ვახო სანაიაზე თავდასხმაში ბრალდებულებს, სასამართლომ 6-თვიანი პატიმრობა მიუსაჯა

ფორმულას ჟურნალისტ ვახო სანაიაზე თავდასხმაში სამივე ბრალდებული თბილისის საქალაქო სასამართლომ დამნაშავედ ცნო. სულიკო საყევარიშვილს 6 თვე და საზოგადოებისთვის სასარგებლო შრომა მიუსაჯეს, ვაჟა გიგაურს მოსამართლემ ასევე 6 - თვიანი პატიმრობა და 2500 ლარი ჯარიმა, გიორგი სახელაშვილს კი 6-თვიანი პატიმრობა მიუსაჯა. სამივე ბრალდებული დღესვე გათავისუფლდება.

განაჩენი მოსამართლე გიორგი კერატიშვილმა რამდენიმე წუთის წინ გამოაცხადა.

ვახო სანაიას თანახმად, მას თბილისში ფიზიკურად გაუსწორდნენ 24 თებერვალს ღამით, როცა ოჯახის წევრებთან ერთად სახლში ბრუნდებოდა. ტელეწამყვანს ტვინის შერყევა ჰქონდა.

ვაჟა გიგაური, სულიკო საყევარაშვილი და გიორგი სახელაშვილი ჟურნალისტის პროფესიული საქმიანობის გამო განხორციელებული დევნისა და დისკრიმინაციის ნიშნით შეუწყნარებლობის მოტივით მუქარის ფაქტზე თებერვალში დააკავეს.