„თეგეტა ჰოლდინგმა“ აზიის განვითარების ბანკის მედიატურს უმასპინძლა
საქართველო, თბილისი - 18:00 | 08.04.2024 ნანახია: 5447![](/img/uploads/news/prev/43643693.jpg)
აზიის განვითარების ბანკის (ADB) ორგანიზებით ჟურნალისტებისთვის მედიატური გაიმართა. ღონისძიების მიზანი მედიის წარმომადგენლებისთვის საქართველოსთან 16-წლიანი პარტნიორობის შედეგების გაცნობა იყო. პირველი კომპანია, რომელსაც ტურის ფარგლებში აზიის განვითარების ბანკის დელეგაცია ჟურნალისტებთან ერთად ეწვია, „თეგეტა ჰოლდინგი“ იყო.
სტუმრებს შესაძლებლობა ჰქონდათ, კომპანიის ცენტრალურ ოფისში განთავსებული ელექტრომობილები დაეთვალიერებინათ და მიეღოთ ინფორმაცია „თეგეტასა“ და ADB-ს ერთობლივ პროექტებთან დაკავშირებით.
„თეგეტა ჰოლდინგი“ რეგიონის მასშტაბით პირველი კომპანიაა საავტომობილო ინდუსტრიის ისტორიაში, რომელმაც მწვანე სტატუსის ობლიგაციები გამოუშვა და მისი მთავარი ინვესტორი სწორედ აზიის განვითარების ბანკია. ინვესტიციის მოცულობა 20 მილიონი ლარია (დაახლოებით $7.6 მილიონი). კომპანიამ აღნიშნული თანხა ნულოვანი ემისიის მქონე, მსუბუქი, საგზაო და არასაგზაო ელექტროტრანსპორტის იმპორტსა და საქართველოს დასამუხტი სადგურების ქსელის 70 ახალი სადგურით გაფართოებას მოახმარა.
მანანა ხინაშვილი, „თეგეტა ჰოლდინგის“ ინვესტორებთან ურთიერთობის დეპარტამენტის ხელმძღვანელი: „თეგეტა ჰოლდინგი“ რეგიონში პირველი კომპანიაა, რომელმაც მწვანე ობლიგაციები განათავსა კაპიტალის ბაზარზე ლარში. ამ ნაბიჯით ავტოინდუსტრიაში კიდევ ერთი პრეცედენტის ავტორი გავხდით. ჩვენთვის განსაკუთრებით მნიშვნელოვანია, რომ პროექტის მთავარი ინვესტორი აზიის განვითარების ბანკია. 2022 წლიდან „თეგეტას“ ADB-სთან მჭიდრო პარტნიორობა აკავშირებს. ვგეგმავთ მასშტაბურ პროექტებს, გრძელვადიან პროგრამებს, რომლებიც ელექტრომანქანების ეკოსისტემის განვითარებას ითვალისწინებს საქართველოში, კავკასიასა და ცენტრალურ აზიაში.
„თეგეტამ" ეკოლოგიური ტრანსპორტის სეგმენტის კიდევ უფრო განვითარების ვალდებულება აიღო. ეს კი დივერსიფიცირებული ელექტრიფიცირებული სატრანსპორტო საშუალებების რეალიზაციასა და შესაბამისი ინფრასტრუქტურის მოწყობას ითვალისწინებს, რაც კომპანიის სოციალური პასუხისმგებლობის ნაწილია“.
ADB-ს საქართველოსთან თანამშრომლობის ხუთწლიანი სტრატეგია მიზნად ისახავს ქვეყნის მდგრადი განვითარების ხელშეწყობას სახელმწიფო და კერძო სექტორში ინვესტირებით, რეფორმების მხარდაჭერითა და ცოდნის გაღრმავებით. სტრატეგიაში განსაკუთრებული ყურადღება ეთმობა რეგიონულ თანამშრომლობასა და ინტეგრაციას და კერძო სექტორის ხელშეწყობას ეკონომიკური ზრდისთვის, ადამიანური კაპიტალის განვითარებასა და კლიმატის ცვლილებას.
ტატო ცინცაძე, ADB-ის უფროსი საინვესტიციო ოფიცერი (კერძო ინფრასტრუქტურა): "ADB, როგორც აზიისა და ოკეანეთის კლიმატის ბანკის მთავარი პრიორიტეტია კლიმატის ცვლილების შერბილება და ამ პროცესით გამოწვეული სირთულეების დაძლევა. „თეგეტას“ გრძელვადიანი სტრატეგია თანხვედრაშია აზიის განვითარების ბანკის სტრატეგიულ პრიორიტეტებთან, რაც გულისხმობს ტრანსპორტის სექტორის დეკარბონიზაციას და მწვანე ეკონომიკის განვითარების ხელშეწყობას. შესაბამისად, ვიმედოვნებთ, რომ 2023 წელს მწვანე ობლიგაციის ემისიით დაწყებული ჩვენი სტრატეგიული თანამშრომლობა, მომავალშიც წარმატებით გაგრძელდება".
მედიატური წინ უძღოდა 2-5 მაისს დაგეგმილ აზიის განვითარების ბანკის წლიურ შეხვედრას, რომელსაც საქართველო პირველად მასპინძლობს. მაღალი დონის ღონისძიებაზე ყოველწლიურად რამდენიმე ათასი დელეგატი მონაწილეობს, მათ შორის ფინანსთა მინისტრები, ცენტრალური ბანკების მმართველები, კერძო სექტორის, სამოქალაქო საზოგადოებისა და აკადემიური წრეების წარმომადგენლები მთელი მსოფლიოდან და წარმოადგენს დისკუსიების, ახალი სტრატეგიების გაცნობისა და მნიშვნელოვანი კონტაქტების დამყარების მაღალი დონის პლატფორმას.
ADB საქართველოს ერთ-ერთი ყველაზე დიდი პარტნიორია და ქვეყნის ეკონომიკურ განვითარებას 2007 წლიდან უჭერს მხარს. აზიის განვითარების ბანკის მიერ საქართველოსთვის დღემდე გაცემული სესხების, გრანტებისა და ტექნიკური დახმარების მოცულობა თითქმის 5 მლრდ დოლარს შეადგენს.
---
თეგეტა ჰოლდინგის შესახებ: უმსხვილესი საავტომობილო კომპანია კავკასიასა და ცენტრალურ აზიაში მომხმარებელს საავტომობილო ეკოსისტემის სრულ სპექტრს სთავაზობს, რაც მსუბუქ, სატვირთო და სამშენებლო, ასევე კომერციულ, სამგზავრო და ინდუსტრიულ ტრანსპორტს მოიცავს. მთელი ქვეყნის მასშტაბით თეგეტას 28 სერვისცენტრი აქვს, ხოლო საერთაშორისო ვაჭრობას ჰოლდინგი ოთხ კონტინენტზე ახორციელებს. თეგეტა ექსკლუზიურად წარმოადგენს ცნობილ ბრენდებს: Porsche, Volvo, Toyota, Mazda. სატვირთო და სპეცტექნიკის მიმართულებით ჰოლდინგის პარტნიორები არიან ისეთი დიდი ბრენდები, როგორებიცაა: MAN, JCB, HINO, Liebherr, BOMAG და სხვები. თეგეტა მსოფლიოს 300-ზე მეტი წამყვანი საავტომობილო ბრენდის უმსხვილესი იმპორტიორია საქართველოში. თეგეტა ჰოლდინგი, 3000-მდე თანამშრომლით, დღეს საქართველოში ერთ-ერთი უმსხვილესი დამსაქმებელია.
პოლიტიკა
- გუშინდელი მოსმენა აშშ-ის კონგრესის საგარეო ურთიერთობათა კომიტეტში, არის განაჩენი ივანიშვილის პარტიისთვის - თინა ბოკუჩავა
- ჩვენ გვინდა, ამერიკელ პარტნიორებს შევთავაზოთ ურთიერთობების გადატვირთვა, ამ ფონზე, კონტრპროდუქტიულია განცხადებები, რომლებიც საქართველოსთან დაკავშირებით კონგრესში გაკეთდა - ირაკლი კობახიძე
- 26 ოქტომბრის არჩევნები იქნება რეფერენდუმი ომსა და მშვიდობას, ლიბერალურ ფაშიზმსა და ტრადიციულ ფასეულობებს, ბნელ წარსულსა და ნათელ, ევროპულ მომავალს შორის - ირაკლი კობახიძე
- ივანიშვილის პროპაგანდა თითქოს დონალდ ტრამპის პრეზიდენტად არჩევის შემთხვევაში, აშშ-სთან ურთიერთობის აღდგენას, არის მტკნარი სიცრუე და ქართველი ხალხის მოტყუების მცდელობა - თინა ბოკუჩავა
საზოგადოება
- ზაქარიას პატარა მანქანა დიდი საქმეებისთვის - მხარდასაჭერ კამპანიას „თეგეტა ჰოლდინგი“ შეუერთდა
- 26 ივლისამდე საქართველოს ცალკეულ რაიონებში დროგამოშვებით წვიმიანი ამინდია მოსალოდნელი
- დაზუსტებული მონაცემებით, საქართველოში მიწისძვრის სიმძლავრემ 4.9 მაგნიტუდა შეადგინა
- „ტოიოტა ცენტრი ბათუმი“ გემის მომავალ კაპიტანს ლიზი ქავთარაძეს სწავლას დაუფინანსებს
სამართალი
- გამოძიება მიმდინარეობს უკრაინაში მყოფი საქართველოს ხელისუფლების ყოფილი მაღალჩინოსნების ორგანიზებითა და დაფინანსებით, დანაშაულებრივი ქმედებების, მათ შორის, ბიძინა ივანიშვილის მკვლელობის მომზადების ფაქტებზე - სუს-ი
- ბათუმში, მშენებლობაზე დასაქმებული 17 წლის ბიჭი სიმაღლიდან გადავარდა და დაიღუპა
- შსს-მ ნარკოდანაშაულისთვის 24 პირი დააკავა, მათ შორის 11 ნარკორეალიზატორია
- ვალეში, წყლის ჭაში სამუშაოების შესრულებისას წყალმომარაგების კომპანიის თანამშრომელი დაიღუპა
კონფლიქტები
- რუსეთის საოკუპაციო ძალების მიერ სოფელ დირბის მიმდებარედ, უკანონოდ დაკავებული საქართველოს ორი მოქალაქე თავისუფალია - სუს-ი
- ოკუპირებულ აფხაზეთში მი-24 ჩამოვარდა
- ოკუპირებული აფხაზეთის ე.წ. პარლამენტმა ბიჭვინთის სახელმწიფო აგარაკის რუსეთისთვის გადაცემის შესახებ შეთანხმება დაამტკიცა
- რუსეთის საოკუპაციო ძალების მიერ უკანონოდ დაკავებული ლევან პეტრიაშვილი თავისუფალია - სუს-ი
თავდაცვა
- სუ-25-ის კატასტროფის ადგილზე, საგამოძიებო და საპროცესო მოქმედებები დასრულებულია - თავდაცვის სამინისტრო
- საქართველო პოლონეთისგან საზენიტო-სარაკეტო კომპლექსს შეისყიდის
- წლის ბოლომდე გამოვუშვებთ ქართული წარმოების უპილოტო საფრენ აპარატებს - ჯუანშერ ბურჭულაძე
- აშშ საქართველოს რუსეთის წინააღმდეგ თავდაცვის გასაძლიერებლად $35 მილიონს გამოუყოფს
სპორტი
- პარიზის ზაფხულის ოლიმპიადაზე 28 ქართველი სპორტსმენი იასპარეზებს
- ზურიკო დავითაშვილი ტექნიკური მოთამაშეა და ჩვენი გუნდისთვის მნიშვნელოვანი შენაძენია - „სენტ-ეტიენის“ მთავარი მწვრთნელი
- UEFA-მ თურქეთის ნაკრების ფეხბურთელის, მერიჰ დემირალის ჟესტის გამო გამოძიება დაიწყო
- გიორგი მამარდაშვილი მოგერიებული ბურთების რაოდენობით ევრო 2024-ის საუკეთესო მეკარეა