ეს ბოგანო, უწიგნური ადამიანი - გიგი უგულავა კახა კალაძეზე

როგორ შეიძლება გამოიყვანო ეს ბოგანო, უწიგნური ადამიანი, ალაპარაკო ანტიკონსტიტუციურობაზე ამა თუ იმ კანონის, - ამის შესახებ „ევროპული საქართველოს ერთ-ერთმა ლიდერმა გიგი უგულავამ ტვ პირველისეთერში კახა კალაძის შესახებ თქვა, რომელმაც დღეს განაცხადა, რომ 2020 წლის საპარლამენტო არჩევნები შერეული წესით ჩატარდება.

„როგორ შეიძლება გამოიყვანო ეს ბოგანო, უწიგნური ადამიანი, ალაპარაკო ანტიკონსტიტუციურობაზე ამა თუ იმ კანონის,  არც კანონი უნახავს და არც კონსტიტუცია წაუკითხავს.

კობახიძე მაინც გამოეყვანათ, წაკითხული მაინც აქვს თავისი დაწერილი კონსტიტუცია. ბოლომდე აბუჩად აგდებაა ეს საზოგადოების“- განაცხადა უგულავამ.

პარტია „ქართული ოცნების“ გენერალურმა მდივანმა განაცხადა, რომ “თემა დახურულია და 2020 წლის საპარლამენტო არჩევნები შერეული წესით ჩატარდება”, მისივე თქმით, ოპოზიციისა და სამოქალაქო აქტივისტების მიერ შემოთავაზებული გერმანული მოდელი არაკონსტიტუციურია.