"ნაციონალური მოძრაობა" არ იქნება პარლამენტში, რადგან ეს საკუთარი ხალხის ღალატია - მელია

საქართველო, თბილისი - 16:34 | 04.12.2020
ნანახია: 606

"ნაციონალური მოძრაობა" არ იქნება პარლამენტში, რადგან ეს საკუთარი ხალხის ღალატია. განაცხადა "ნაციონალური მოძრაობის" ერთ-ერთმა ლიდერმა, ნიკა მელიამ პარტიის პოლიტსაბჭოს სხდომის დასრულების შემდეგ.

მისი თქმით, პოლიტსაბჭოს სხდომაზე კიდევ ერთხელ ერთხმად დაფიქსირდა, რომ "თუ არ ჩატარდება ახალი არჩევნები, რაც გვესახება ერთადერთ გამოსავლად პოლიტიკური კრიზისის დასაძლევად, "ნაციონალური მოძრაობა" არ იქნება ფასადური დემოკრატიისთვის ხელშემწყობი პოლიტიკური პარტია".

"როგორც "ნაციონალური მოძრაობის" პოლიტიკური საბჭოს თავმჯდომარემ მინდა გითხრათ, გადაწყვეტილება იმასთან დაკავშირებით, რომ გაყალბებული არჩევნების შემდეგ პარლამენტში "ნაციონალური მოძრაობის" თუნდაც ერთი წარმომადგენელი მაინც განიხილავს შესვლას, არის უბრალოდ "ქართული ოცნების" ოცნება. პოლიტსაბჭოს სხდომის ფორმატში, კიდევ ერთხელ მკაფიოდ დაფიქსირდა, რომ თუ არ ჩატარდება ამ ქვეყანაში ახალი არჩევნები, რაც გვესახება ერთადერთ გამოსავლად პოლიტიკური კრიზისის დასაძლევად, "ნაციონალური მოძრაობა" არ იქნება ფასადური დემოკრატიისთვის ხელშემწყობი პოლიტიკური პარტია. ანუ, "ნაცმოძრაობა" არ იქნება, ვერ იქნება პარლამენტში იმიტომ, რომ ეს არის ღალატი საკუთარი ხალხის. არ შეიძლება მაშინ, როდესაც ქვეყანაში ოლიგარქმა არჩევნები არ ჩაატარა, შენ პარლამენტში შესვლით ლეგიტიმაცია მისცე პარლამენტს, რომელიც სინამდვილეში არ არის პარლამენტი და არის ივანიშვილის კანტორა, ივანიშვილის ნება-სურვილის აღმსრულებელი", - განაცხადა მელიამ.


პოლიტიკა



არქივი

მოგვძებნე Facebook-ზე