მიშელის დოკუმენტში მოსამართლეების დანიშვნაზე წერია პაუზა და არა შეჩერება - სალომე ზურაბიშვილი

საქართველოს პრეზიდენტი, სალომე ზურაბიშვილი ამბობს, რომ შარლ მიშელის დოკუმენტში მოსამართლეების დანიშვნის პროცესთან დაკავშირებით წერია პაუზება და არა შეჩერება.

როგორც ზურაბიშვილმა აღნიშნა, მოსამართლეების დანიშვნის საკითხზე "ტერმინებით თამაში მიდის", რომელსაც არ ეთანხმება.

"მე ჯერ შარლ მიშელისგან კრიტიკა არ გამიგია. მე თვითონ ვთვლი, რომ რაღაც ფორმით ვარ პასუხისმგებელი, ზედამხედველი, სიტყვა არ მომწონს, მაგრამ რაღაცა ფორმით ამიტომ ვაკვირდები ამ პროცესს. რაღაც ტერმინების თამაში მიდის, რასაც არ ვეთანხმები. დოკუმენტში წერია პაუზა და არა შეჩერება, ეს ორი სხვადასხვა რამეა. მე ვიცი რამდენად არის ჩვენი სასამართლო გადატვირთული, ამიტომ შეჩერება არ მიმაჩნია სწორედ. ამაზე მქონდა ამერიკის ელჩთანაც საუბარი". - ამბობს სალომე ზურაბიშვილი.

ქართული ოცნების გადაწყვეტილებით, უზენაესი სასამართლოს მოსამართლეების დანიშვნის პროცესი არ შეჩერდება. ამის შესახებ პარტიის თავმჯდომარე ირაკლი კობახიძემ პოლიტსაბჭოს შემდეგ გამართულ ბრიფინგზე თქვა.