ადამიანი, რომელიც თავს გრძნობს ქალად, რატომ უნდა ეწეროს პასპორტში მამაკაცი - თაკო ჩარკვიანი

ადამიანი, რომელიც თვლის, რომ ქალია და თავს გრძნობს ქალად, ფიზიოლოგიურად თუ ფსიქოლოგიურად, დიდი სურვილი აქვს, რომ გაიკეთოს ოპერაცია და უსახსრობის გამო ვერ იკეთებს, მაინტერესებს, რატომ უნდა ეწეროთ მათ პასპორტში - მამაკაცი, - ამის შესახებ პუბლიცისტი თაკო ჩარკვიანი Facebook-ის პირად გვერდზე წერს.

ჩარკვიანის თქმით, ადამიანი, რომელიც იბრძვის, ისე უნდა ოპერაციის გაკეთება, რადგან გრძნობს, რომ ქალია, მისთვის გაუგებარია, რატომ უნდა ეწეროს პასპორტში კაცი.

"ახლა ვუყურე PS-ში ძალიან მძიმე სიუჟეტს - ტრანსგენდერებზე. მართლა მაინტერესებს, ადამიანი, რომელიც თვლის, რომ ქალია და თავს გრძნობს ქალად ფიზიოლოგიურად თუ ფსიქოლოგიურად, დიდი სურვილი აქვს, რომ გაიკეთოს ოპერაცია და უსახსრობის გამო ვერ იკეთებს, მაინტერესებს, რატომ უნდა ეწეროთ მათ პასპორტში - მამაკაცი, მართლა მაინტერესებს - ჩემთვის სრულიად გაუგებარია - მე წამიკითხავს ფ.ბ_ში აზრი, რომ თითქოს მამაკაცის უფლებები, ხომ დაირღვევა თუ (ამ ტიპის ადამიანი) მეგობარ კაცს გაიჩენსო - თუ საერთოდ სიცრუეზეა საუბარი, ამ და ამ ტიპის სიცრუეს კაცის და ქალის მხრიდან, ყოველთვის კანონი უნდა არეგულირებდეს - სიცრუე, მაშინაც და ყოველთვის მიუღებელია იმ ურთიერთობის დროს როცა არატრანსგენდერთან აქვს ურთიერთობა ადამიანს, (ასე რომ ეს ძალიან სუსტი არგუმენტია) ახლა კი, ასე ტრანგენდერიც დაუცველია და მამაკაციც ბატონო, ასე უფრო ცუდი არ არის? ამიტომ ემოციის გარეშე, გონივრულად კანონის მიხედვით შესანიშნავად დარეგულირდება - ნაკლებად დასაშანტაჟებელი იქნება " სხვა ქვეყნების უშიშროების" მიერ გარკვეული ადამიანები, (როგორც ცნობილია წლების მანძილზე ამას აკეთებდა უშიშროება), ვინაიდან მათ დაიცავთ კანონი, მოკლედ იმის თქმა მინდა, რომ ადამიანი, რომელიც იბრძვის ისე უნდა ოპერაციის გაკეთება (სახლს ყიდის და რა ვიცი კიდევ რა) რადგან გრძნობს, რომ ქალია მართლა ქალი, მართლა ვერ ვიგებ რატომ უნდა ეწეროს პასპორტში კაცი - არ მესმის და რა ვქნა - ტრაგედიააა მართლა", - წერს ჩარკვიანი.

ცნობისთვის, 8 მარტს, თბილისში, იუსტიციის სახლთან ტრანსგენდერი ქალების უფლებების დასაცავად აქცია გაიმართა. 

აქციის მონაწილეების თქმით, ერთ-ერთი ყველაზე მწვავე პრობლემა, რაც საქართველოში ტრანსგენდერ ადამიანებს აწუხებთ, არის პირადობის მოწმობაში სქესის შეცვლის არაჰუმანური პროცედურა. 

მათივე განცხადებით, სწორედ ამიტომ, ისინი მოითხოვენ, იუსტიციის სამინისტრომ პირადობის დამადასტურებელ დოკუმენტებში სქესის შეცვლა უზრუნველყოს ტრანსგენდერი ადამიანის მიერ შესაბამისი სამედიცინო დოკუმენტაციის წარდგენის საფუძველზე, რაც გულისხმობს გენდერული დისფორიის დიაგნოზს, მაგრამ არა სქესის კვლავმინიჭების ოპერაციის ცნობას.

ამავე მოთხოვნით პეტიციაც გავრცელდა, რომელსაც უკვე 1 000-ზე მეტი ხელმოწერა აქვს.