უმჯობესი იყო მეთქვა, იბრძოლეთ აღმაშენებლობისთვის, დავითობისთვის, გორგასლობისთვის - დეკანოზი სპირიდონი

დეკანოზი სპირიდონ ცქიფურიშვილი, რომელიც 5 ივლისს პრაიდის საწინააღმდეგო აქციაში მონაწილე ძალადობრივ ჯგუფებს ძალადობისკენ მოუწოდებდა, ამბობს, რომ უმჯობესი იქნებოდა საქართველოსთვის, აღმაშენებლობისთვის, გორგასლობისთვის ბრძოლისკენ მოეწოდებინა.

"უმჯობესი იყო, მეთქვა, და ახლა ვიმეორებ ამ სიტყვას, ჩავთვალოთ, რომ გავასწორეთ ეს სიტყვა, იბრძოლეთ საქართველოსთვის, იბრძოლეთ დედაეკლესიის ერთგულებისთვის, იბრძოლეთ აღმაშენებლობისთვის, იბრძოლეთ დავითობისთვის, იბრძოლეთ გორგასლობისთვის, გაგახაროთ და გაგაძლიეროთ ღმერთმა". – თქვა დეკანოზმა სპირიდონმა.

5 ივლისს პარლამენტის წინ გამართულ პუტინისტურ, ძალადობრივ აქციაზე დეკანოზი სპირიდონი ამბობდა: "არა ძალადობას კი არა, ვალდებულები ხართ, იძალადოთ სამშობლოსთვის, იძალადოთ ღმერთისთვის, იძალადოთ სიკვდილისთვის".