თბილისის მერმა და ბიზნეს ასოციაციამ შეხვედრა გამართეს
საქართველო, თბილისი - 15:57 | 01.04.2016 ნანახია: 1307თბილისის მერიის ინიციატივით და საქართველოს ბიზნეს ასოციაციის ორგანიზებით, სასტუმრო ,,Courtyard Marriott"-ში ბიზნეს სექტორის წარმომადგენლებთან შეხვედრა გაიმართა. დედაქალაქის მერმა დავით ნარმანიამ ბიზნესმენებს, განხორციელებულ და მიმდინარე პროექტებთან დაკავშირებით, მოკლე ანგარიში წარუდგინა, ამასთან, ისაუბრეს სამომავლო პროექტებზე, რომლებიც დედაქალაქის ბიუჯეტში მიმდინარე წელს გათვალისწინებულია, განიხილეს პროგრამები, რომლებიც ორიენტირებული იქნება ბიზნეს სექტორთან პოტენციურ თანამშრომლობაზე.
“ჩვენ დღეს ბიზნეს სექტორთან ვსაუბრობთ იმ პროექტებზე და პროგრამებზე, რომლებიც ქალაქის მასშტაბით ხორციელდება და, ასევე, მომავალშიც არის დაგეგმილი. განსაკუთრებით, ჩვენ ხაზს ვუსვამთ იმ პროექტებს, სადაც ბიზნესს შეუძლია მიიღოს მონაწილეობა. აქ საუბარია, არა მხოლოდ სხვადასხვა ინფრასტრუქტურულ პროექტებზე და პროგრამებზე, სადაც მათ შეუძლიათ მიიღონ ტენდერებში მონაწილეობა, არამედ საინვესტიციო პროექტებზე, რომლებიც ჩვენ გაგვაჩნია. კერძოდ, უკვე გამოცხადებულია ქალაქის ტერიტორიაზე ისეთი საინტერესო პროექტი, როგორიც არის ავტობუსების გაჩერებების საინვესტიციო პროექტი, სადაც რეკლამით დაინტერესებულ კომპანიებს შეუძლიათ მონაწილეობა მიიღონ, ასევე, უახლოეს პერიოდში გამოცხადდება ტექნიკურ- ეკონომიკური დასაბუთების საფუძველზე 12 ადგილას მრავალსართულიანი პარკინგების მშენებლობის პროექტი და გვაქვს რამდენიმე სხვა საინტერესო პროექტიც, მათ შორის, სასტუმროების მშენებლობასთან დაკავშირებით შეგვიძლია შევთავაზოთ ტერიტორიები დაინტერესებულ მეწარმეებს, საცურაო აუზების მშენებლობასთან დაკავშირებით და ა.შ. მათგან კი ვისმენთ სხვადასხვა წინადადებებს, მოსაზრებებს და, შესაძლოა, ბევრი მათგანი იყოს საინტერესო, აქტუალური, რაც ჩვენ მოგვცემს ჩვენი პოლიტიკის მომავალში უფრო, ასე ვთქვათ, ბიზნეს ორიენტაციის თვალსაზრისით შეცვლის საფუძველს,რითაც კიდევ უფრო მეტად დავხვეწთ იმ სერვისს, რითიც ჩვენ ვემსახურებით ბიზნეს სექტორს. ამასთან, შევთანხმდით, რომ მიმდინარე საკითხებზე სამსჯელოდ ყოველკვარტალურად შევიკრიბებით, რათა თემები, რაც დაგროვდება პერიოდულად განვიხილოთ და მივიღოთ შესაბამისი გადაწყვეტილებები“ - განაცხადა თბილისის მერმა, დავით ნარმანიამ.
მერიის ინფორმაციით, ბიზნეს ასოციაციის წევრებმა და სფეროს წარმომადგენლებმა, თავის მხრივ, დედაქალაქის მთავრობას საკუთარი ინიციატივები წარუდგინეს და სხვადასხვა საკითხთან დაკავშირებით მოსაზრებები გააცნეს.
„ჩვენთვის, ბიზნესისთვის ალბათ მთავარი არის, რომ ბიზნესმენს, რა საკითხებიც აქვს და აწუხებს, სწრაფად და ოპერატიულად იქნას გადაწყვეტილი, ხდებოდეს სწრაფი კომუნიკაცია და ამ კომუნიკაციიდან გამომდინარე, ჩვენ შეგვეძლოს, რომ ეს თემები გადავწყვიტოთ. ვიცით, რომ ქალაქის მერი და მერია ორიენტირებულია, რომ საკითხები მოგვარდეს და ჩვენ ამ კონკრეტულ პრობლემებზე და საკითხებზე ვსაუბრობთ მერთან,“- განაცხადა საქართველოს ბიზნეს ასოციაციის პრეზიდენტმა, გიორგი ჭირაქაძემ.
ბიზნეს სექტორის წარმომადგენლებთან შეხვედრას თბილისის ვიცე-მერი ლაშა აბაშიძე და მერის მოადგილეები, გიორგი ლილუაშვილი, ირაკლი ლექვინაძე და ნინა ხატისკაცი ესწრებოდნენ. შეხვედრაზე, ასევე, იმყოფებოდნენ მერიის ეკონომიკური პოლიტიკის საქალაქო სამსახურის, არქიტექტურის სამსახურისა და ქონების მართვის სააგენტოს ხელმძღვანელები.
პოლიტიკა
- ასე გამოიყურება ავტორიტარიზმი - მირიამ ლექსმანი მონაცემთა ბაზაზე
- „ოცნებას“ ფანტაზია გამოელია და mona.ge-ს mona.ru დაუპირისპირა - იაგო ხვიჩია
- "უსამშობლოების" სია გაკეთდება - ირაკლი ზარქუა
- მინდა, შალვა პაპუაშვილს კითხვა დავუსვა: ძალადობაზე როგორ ლაპარაკობ საერთოდ? რომელიმე ძალადობის ფაქტი შეაფასე? ყველაფერს როგორ აყალბებთ? საერთოდ ვინ ხართ, საიდან მოხვედით? - გიორგი ვაშაძე
სამართალი
- ვაფრთხილებთ აქციის ყველა მონაწილესა და ორგანიზატორს, როდესაც პოლიცია კანონის შესაბამისად დაიწყებს ძალადობრივი ქმედებების აღკვეთას, გამოყენებული იქნება მკაცრი ზომები, როგორც წამყვან ქვეყნებშია მიღებული - თეიმურაზ კუპატაძე
- ლადო აფხაზავასა და მის შვილზე თავდასხმაში ბარალდებულ პირს ბრალი წარედგინა
- სკოლებსა და სავაჭრო ცენტრებში რაიმე სახის ასაფეთქებელი ნივთიერება ან მოწყობილობა აღმოჩენილი არ ყოფილა - სუს-ი
- ლაზარე გრიგორიადისის სასამართლოს დასკვნითი სხდომა ისევ გადაიდო
მსოფლიო
- დიდი ბრიტანეთი რუსეთის სამხედრო ატაშეს გააძევებს
- აშშ-ის სამხედრო დახმარების შეფერხებას, უკრაინაში შედეგები მოჰყვა - იენს სტოლტენბერგი
- თუ უკრაინა დამარცხდება, ჩვენ, ყველა დავმარცხდებით - ბრიტანეთი და საფრანგეთი მოკავშირეებს მოუწოდებენ მეტი გააკეთონ უკრაინის დახმარებისთვის
- ჩვენ არ გვჯერა, რომ რაფაჰში შესვლა კარგი იდეაა, სხვა გზებიც არსებობს ამ საფრთხის შესაჩერებლად - ჯონ კირბი
კონფლიქტები
- რუსეთის საოკუპაციო ძალების მიერ სოფელ დირბის მიმდებარედ, უკანონოდ დაკავებული საქართველოს ორი მოქალაქე თავისუფალია - სუს-ი
- ოკუპირებულ აფხაზეთში მი-24 ჩამოვარდა
- ოკუპირებული აფხაზეთის ე.წ. პარლამენტმა ბიჭვინთის სახელმწიფო აგარაკის რუსეთისთვის გადაცემის შესახებ შეთანხმება დაამტკიცა
- რუსეთის საოკუპაციო ძალების მიერ უკანონოდ დაკავებული ლევან პეტრიაშვილი თავისუფალია - სუს-ი
ბიზნესი
- ისტორიული აღიარება - „პორშე ცენტრი თბილისს“ მსოფლიო ჯილდო PACE 2023 გადაეცა
- „ვოლვო ქარ საქართველოსთან“ პარტნიორობით „ასტრაზენეკა საქართველომ“ ავტოპარკი სრულად ელექტრო ავტომობილებით განაახლა
- „თეგეტა მოტორსში“ 27 აპრილიდან საგაზაფხულო ფასდაკლებები მოქმედებს
- „თეგეტა მოტორსის“ სპეციალური შეთავაზება VARTA-ს, EXIDE-ისა და ENERGIZER-ის აკუმულატორებზე
სპორტი
- 26 მარტს, საქართველო-საბერძნეთის მატჩის ნახვა რესპუბლიკის მოედანზე, დიდ ეკრანზეც იქნება შესაძლებელი
- საქართველო - საბერძნეთის მატჩის ბილეთების გაყიდვა 23 მარტიდან დაიწყება
- საქართველო-ლუქსემბურგის მატჩის ნახვა რესპუბლიკის მოედანზე, დიდ ეკრანზეც იქნება შესაძლებელი, მოეწყობა სპეციალური ფანზონა
- The Guardian-მა უეფა-ს პრეზიდენტობის კანდიდატთა შორის ლევან კობიაშვილიც დაასახელა