გყავს მრავალდიპლომიანი, სრულიად უვიცი ადამიანები - სალომე სამადაშვილი

ჩვენ საზოგადოებაში გყავს მრავალდიპლომიანი, სრულიად უვიცი ადამიანები და ეს ქმნის პრობლემას, რომ ასეთი უვიც დოპლომირებულ საზოგადოების პირობებში კიდევ რამდენიმე თაობით ვერ შევძლებთ სიღარიბის დაძლევას, -  ამის შესახებ „ნაციონალური მოძრაობის“ წევრმა, სალომე სამადაშვილმა პარლამენტის პლენარულ სხდომაზე განაცხადა, სადაც განათლების მინისტრს მიხეილ ბატიაშვილს უსმენენ.

„საერთაშორისო შეფასებების მიხედვით, წერა-კითხვის ცოდნა დღეს ჩვენს ქვეყანაში გამოწვევას წარმოადგენს. ასევე ძალიან სერიოზული პრობლემაა, რომ საქართველოში აკადემიური მოსწრების თვალსაზრისით ყველა, ვინც იწყებს უმაღლესი განათლების მიღებას, ახერხებს, რომ დიპლომი აიღოს, როდესაც ევროკავშირის წევრ სახელმწიფოებში 30%-ზე მეტი, როგორც წესი ვერ იღებს დიპლომს. შედეგად ჩვენ საზოგადოებაში გყავს მრავალდიპლომიანი, სრულიად უვიცი ადამიანები და ეს ქმნის პრობლემას, რომ ასეთი უვიც დოპლომირებულ საზოგადოების პირობებში კიდევ რამდენიმე თაობით ვერ შევძლებთ სიღარიბის დაძლევას“, – განაცხადა სალომე სამადაშვილმა.