პოლიტიკაში არ ვაპირებ დაბრუნებას. მაქვს ძალიან საინტერესო საქმე - გიორგი კვირიკაშვილი

პოლიტიკაში არ ვაპირებ დაბრუნებას, მაქვს ძალიან საინტერესო საქმე, - ამის შესახებ საქართველოს ყოფილმა პრემიერ-მინისტრმა, გიორგი კვირიკაშვილმა საარჩევნო უბნიდან გამოსვლის შემდეგ განაცხადა. გიორგი კვირიკაშვილი საარჩევნო უბანზე, შვილთან ერთად იმყოფებოდა.

„პოლიტიკაში არ ვაპირებ დაბრუნებას. მაქვს ძალიან საინტერესო საქმე. კარგად ბრძანდებოდეთ, წარმატებებს გისურვებთ ყველას“, - მიმართა ჟურნალისტებს კვირიკაშვილმა.

გიორგი კვირიკაშილი 2012-2015 წლებში იყო ეკონომიკისა და მდგრადი განვითარების მინისტრი. 2015 წელს რამდენიმე თვის განმავლობაში ეკავა საგარეო საქმეთა მინისტრის თანამდებობა, ხოლო 2015 წლის 30 დეკემბრიდან დაინიშნა საქართველოს პრემიერ-მინისტრად. 2018 წლის 13 ივნიის გიორგი კვირიკაშილმა საქართველოს პრემიერ-მინისტრის პოსტი 13 ივნისს დატოვა.