ივანიშვილი გარდაისახა და ახლა ვასიკოშია, ორ ირაკლიშია, ერთ კახაშია, თეაშია და გიაშია - რომან გოცირიძე

საქართველო, თბილისი - 20:12 | 16.01.2021
ნანახია: 508

ნაციონალური მოძრაობის ერთ-ერთი ლიდერი რომან გოცირიძე ქართული ოცნებაში მიმდინარე პროცესებს ეხმიანება და ამბობს, რომ ბიძინა ივანიშვილი პარტიის წევრებად გარდაისახა.

"თოფიანები და ფულიანები - ასე შეიძლება დავახასიათოთ ქართული ოცნების პოლიტსაბჭოს ახალი შემადგენლობა. შეუცვლელი და ხელშეუხებელი მინისტრები, რომლებიც მთლიანად აკონტროლებენ ბიუჯეტს და ძალოვან ბლოკს, პლიუს საპარლამენტო წარმომადგენლობა ”დამამშვენებლის” როლით. ამათ დამატებული მარიონეტი გენერალური პროკურორი და მორჩილი პირებით დაკომპლექტებული სასამართლო სისტემა, მართული ეროვნული ბანკი და რა მივიღეთ? ივანიშვილის ოცნების ხელისუფლება.

წავიდა თუ არა? არსად წასულა, გარდაისახა. ის ახლა ვასიკოშია, ორ ირაკლიშია, ერთ კახაშია, თეაშია და გიაშია. იმ ასფალტშია, რომელსაც მაია დააგებს და ფინანსთა მინისტრი( სულ მავიწყდება მისი სახელი) დააფინანსებს ნასესხები ფულით, იმ ვაქცინაშია, რომელიც კორონას შემუსრავს და იმ რადიოტალღებშია, რომელიც ”იმედს” აფრქვევს ქვეყანაში. იმ ჩაქუჩშია, რომელსაც სპიკერი დასცხებს მაგიდაზე და იმათ გულშია სავსე, ვისი ჯიბეც გაავსო. ყველგანაა და წავიდაო! ესეც რწმენის საკითხია. რწმენას ხომ გაგებით უნდა მოვეკიდოთ"- ამბობს გოცირიძე.

დღეს, ქართული ოცნების ყრილობაზე პარტიის თავმჯდომარედ ირაკლი კობახიძე აირჩიეს. პარტიამ პოლიტსაბჭოს ახალი შემადგენლობაც დაამტკიცა.

 

 




არქივი

მოგვძებნე Facebook-ზე