კახა კახიშვილი ნიდერლანდების სამეფოს ელჩს შეხვდა
საქართველო, თბილისი - 19:16 | 15.03.2016 ნანახია: 1692სასჯელაღსრულებისა და პრობაციის მინისტრი კახა კახიშვილი ნიდერლანდების სამეფოს ელჩს საქართველოსა და სომხეთში იოჰანეს დაუმას შეხვდა. გაცნობითი ხასიათის შეხვედრაზე მინისტრმა სტუმრებს საქართველოს სასჯელაღსრულების სისტემაში განხორციელებული რეფორმების შესახებ დეტალური ინფორმაცია მიაწოდა და განაცხადა, რომ გატარებული რეფორმები ადამიანის უფლებათა დაცვის გაძლიერებას, კანონის უზენაესობის განმტკიცებასა და თანამედროვე სისტემის შექმნას ემსახურება.
მინისტრის განცხადებით, რეფორმის ფარგლებში პენიტენციურ სისტემაში მსჯავრდებულთა რისკების მიხედვით კლასიფიკაცია მიმდინარეობს, რომლის ფარგლებში სათანადოდ აღჭურვილი დაბალი და მაღალი რისკის დაწესებულებები გაიხსნა. გარდა ამისა, შეხვედრაზე პრობაციის ეროვნული სააგენტოს საქმიანობის მნიშვნელობას გაესვა ხაზი და აღინიშნა, რომ საქართველოს პრობაციის სისტემა რეგიონში ერთ-ერთი მოწინავე და წარმატებულია. ამ კუთხით საქართველო საკუთარ გამოცდილებას მეზობელ სახელმწიფოებსაც უზიარებს.
შეხვედრაზე ყურადღება გამახვილდა ელექტრონული მონიტორინგის სისტემაზე, რომელიც საქართველოში ახლახან დაინერგა და საწყის ეტაპზე არასრულწოვანთათვის სასჯელის ახალი სახის - შინაპატირმობის განსაზღვრას გულისხმობს. სამომავლოდ დაგეგმილი შინაპატიმრობის დანარჩენ მსჯავრდებულებზეც გავრცელება, რაც თავის მხრივ მნიშვნელოვნად შეამცირებს მსჯავრდებულთა რაოდენობას.
„დღევანდელ შეხვედრაზე ორი ქვეყნის ურთიერთობების გაღრმავებაზე ვისაუბრეთ სასჯელაღსრულებისა და პრობაციის სფეროში. პრობაციისა და პენიტენციური დაწესებულებების კუთხით ნიდერლანდებს სამაგალითო სისტემა აქვს. მათი გამოცდილება ჩვენთვის ძალიან საინტერესოა. განვიხილეთ ელექტრონული მონიტორინგის საკითხი და ასევე სხვადასხვა საკანონმდებლო ნოვაციები, რომელიც ერთის მხრივ მოგვცემს საშუალებას შევამციროთ ციხეებში პატიმრების რაოდენობა და მეორეს მხრივ ახალი მონიტორინგის მექანიზმების დანერგვაში დაგვეხმარება. ნიდერლანებს ამ კუთხით ძალიან კარგი გამოცდილება აქვს“ - განაცხადა კახა კახიშვილმა და პენიტენციურ ჯანდაცვაზეც გაამახვილა ყურადღება.
მინისტრმა ელჩს იმ სამედიცინო სერვისების შესახებ მიაწოდა ინფორმაცია, რომელიც მსჯავრდებულთა/ბრალდებულთათვის არის ხელმისაწვდომი, მათ შორის ც ჰეპატიტის და ტუბერკულოზის სამკურნალო პროგრამები. მინისტრმა აღნიშნა, რომ ბრალდებულთა/მსჯავრდებულთა მკურნალობა ისეთი თანამედროვე პრეპარატით ხორციელდება, როგორიც სოფოსბუვირია. კახა კახიშვილის განცხადებით ჯანდაცვის კუთხით განხორციელებული რეფორმების შედეგად პენიტენციურ დაწესებულებებში მსჯავრდებულთა გარდაცვალების შემთხვევები მკვეთრად შემცირებულია.
ნიდერლანდების სამეფოს ელჩის განცხადებით, ქართული სასჯელაღსრულების სისტემა ევროპულ სტანდარტებს საკმაოდ სწრაფი ნაბიჯებით უახლოვდება. იოჰან დაუმამ აღნიშნა, რომ საქართველოს სასჯელაღსრულებისა და პრობაციის სამინისტროსა და ნიდერლანდების შესაბამის უწყებას შორის სამომავლო თანამშრომლობის გაღრმავებას მაქსიმალურად შეუწყობს ხელს.
„სასჯელაღსრულებისა და პრობაციის მინისტრთან ძალიან ღია, პროდუქტიული და საქმიანი შეხვედრა გვქონდა. მოსაზრებები გავცვალეთ კონკრეტულ საჭიროებებზე და თანამშრომლობის კუთხით სამომავლო აქტივობებიც დავგეგმეთ. მინისტრს გავუზიარეთ რა პრობლემებიც არსებობს ჰოლანდიაში და როგორ შეიძლება პატიმრების პირობების გაუმჯობესება. პატიმრების პირობების გაუმჯობესებაში ვგულისხმობ როგორც მათ უსაფრთხოებას, ისე რესოციალიზაციას და საზოგადოებაში მათ დაბრუნებას. სასჯელაღსრულების სამინისტროსა და ჰოლანდიის მთავრობას თანამშრომლობის კარგი გამოცდილება აქვთ. დღეს ვისაუბრეთ, იმაზე, თუ რა პერსპექტივები არსებობს მომავალი თანამშრომლობისთვის“ - განაცხადა ნიდერლანდების სამეფოს ელჩმა, იოჰან დაუმამ.
საქართველოს სასჯელაღსრულებისა და პრობაციის სამინისტროსა და ნიდერლანდების შესაბამის უწყებას შორის თანამშრომლობის გამოცდილება უკვე არსებობს. აღნიშნული თანამშრომლობის ფარგლებში 2015 წლის დასაწყისში სამინისტროს სამედიცინო აღჭურვილობა, სპორტული ინვენტარი და ბადრაგირების ავტომობილები გადმოეცა. ახლო მომავალში კი სასჯელაღსრულებისა და პრობაციის სამინისტროსთვის სამედიცინო აპარატურის, დეტექტორების და სხვა აღჭურვილობების გადმოცემა იგეგმება.
პოლიტიკა
- კონტრაქცია ნიშნავს „ქართული ოცნების“ ბოლო ჟამს - სოფო ნიჟარაძე
- სახელმწიფო დეპარტამენტის ანგარიშში წერია ტყუილი იმასთან დაკავშირებით, თითქოს გვარამია იყო პოლიტპატიმარი - ირაკლი კობახიძე
- სახელმწიფო დეპარტამენტის ანგარიშში წერია ტყუილი იმასთან დაკავშირებით, თითქოს გვარამია იყო პოლიტპატიმარი - ირაკლი კობახიძე
- სახელმწიფო დეპარტამენტის ანგარიშში წერია ტყუილი იმასთან დაკავშირებით, თითქოს გვარამია იყო პოლიტპატიმარი - ირაკლი კობახიძე
სამართალი
- სკოლებსა და სავაჭრო ცენტრებში რაიმე სახის ასაფეთქებელი ნივთიერება ან მოწყობილობა აღმოჩენილი არ ყოფილა - სუს-ი
- ლაზარე გრიგორიადისის სასამართლოს დასკვნითი სხდომა ისევ გადაიდო
- განსაკუთრებით დიდი ოდენობით ნარკოტიკული საშუალების უკანონოდ შეძენა, შენახვა და გასაღებაში ბრალდებულს 14 წლით თავისუფლების აღკვეთა მიესაჯა
- სუროგაციის ცენტრ BIRTH-ში ტრანსნაციონალური დანაშაულის ფარგლებში საგამოძიებო მოქმედებები ჩატარდა
მსოფლიო
- აშშ-ის სამხედრო დახმარების შეფერხებას, უკრაინაში შედეგები მოჰყვა - იენს სტოლტენბერგი
- თუ უკრაინა დამარცხდება, ჩვენ, ყველა დავმარცხდებით - ბრიტანეთი და საფრანგეთი მოკავშირეებს მოუწოდებენ მეტი გააკეთონ უკრაინის დახმარებისთვის
- ჩვენ არ გვჯერა, რომ რაფაჰში შესვლა კარგი იდეაა, სხვა გზებიც არსებობს ამ საფრთხის შესაჩერებლად - ჯონ კირბი
- “ისლამური სახელმწიფო“, რომელმაც მოსკოვში მომხდარ ტერაქტზე პასუხისმგებლობა აიღო, თავდასხმებს საფრანგეთშიც გეგმავდა - ემანუელ მაკრონი
კონფლიქტები
- ოკუპირებულ აფხაზეთში მი-24 ჩამოვარდა
- ოკუპირებული აფხაზეთის ე.წ. პარლამენტმა ბიჭვინთის სახელმწიფო აგარაკის რუსეთისთვის გადაცემის შესახებ შეთანხმება დაამტკიცა
- რუსეთის საოკუპაციო ძალების მიერ უკანონოდ დაკავებული ლევან პეტრიაშვილი თავისუფალია - სუს-ი
- რუსეთის საოკუპაციო ძალების მიერ უკანონოდ დაკავებული მევლუდ ლაღოშვილი თავისუფალია - სუს-ი
ბიზნესი
- „ვოლვო ქარ საქართველოსთან“ პარტნიორობით „ასტრაზენეკა საქართველომ“ ავტოპარკი სრულად ელექტრო ავტომობილებით განაახლა
- „თეგეტა მოტორსში“ 27 აპრილიდან საგაზაფხულო ფასდაკლებები მოქმედებს
- „თეგეტა მოტორსის“ სპეციალური შეთავაზება VARTA-ს, EXIDE-ისა და ENERGIZER-ის აკუმულატორებზე
- 30%-იანი ქეშბექი Petlas-ის საბურავებზე - შეთავაზებები „თეგეტა მოტორსისგან“
სპორტი
- 26 მარტს, საქართველო-საბერძნეთის მატჩის ნახვა რესპუბლიკის მოედანზე, დიდ ეკრანზეც იქნება შესაძლებელი
- საქართველო - საბერძნეთის მატჩის ბილეთების გაყიდვა 23 მარტიდან დაიწყება
- საქართველო-ლუქსემბურგის მატჩის ნახვა რესპუბლიკის მოედანზე, დიდ ეკრანზეც იქნება შესაძლებელი, მოეწყობა სპეციალური ფანზონა
- The Guardian-მა უეფა-ს პრეზიდენტობის კანდიდატთა შორის ლევან კობიაშვილიც დაასახელა