
- საქართველო პოლონეთისგან საზენიტო-სარაკეტო კომპლექსს შეისყიდის
- წლის ბოლომდე გამოვუშვებთ ქართული წარმოების უპილოტო საფრენ აპარატებს - ჯუანშერ ბურჭულაძე
- აშშ საქართველოს რუსეთის წინააღმდეგ თავდაცვის გასაძლიერებლად $35 მილიონს გამოუყოფს
სპორტი
- პარიზის ზაფხულის ოლიმპიადაზე 28 ქართველი სპორტსმენი იასპარეზებს
- ზურიკო დავითაშვილი ტექნიკური მოთამაშეა და ჩვენი გუნდისთვის მნიშვნელოვანი შენაძენია - „სენტ-ეტიენის“ მთავარი მწვრთნელი
- UEFA-მ თურქეთის ნაკრების ფეხბურთელის, მერიჰ დემირალის ჟესტის გამო გამოძიება დაიწყო
- გიორგი მამარდაშვილი მოგერიებული ბურთების რაოდენობით ევრო 2024-ის საუკეთესო მეკარეა