ნათელია, რომ "ქართულ ოცნებას" უგებს ყველა ოპოზიციური პარტია - ნინო ბურჯანაძე

სრულიად ნათელია ის, რომ "ქართულ ოცნებას" უგებს ყველა ოპოზიციური პარტია და ამაზე ორი აზრი არ არსებობს, - აცხადებს "დემოკრატიული მოძრაობა – ერთიანი საქართველოს" ლიდერი ნინო ბურჯანაძე.

"სრულიად ნათელია ის, რომ "ქართულმა ოცნებამ" ისევ შეირცხვინა თავი, სრულიად ნათელია ის, რომ "ქართულ ოცნებას" უგებს ყველა ოპოზიციური პარტია და ამაზე ორი აზრი არ არსებობს. მინდა ვუთხრა ჩვენს ამომრჩევლებს, რომ აუცილებლად მობრძანდით არჩევნებზე. მიუხედავად იმისა, რომ "ქართულმა ოცნებამ" ყველანაირი მობილიზაცია გააკეთა, არ დაიხია უკან არცერთი მეთოდის გამოყენებისაგან. ჩვენ დავიცავთ თქვენ ხმებს," - განაცხადა ნინო ბურჯანაძემ.

ნინო ბურჯანაძის თქმით, იმის მიუხედავად რომ ხდება ზოგიერთი ოპოზიციური პარტიის წარმომადგენლის უბნებიდან გაძევება, ოპოზიცია ერთმანეთის ხმებს დაიცავს.

"ჩვენ შეთანხმებული ვართ, რომ ოპოზიციური პარტიები ერთმანეთის ხმებს დავიცავთ," - აღნიშნა ნინო ბურჯანაძემ.