თუ მაღალი აქტივობა იქნება, ამ შეთხვევაში პასუხიც მაქსიმალურად სწორი იქნება – ირაკლი კობახიძე

საქართველოს პარლამენტის თავმჯდომარემ, ირაკლი კობახიძემ ხმა ვაკის 53-ე საარჩევნო უბანზე მისცა.

პარლამენტის სპიკერის განცხადებით, დღევანდელი არჩევანი ძალიან მარტივია – ორი პოლიტიკური ძალაა. მისივე თქმით, ერთ მხარეს არის ძალა, რომლის თვისებები აგრესია, სიძულვილი და სიცრუეა.

„მეორე მხარეს არის ძალა, რომელმაც ეს ყველაფერი წარსულს ჩააბარა. აქედან გამომდინარე, დარწმუნებული ვარ, საზოგადოებას არჩევანის გაკეთება არ გაუჭირდება. ყველას აქტივობისკენ მოვუწოდებ, რადგან პირველ ტურში დაბალმა აქტივობამ განაპირობა ის, რომ ამ ძალამ, ნეგატიურმა ძალამ საკმაოდ მაღალი შედეგი მიიღო. თუ მაღალი აქტივობა იქნება, ამ შეთხვევაში პასუხიც მაქსიმალურად სწორი იქნება“, – განაცხადა კობახიძემ.