ნატო არის ჩვენთვის მიუღწევადი ამოცანა - ირმა ინაშვილი

პარტია "პატრიოტთა ალიანსის" ლიდერი და პარლამენტის ვიცე-სპიკერი ირმა ინაშვილი აცხადებს, რომ საქართველოს ნატო-ში გაწევრება მიუღწევად ამოცანაა.

ირმა ინაშვილი ბათუმში ჩრდილოატლანტიკური საბჭოს (NAC) ვიზიტის ფარგლებში გამართულ ღონისძიებას ესწრება.

"პრემიერმა სხვათაშორის NDI-ის მონაცემები გაავრცელა, რომ ნატოს თითქოსდა მხარს უჭერს ჩვენი მოსახლეობის 71%, მაგრამ უნდა გითხრათ, რომ ეს ასე არ არის. განწყობები შეიცვალა...

თუ ვინმეს ჩვენი მიღება უნდოდა ნატო-ში, გუშინწინ მიგვიღებდა, მაგრამ დღეს უკვე არის ვითარება, რომელიც შემდეგი დასკვნის გამოტანის საფუძველს იძლევა. ნატო არის ჩვენთვის მიუღწევადი ამოცანა. ამაზე საუბრობენ მკაფიოდ ჩვენი საერთაშორისო პარტნიორებიც.

ჩვენ ვთავაზობთ საქართველოს ხელისუფლებასაც და საერთაშორისო პარტნიორებსაც, დავიწყოთ მუშაობა სამხედო მიუმხრობლობის მოდელზე", - თქვა ირმა ინაშვილმა ჟურნალისტებთან საუბრისას.

3 ოქტომბერს, ბათუმს, ნატოს ჩრდილოატლანტიკური საბჭოს (NAC) ეწვია.