შარლ მიშელი საოკუპაციო ხაზთან იმყოფება

საქართველო, თბილისი - 14:11 | 01.03.2021

ნანახია: 639

ევროპული საბჭოს პრეზიდენტი შარლ მიშელი საოკუპაციო ხაზის მოსაზღვრე სოფელ ხურვალეთში ჩავიდა. შარლ მიშელი ადგილზე გაეცნობა არსებულ ვითარებას.

სოფელ ხურვალეთში ევროპული საბჭოს პრეზიდენტი ევროკავშირის სადამკვირვებლო მისიის წარმომადგენლებთან ერთად იმყოფება.

შარლ მიშელი ხურვალეთის შემდეგ საქართველოში ევროკავშირის წარმომადგენლობის ახალი ოფისის ინაუგურაციას დაესწრება და ევროკავშირის დაფინანსებულ პროექტს დაათვალიერებს.

ვიზიტის ფარგლებში შარლ მიშელმა დღეს პირველი შეხვედრა ორბელიანების სასახლეში საქართველოს პრეზიდენტთან, სალომე ზურაბიშვილთან გამართა. დღესვე, ევროპული საბჭოს პრეზიდენტ შარლ მიშელს საქართველოს პრემიერ-მინისტრმა, ირაკლი ღარიბაშვილმა პირისპირ შეხვედრაზე უმასპინძლა.

დაგეგმილია შეხვედრები საქართველოს პარლამენტის თავმჯდომარე არჩილ თალაკვაძესთან და პოლიტიკური პარტიების ლიდერებთან.

შარლ მიშელი საქართველოს 2 მარტს დატოვებს.