თქვენ ჩვენი მეგობრები ხართ, თუ ჩრდილოელი დათვის - შალვა ნათელაშვილი ტრამპის ადმინისტრაციას მიმართავს

მე მივმართავ პრეზიდენტ ტრამპის ადმინისტრაციას, თქვენ ჩვენი მეგობრები ხართ, თუ ჩრდილოელი დათვის, - "ლეიბორისტული პარტიის" ლიდერი შალვა ნათელაშვილმა აშშ-ის პრეზიდენტის დონალდ ტრამპის ადმინისტაციას მიმართავს და აღნიშნავს, რომ „საქართველოში მყარდება რუსეთის პრეზიდენტის, პუტინის პირდაპირი რეპრესიული დიქტატურა.

"საქართველოში მყარდება რუსეთის პრეზიდენტის, პუტინის პირდაპირი რეპრესიული დიქტატურა, ხოლო საქართველოს ხელისუფლება გადაიქცა კრემლის საოკუპაციო კომიტეტად. ამის ფონზე მტკიცება იმისა, რომ რომელიმე პარტია ან ლიდერი უპირისპირდება ხელისუფლებას, არის დანაშაულებრივი არგუმენტი, რეჟიმს უპირისპირდება ქართველი ხალხი. მე მივმართავ პრეზიდენტ ტრამპის ადმინისტრაციას, თქვენ ჩვენი მეგობრები ხართ, თუ ჩრდილოელი დათვის, დროზე დაადეთ სანქციები რუს ოლიგარქ ივანიშვილს, რადგან მან საკუთარ ხალხზე ძალადობა შეწყვიტოს, დათმოს ხელისუფლება და დააბრუნოს საქართველოს ბიუჯეტში მოპარული მილიარდები. ჩვენ დიდი ხანია, ამერიკის შესაბამის კომპეტენტური სტრუქტურების წინაშე ეს საკითხი დაყენებული გვაქვს და განხილვის გაგრძელება ძირშივე არასწორია, ყველაფერი სახეზეა, თეთრიც და შავიც, რაღას ველოდებით", - განაცხადა ნათელაშვილმა.