ევროპის საინვესტიციო ბანკს (EIB) მხარდაჭერით „ქუთაისის წყალარინების პროექტი” დაფინანსდება
საქართველო, თბილისი - 15:19 | 15.10.2015 ნანახია: 1696საქართველოსა და ევროპის საინვესტიციო ბანკს (EIB) შორის წარმატებული თანამშრომლობა გრძელდება. თბილისში აბრეშუმის გზის ფორუმის ფარგლებში მყოფი EIB-ის ვიცე-პრეზიდენტი ლასლო ბარანიაი (Laszlo Baranyay), საქართველოს ფინანსთა მინისტრს, ნოდარ ხადურს შეხვდა. მხარეებმა განიხილეს ევროპის საინვესტიციო ბანკის მიერ დაფინანსებული პროექტების მიმდინარეობა და სამომავლო თანამშრომლობის საკითხები.
დღესვე, ფინანსთა მინისტრმა და ევროპის საინვესტიციო ბანკის ვიცე-პრეზიდენტმა ხელი მოაწერეს ხელშეკრულებას საქართველოსა და ევროპის საინვესტიციო ბანკს (EIB) შორის „ქუთაისის წყალარინების პროექტის” დაფინანსების მიზნით 100 მილიონი ევროს ოდენობის ფინანსური რესურსის გამოყოფის თაობაზე. ხელმოწერის ცერემონიას დაესწრნენ რეგიონული განვითარებისა და ინფრასტრუქტურის მინისტრის პირველი მოადგილე ილია დარჩიაშვილი და საქართველოს გაერთიანებული წყალმომარაგების კომპანიის დირექტორი ნიკოლოზ ქიზიყურაშვილი.
აღნიშნული პროექტის თანადაფინანსებისათვის ევროკავშირის მიერ ევროკავშირის სამეზობლო საინვესტიციო ინსტრუმენტის (NIF) ფარგლებში გამოყოფილი იქნება 4,75 მილიონი ევროს ოდენობის გრანტი და ასევე, აღმოსავლეთ პარტნიორობის ტექნიკური დახმარების სატრასტო ფონდიდან (EPTATF) 3,25 მილიონი ევროს ოდენობით გრანტი პროექტის ტექნიკური დახმარებისთვის.
პროექტის ფარგლებში განხორციელდება ქალაქ ქუთაისის წყალარინების სისტემის და გამწმენდი ნაგებობის მშენებლობა. (კერძოდ, შეიცვლება ძველი და დამონტაჟდება ახალი საკანალიზაციო მილები, ჩამდინარე წყლების ახალი სატუმბი სადგურები, მოეწყობა ახალი და მოხდება ძველი საკანალიზაციო ჭების რეაბილიტაცია, აშენდება ჩამდინარე წყლების გამწმენდი ახალი ნაგებობა.)
პროექტს საქართველოს გაერთიანებული წყალმომარაგების კომპანია განახორციელებს
აღსანიშნავია, რომ ევროპის საინვესტიციო ბანკის (EIB) ფინანსური მხარდაჭერით წყლის სექტორში მიმდინარეობს ორი პროექტი, რომელიც ითვალისწინებს საქართველოს რეგიონების (სამეგრელო, იმერეთი, რაჭა-ლეჩხუმი, გურია, შიდა ქართლი და კახეთი) მასშტაბით წყლისა და სანირების სფეროში ეფექტურობის, მომსახურების, საზოგადოებრივი ჯანდაცვისა და გარემოს გაუმჯობესების მიზნით ქვეპროექტების განხორციელებას. აღნიშნულისათვის EIB-ის მიერ გამოყოფილია 80 მლნ ევრო სესხის სახით.
EIB-ის ფინანსური მხარდაჭერით მიმდინარე აღნიშნული პროექტების თანმდევი ღონისძიებების დაფინანსების მიზნით, ევროკავშირის სამეზობლო საინვესტიციო ინსტრუმენტის (NIF) ფარგლებში გამოყოფილია გრანტები, პირველი პროექტისთვის 4 მილიონი ევროს ოდენობით, ხოლო მეორე პროექტისთვის - 8 მილიონი ევროს ოდენობით.
ევროპის საინვესტიციო ბანკი ევროკავშირის მიერაა დაფუძნებული და მნიშვნელოვან საერთაშორისო საფინანსო ინსტიტუტს წარმოადგენს. ბანკთან საქართველო 2007 წლიდან თანამშრომლობს სხვადასხვა საინვესტიციო პროექტების დასაფინანსებლად (ენერგეტიკის სექტორი, გზები, წყლის ინფრასტრუქტურა). როგორც ცნობილია, მიმდინარე წლის აპრილში თბილისში მუშაობა დაიწყო ევროპის საინვესტიციო ბანკის (EIB) რეგიონულმა ოფისმა.
პოლიტიკა
- ასე გამოიყურება ავტორიტარიზმი - მირიამ ლექსმანი მონაცემთა ბაზაზე
- „ოცნებას“ ფანტაზია გამოელია და mona.ge-ს mona.ru დაუპირისპირა - იაგო ხვიჩია
- "უსამშობლოების" სია გაკეთდება - ირაკლი ზარქუა
- მინდა, შალვა პაპუაშვილს კითხვა დავუსვა: ძალადობაზე როგორ ლაპარაკობ საერთოდ? რომელიმე ძალადობის ფაქტი შეაფასე? ყველაფერს როგორ აყალბებთ? საერთოდ ვინ ხართ, საიდან მოხვედით? - გიორგი ვაშაძე
სამართალი
- ვაფრთხილებთ აქციის ყველა მონაწილესა და ორგანიზატორს, როდესაც პოლიცია კანონის შესაბამისად დაიწყებს ძალადობრივი ქმედებების აღკვეთას, გამოყენებული იქნება მკაცრი ზომები, როგორც წამყვან ქვეყნებშია მიღებული - თეიმურაზ კუპატაძე
- ლადო აფხაზავასა და მის შვილზე თავდასხმაში ბარალდებულ პირს ბრალი წარედგინა
- სკოლებსა და სავაჭრო ცენტრებში რაიმე სახის ასაფეთქებელი ნივთიერება ან მოწყობილობა აღმოჩენილი არ ყოფილა - სუს-ი
- ლაზარე გრიგორიადისის სასამართლოს დასკვნითი სხდომა ისევ გადაიდო
მსოფლიო
- დიდი ბრიტანეთი რუსეთის სამხედრო ატაშეს გააძევებს
- აშშ-ის სამხედრო დახმარების შეფერხებას, უკრაინაში შედეგები მოჰყვა - იენს სტოლტენბერგი
- თუ უკრაინა დამარცხდება, ჩვენ, ყველა დავმარცხდებით - ბრიტანეთი და საფრანგეთი მოკავშირეებს მოუწოდებენ მეტი გააკეთონ უკრაინის დახმარებისთვის
- ჩვენ არ გვჯერა, რომ რაფაჰში შესვლა კარგი იდეაა, სხვა გზებიც არსებობს ამ საფრთხის შესაჩერებლად - ჯონ კირბი
კონფლიქტები
- რუსეთის საოკუპაციო ძალების მიერ სოფელ დირბის მიმდებარედ, უკანონოდ დაკავებული საქართველოს ორი მოქალაქე თავისუფალია - სუს-ი
- ოკუპირებულ აფხაზეთში მი-24 ჩამოვარდა
- ოკუპირებული აფხაზეთის ე.წ. პარლამენტმა ბიჭვინთის სახელმწიფო აგარაკის რუსეთისთვის გადაცემის შესახებ შეთანხმება დაამტკიცა
- რუსეთის საოკუპაციო ძალების მიერ უკანონოდ დაკავებული ლევან პეტრიაშვილი თავისუფალია - სუს-ი
ბიზნესი
- ისტორიული აღიარება - „პორშე ცენტრი თბილისს“ მსოფლიო ჯილდო PACE 2023 გადაეცა
- „ვოლვო ქარ საქართველოსთან“ პარტნიორობით „ასტრაზენეკა საქართველომ“ ავტოპარკი სრულად ელექტრო ავტომობილებით განაახლა
- „თეგეტა მოტორსში“ 27 აპრილიდან საგაზაფხულო ფასდაკლებები მოქმედებს
- „თეგეტა მოტორსის“ სპეციალური შეთავაზება VARTA-ს, EXIDE-ისა და ENERGIZER-ის აკუმულატორებზე
სპორტი
- 26 მარტს, საქართველო-საბერძნეთის მატჩის ნახვა რესპუბლიკის მოედანზე, დიდ ეკრანზეც იქნება შესაძლებელი
- საქართველო - საბერძნეთის მატჩის ბილეთების გაყიდვა 23 მარტიდან დაიწყება
- საქართველო-ლუქსემბურგის მატჩის ნახვა რესპუბლიკის მოედანზე, დიდ ეკრანზეც იქნება შესაძლებელი, მოეწყობა სპეციალური ფანზონა
- The Guardian-მა უეფა-ს პრეზიდენტობის კანდიდატთა შორის ლევან კობიაშვილიც დაასახელა