თბილისში რაიმე მსვლელობა ან მანიფესტაცია დაგეგმილი არ გვაქვს - „ძალა ერთობაშია“

გაერთიანებულ ოპოზიცია „ძალა ერთობაშიას“ 19, 20 ან 21 ოქტომბერს დედაქალაქში რაიმე მსვლელობა ან მანიფესტაცია დაგეგმილი არ აქვს. 

გაერთიანებული ოპოზიციის ინფორმაციით, აღნიშნულ პერიოდში „ძალა ერთობაშიას“ საპრეზიდენტო კანდიდატი გრიგოლ ვაშაძე შეხვედრებს დასავლეთ საქართველოში მართავს და შესაბამისად, გაერთიანების წარმომადგენლებიც მასთან ერთად იქნებიან.

"საარჩევნო კამპანიის დროს, სხვადასხვა ადგილებზე ღონისძიებების გამართვასთან დაკავშირებით, მუნიციპალიტეტების მიმართ ტექნიკური მიმართვიანობა წინასწარ ხდება და თბილისის მერიის შემთხვევაშიც ასე მოხდა", - ნათქვამია განცხადებაში.

ცნობისთვის, დედაქალაქის მთავრობის სხდომაზე კახა კალაძემ განაცხადა, რომ „25 სექტემბერს, დედაქალაქის მერიაში შემოვიდა „ერთიანი ნაციონალური მოძრაობის“ წერილი, რომ 19, 20, 21 ოქტომბერს, 10:00-დან 18:00 საათამდე თავისუფლების მოედანსა და რუსთაველის გამზირზე წინასაარჩევნო მსვლელობა იგეგმება“.