ქართული საინჟინრო ელიტა ზაქარია ქუცნაშვილის წინააღმდეგ
საქართველო, თბილისი - 14:41 | 22.04.2016 ნანახია: 1394დღეს საქართველოს ტექნიკური უნივერსიტეტის აკადემიურმა და წარმომადგენლობითმა საბჭოებმა ერთობლივი განცხადება გაავრცელეს, რომელსაც უცვლელად გთავაზობთ:
მიმდინარე წლის 20 აპრილს, საქართველოს პარლამენტის წევრის, ზაქარია ქუცნაშვილის მიერ მე-2 არხის გადაცემა „ბრიფინგის დროში“ გაკეთდა განცხადება საქართველოს ტექნიკურ უნივერსიტეტში 2016 წელს გამართულ რექტორის არჩევნებთან დაკავშირებით და აღნიშნული შეფასდა როგორც „უმაღლესი განათლების შესახებ“ საქართველოს კანონის მოთხოვნების საწინააღმდეგო ქმედება, რაც არ შეესაბამება სიმართლეს და იმის გათვალისწინებით, რომ აღნიშნულ საკითხზე მიმდინარეობს სასამართლო დავა, სახელმწიფო პოლიტიკური თანამდებობის პირის მხრიდან მსგავსი განცხადების გაკეთება მიგვაჩნია სასამართლოზე ზეწოლად.
აქვე, საზოგადოებას გვინდა განვუმარტოთ, რომ ზაქარია ქუცნაშვილის მხრიდან ჯერ კიდევ 2015 წლის დეკემბერში, რექტორის არჩევნების ჩატარებამდე და რექტორობის კანდიდატების რეგისტრაციამდე გაკეთდა განცხადება მოწოდებით, რომ აკადემიურ საბჭოს არ აერჩია რექტორად არჩილ ფრანგიშვილი, რაც არის უნივერსიტეტის საქმიანობაში ჩარევა სახელმწიფო პოლიტიკური თანამდებობის პირის მხრიდან. მიუხედავად ამისა, აკადემიურმა საბჭომ მას შემდეგ, რაც იმსჯელა და დაადგინა, რომ არჩილ ფრანგიშვილის რექტორის თანამდებობაზე გამოცხადებულ არჩევნებში მონაწილეობა არ ეწინააღმდეგება მოქმედ კანონმდებლობას, მიიღო გადაწყვეტილება მისი კანდიდატად რეგისტრაციის შესახებ.
ზაქარია ქუცნაშვილის მიერ საზოგადოების შეცდომაში შეყვანის მიზნით, შეგნებულად გავრცელდა ცრუ ინფორმაცია, თითქოსდა 15 წლის წინ საქართველოს ტექნიკური უნივერსიტეტი მსოფლიო უნივერსიტეტების რეიტინგის პირველ ასეულში შედიოდა, მაშინ როდესაც ეს პერიოდი ტექნიკური უნივერსიტეტისათვის იყო ერთ-ერთი ყველაზე მძიმე, როდესაც უნივერსიტეტმა ვერ მოიპოვა აკრედიტაცია. ამ მდგომარეობიდან უნივერსიტეტის გამოყვანა დაიწყო ახლანდელი ხელმძღვანელობის მიერ. სწორედ ამ პერიოდში შეიქმნა ახალი ფაკულტეტები, სამეცნიერო-კვლევითი ცენტრები, განხორციელდა მასშტაბური ინფრასტრუქტურული პროექტები, შეიქმნა თანამედროვე ტექნოლოგიებით აღჭურვილი საერთაშორისო სტანდარტების შესაბამისი სასწავლო-სამეცნიერო-საექსპერტო ლაბორატორიები, შემოღებულ იქნა შიდა საგრანტო სისტემა, რაც ხელს უწყობს სამეცნიერო პოტენციალის განვითარებას. დღეისათვის უნივერსიტეტის აკადემიური პერსონალი და სტუდენტები წარმატებით მოღვაწეობენ მსოფლიოს მასშტაბით უმნიშვნელოვანეს სამეცნიერო პროექტებში, შეიქმნა საგანმანათლებლო პროგრამები, რომელიც აღიარებულია მსოფლიოს წამყვანი უნივერსიტეტების მიერ და გაიცემა ორმაგი დიპლომი. ზაქარია ქუცნაშვილმა თავის გამოსვლაში შემოიტანა ახალი ტერმინი „რექტორის ბიუჯეტი“ და აღნიშნა, რომ თითქოსდა უნივერსიტეტის ბიუჯეტის დაგეგმვა და განკარგვა ხორციელდება ერთპიროვნულად რექტორის მიერ, მაშინ როდესაც ბიუჯეტის როგორც შემოსავლების, ისე ხარჯვითი ნაწილის დაგეგმვა ხორციელდება უნივერსიტეტის ყველა პროფესორისა და სტუდენტთა წარმომადგენლობის მიერ.
ზაქარია ქუცნაშვილი თავის გამოსვლაში უნივერსიტეტის პროფესორთა საერთო კრებას (ესწრებოდა ათასზე მეტი პროფესორ-მასწავლებელი) მოიხსენიებს როგორც „კომკავშირის კრებას“, რითაც ცდილობს შეურაცყოფა მიაყენოს უნივერსიტეტის როგორც ღვაწლმოსილ პროფესორ-მასწავლებლებს, ასევე, ახალგაზრდა თაობას.
ყოველივე ზემოთქმულის გათვალისწინებით, კატეგორიულად ვგმობთ სახელმწიფო პოლიტიკური თანამდებობის პირის, ზაქარია ქუცნაშვილის მხრიდან სასამართლო ხელისუფლებაზე ზემოქმედების მცდელობას და უნივერსიტეტის საქმიანი რეპუტაციის შელახვის ფაქტს. მოვუწოდებთ მას, როგორც სახელმწიფო პოლიტიკური თანამდებობის პირმა, თავი შეიკავოს მსგავსი უპასუხისმგებლო განცხადებებისაგან. ამასთან, ვთხოვთ, საქართველოს პარლამენტის საპროცედურო საკითხთა და წესების კომიტეტს, რომ პარლამენტის წევრ ზაქარია ქუცნაშვილის განცხადებებთან დაკავშირებით მოახდინოს სათანადო რეაგირება.
პოლიტიკა
- კონტრაქცია ნიშნავს „ქართული ოცნების“ ბოლო ჟამს - სოფო ნიჟარაძე
- სახელმწიფო დეპარტამენტის ანგარიშში წერია ტყუილი იმასთან დაკავშირებით, თითქოს გვარამია იყო პოლიტპატიმარი - ირაკლი კობახიძე
- სახელმწიფო დეპარტამენტის ანგარიშში წერია ტყუილი იმასთან დაკავშირებით, თითქოს გვარამია იყო პოლიტპატიმარი - ირაკლი კობახიძე
- სახელმწიფო დეპარტამენტის ანგარიშში წერია ტყუილი იმასთან დაკავშირებით, თითქოს გვარამია იყო პოლიტპატიმარი - ირაკლი კობახიძე
სამართალი
- სკოლებსა და სავაჭრო ცენტრებში რაიმე სახის ასაფეთქებელი ნივთიერება ან მოწყობილობა აღმოჩენილი არ ყოფილა - სუს-ი
- ლაზარე გრიგორიადისის სასამართლოს დასკვნითი სხდომა ისევ გადაიდო
- განსაკუთრებით დიდი ოდენობით ნარკოტიკული საშუალების უკანონოდ შეძენა, შენახვა და გასაღებაში ბრალდებულს 14 წლით თავისუფლების აღკვეთა მიესაჯა
- სუროგაციის ცენტრ BIRTH-ში ტრანსნაციონალური დანაშაულის ფარგლებში საგამოძიებო მოქმედებები ჩატარდა
მსოფლიო
- აშშ-ის სამხედრო დახმარების შეფერხებას, უკრაინაში შედეგები მოჰყვა - იენს სტოლტენბერგი
- თუ უკრაინა დამარცხდება, ჩვენ, ყველა დავმარცხდებით - ბრიტანეთი და საფრანგეთი მოკავშირეებს მოუწოდებენ მეტი გააკეთონ უკრაინის დახმარებისთვის
- ჩვენ არ გვჯერა, რომ რაფაჰში შესვლა კარგი იდეაა, სხვა გზებიც არსებობს ამ საფრთხის შესაჩერებლად - ჯონ კირბი
- “ისლამური სახელმწიფო“, რომელმაც მოსკოვში მომხდარ ტერაქტზე პასუხისმგებლობა აიღო, თავდასხმებს საფრანგეთშიც გეგმავდა - ემანუელ მაკრონი
კონფლიქტები
- ოკუპირებულ აფხაზეთში მი-24 ჩამოვარდა
- ოკუპირებული აფხაზეთის ე.წ. პარლამენტმა ბიჭვინთის სახელმწიფო აგარაკის რუსეთისთვის გადაცემის შესახებ შეთანხმება დაამტკიცა
- რუსეთის საოკუპაციო ძალების მიერ უკანონოდ დაკავებული ლევან პეტრიაშვილი თავისუფალია - სუს-ი
- რუსეთის საოკუპაციო ძალების მიერ უკანონოდ დაკავებული მევლუდ ლაღოშვილი თავისუფალია - სუს-ი
სპორტი
- 26 მარტს, საქართველო-საბერძნეთის მატჩის ნახვა რესპუბლიკის მოედანზე, დიდ ეკრანზეც იქნება შესაძლებელი
- საქართველო - საბერძნეთის მატჩის ბილეთების გაყიდვა 23 მარტიდან დაიწყება
- საქართველო-ლუქსემბურგის მატჩის ნახვა რესპუბლიკის მოედანზე, დიდ ეკრანზეც იქნება შესაძლებელი, მოეწყობა სპეციალური ფანზონა
- The Guardian-მა უეფა-ს პრეზიდენტობის კანდიდატთა შორის ლევან კობიაშვილიც დაასახელა