ფინანსურად დედა მეხმარება- სააკაშვილმა უკრაინელ ჟურნალისტებს ამსტერდამში ცხოვრების შესახებ უამბო

საქართველოს ყოფილმა პრეზიდენტმა მიხეილ სააკაშვილმა უკრაინული ტელეარხის 1+1-ის ჟურნალისტებს ამსტერდამში ცხოვრების შესახებ უამბო და უთხრა, რომ ფინანსურად მას დედა ეხმარება.

მისი თქმით, ნიდერლანდებში სახლის ქირა თავის კომუნალურ გადასახდებთან ერთად თვეში 300-350 ევრო უჯდება. დალაგების თანხასთან ერთად კი 400 ევროს აღწევს. სააკაშვილმა ჟურნალისტებს უთხრა, რომ ავტომობილი ველოსიპედით შეცვალა, საქმიანი სამოსი კი ჯინსებით.

სააკაშვილმა აღიარა, რომ ხანდახან ფინანსურად დედა - გიული ალასანია ეხმარება, რომელიც ისტორიულ მეცნიერებათა დოქტორი, თურქოლოგია.

„დედა საკმარის თანხას გამოიმუშავებს იმისათვის, რომ თავის თავი შეინახოს, დაეხმაროს ჩემს ცოლსა და შვილს, რომლებიც საქართველოში არიან და ხანდახან მეც დამეხაროს“, - აღნიშნა მან.

მისი თქმით, ნიდერლანდებში ძალიან მოწყენლია და უკრაინა ხშირად ახსენდება.