SOS AUTO - ავტომომსახურების ინოვაციური მობილური აპლიკაცია
საქართველო, თბილისი - 16:53 | 06.03.2024 ნანახია: 3211ავტომომსახურების ინოვაციური მობილური აპლიკაცია SOS AUTO წელიწად-ნახევრის წინ შეიქმნა. ის მომხმარებელს ევაკუატორისა და ავტოასისტენტის გამოძახებას Uber-ის მოდელით სთავაზობს. ავტომობილებისთვის შექმნილი სასწრაფო დახმარების აპლიკაცია 2023 წელს „თეგეტა ჰოლდინგისა“ და Future Laboratory-ს სააქსელერაციო პროექტის Startup drive-ის გამარჯვებული და 70 000-ლარიანი გრანტის მფლობელი გახდა.
„თეგეტას“ ინვესტიციით, 2023 წლის სექტემბერში SOS AUTO-მ უკვე ჩაუშვა აპლიკაცია, რომელიც ჯერ მხოლოდ ქართველი მომხმარებლებისთვისაა ხელმისაწვდომი, თუმცა გრძელვადიან პერსპექტივაში მისი გლობალურ კომპანიად ჩამოყალიბება იგეგმება. აპლიკაციას უკვე 400-ზე მეტი მომხმარებელი ჰყავს და ეს მაჩვენებელი ყოველდღიურად იზრდება. გეგმის თანახმადვე, ინოვაციური აპლიკაცია სრულად ჩაანაცვლებს საგზაო დახმარების მოძიებისა და ლოდინის მოძველებულ პროცესს, როცა მომხმარებელს, ალტერნატივის არარსებობის პირობებში, კომპრომისზე წასვლა უხდება. აპლიკაციის საშუალებით შესაძლებელია მძღოლთან ყველაზე ახლოს მდებარე დახმარების, ევაკუატორის მომსახურების მიღება, აკუმულატორის დატენა, საწვავის მიწოდება, მძღოლის გამოძახება, ჩაკეტილი კარის გაღება, საბურავის დაბერვა, გამოცვლა - ფაქტობრივად, ყველა სერვისის მიღება, რაც მძღოლს გზაზე სჭირდება.
ნათია შუბითიძე, SOS AUTO-ს დამფუძნებელი: „ჩვენი მთავარი მიზანია, შევქმნათ ინოვაციური პლატფორმა და ევაკუატორის ყიდვისა და ავტოასისტენტების აყვანის გარეშე გავხდეთ საქართველოში, და არამარტო საქართველოში, ყველაზე დიდი ავტოდახმარების კომპანია, მრავალფეროვანი მომსახურებებით. ამის რეალური პერსპექტივა არსებობს, რადგან ჩვენ დავიკავებთ ნიშას, რომელიც თავისუფალია. ჩვენნაირი კომპანია არც საქართველოში და არც მეზობელ ქვეყნებში არ არსებობს. Uber-ს შევადარებდი - როგორი რევოლუციაც მან მოახდინა ტაქსების გამოძახების სფეროში, მსგავსი გარღვევა გვინდა აღმოჩნდეს SOS AUTO საგზაო დახმარების გამოძახების მიმართულებით. გვინდა გავაციფრულოთ ეს პროცესი. აპლიკაცია მომხმარებელს შესთავაზებს სრულ გზისპირა დახმარებას: ევაკუატორის გამოძახებას, საწვავის მიწოდებას, ავტომობილის დაქოქვას, ჩაკეტილი ავტომობილის გაღებასა და მძღოლის მომსახურებას. ის განკუთვნილი იქნება როგორც ფიზიკური პირებისთვის, ისე შპს-ებისთვის, ყველასთვის, ვისაც ავტომობილი ჰყავს. ჩვენი მიზანია, სტარტაპი გადავაქციოთ ისეთ ბიზნესად, რომელიც კარგ შემოსავალს მოიტანს და საშუალებას მოგვცემს, ბევრი ადამიანი დავასაქმოთ, ევაკუატორების მძღოლებს კარგი სამუშაო გარემო შევუქმნით და უფრო მეტი შემოსავალი გავუჩინოთ“ .
სტარტაპის ავტორი ამბობს, რომ ახალი წამოწყების იდეა მას პირადმა გამოცდილებამ უკარნახა, როცა დაახლოებით ორი წლის წინ, დედასთან ერთად მგზავრობის დროს, ტექნიკური გაუმართაობის გამო მანქანა ანანურში გაუჩერდა. მიუხედავად იმისა, რომ თბილისიდან არც ისე შორს იყვნენ, ევაკუატორის მოძიებისა და გამოძახების პროცესს სამ საათზე მეტი დასჭირდა. სწორედ მაშინ გაუჩნდა იდეა, შეექმნა აპლიკაცია, რომლითაც მძღოლები მარტივად შეძლებდნენ დახმარების გამოძახებას.
ნათიას, ძირითადად, საბანკო-საფინანსო სექტორში მუშაობის გამოცდილება აქვს, მაგისტრატურა ბიზნესადმინისტრირების მიმართულებით გაიარა. აპლიკაციის იდეაზე რამდენიმე თვის განმავლობაში ფიქრობდა, თეგეტასა და future laboratory-ს პროექტის Startup Drive-ის აქსელერაციის პროგრამის გამოცხადების შემდეგ კი იდეა საკონკურსო ბიზნესპროექტად აქცია. გაიარა რამდენიმე ეტაპი. სტარტაპის ავტორი ამბობს, რომ სწორედ ამ პროგრამის ფარგლებში მიღებული გამოცდილება დაეხმარა მას, SOS AUTO ჟიურისთვის ერთ-ერთ ყველაზე საინტერესო პროექტად ექცია და მეორე საპრიზო ადგილის მფლობელი გამხდარიყო. სამსახურიდან წამოვიდა და მთელი თავისი დრო და რესურსი, თანადამფუძნებელ ირაკლი მახარაძესთან ერთად, სტარტაპის განვითარებისკენ მიმართა.
ირაკლი მახარაძე, SOS AUTO-ს თანადამფუძნებელი: „ზოგადად, სტარტაპს რომ იწყებ, ფსიქოლოგიურადაც მზად უნდა იყო სირთულეებისთვის. ამ საქმეს ბევრი კითხვა, ეჭვი ახლავს თან. ზოგჯერ დემოტივირებული ხარ, ვერ იგებ, სწორად აკეთებ თუ არა იმას, რასაც აკეთებ; იმ პროდუქტს ქმნი თუ არა, რაც მომხმარებელს რეალურად სჭირდება. სტრესული პროცესია, ბევრი უძილო ღამე მოჰყვება ამ ყველაფერს, არც შაბათი იცი, არც კვირა და მთელი ენერგია მიაქვს სტარტაპს“.
SOS AUTO-ს დამფუძნებლები ამბობენ, რომ Startup Drive-ის გარეშე ეს გზა, ალბათ, გაცილებით რთული და ხანგრძლივი იქნებოდა. ამ გამარჯვებით კი მათი საოცნებო ბიზნესი რეალობად იქცა.
ნათია შუბითიძე, SOS AUTO-ს დამფუძნებელი: „თეგეტა ჰოლდინგი“ ჩვენთვის არა მხოლოდ ინვესტორია, არამედ საუკეთესო პარტნიორიც და ყველა ეტაპზე გვერდით გვიდგას. სხვა ბიზნესებიც რომ ასე უჭერდნენ მხარს სტარტაპებს, გაცილებით კარგი სურათი გვექნებოდა. მაგალითად, SOS AUTO-ს ყველა მომხმარებელი საჩუქრად იღებს უფასო სერვისებს „თეგეტაში“. კომპანიის მთელი გუნდია ჩართული იმაში, რომ ჩვენი სტარტაპი განვითარდეს და წინ წავიდეს. ამ ეტაპისთვის უკვე „თეგეტას“ კორპორაციული პარტნიორები ვართ, რაც გულისხმობს იმას, რომ SOS AUTO ემსახურება „თეგეტასა“ და მის შვილობილ კომპანიებს. აქტიურად ვთანამშრომლობთ „ვოლვოსთან“, „ჯილი ავტოსთან“, „ავტო გალერისა“ და „პორშესთან“. ამ ეტაპზე რამდენიმე სადაზღვევო კომპანიასთან გვაქვს მოლაპარაკებები ჩვენი აპლიკაციის ინტეგრაციასთან დაკავშირებით. გვინდა, რომ აპლიკაციაში კორპორაციული მიმართულება კიდევ უფრო დავხვეწოთ. ამჟამად SOS AUTO ფიზიკურ პირებზეა მორგებული, 2024 წელს კი გვინდა, ის უკვე კომპანიებისთვისაც გავამარტივოთ. ამ გეგმებზე ვმუშაობთ“.
2024 წელს SOS AUTO-ს გეგმებშია აპლიკაციაში ახალი ფუნქციონალების დამატება და სტარტაპის მეზობელ ქვეყნებში გატანა.
პოლიტიკა
- კონტრაქცია ნიშნავს „ქართული ოცნების“ ბოლო ჟამს - სოფო ნიჟარაძე
- სახელმწიფო დეპარტამენტის ანგარიშში წერია ტყუილი იმასთან დაკავშირებით, თითქოს გვარამია იყო პოლიტპატიმარი - ირაკლი კობახიძე
- სახელმწიფო დეპარტამენტის ანგარიშში წერია ტყუილი იმასთან დაკავშირებით, თითქოს გვარამია იყო პოლიტპატიმარი - ირაკლი კობახიძე
- სახელმწიფო დეპარტამენტის ანგარიშში წერია ტყუილი იმასთან დაკავშირებით, თითქოს გვარამია იყო პოლიტპატიმარი - ირაკლი კობახიძე
სამართალი
- სკოლებსა და სავაჭრო ცენტრებში რაიმე სახის ასაფეთქებელი ნივთიერება ან მოწყობილობა აღმოჩენილი არ ყოფილა - სუს-ი
- ლაზარე გრიგორიადისის სასამართლოს დასკვნითი სხდომა ისევ გადაიდო
- განსაკუთრებით დიდი ოდენობით ნარკოტიკული საშუალების უკანონოდ შეძენა, შენახვა და გასაღებაში ბრალდებულს 14 წლით თავისუფლების აღკვეთა მიესაჯა
- სუროგაციის ცენტრ BIRTH-ში ტრანსნაციონალური დანაშაულის ფარგლებში საგამოძიებო მოქმედებები ჩატარდა
მსოფლიო
- აშშ-ის სამხედრო დახმარების შეფერხებას, უკრაინაში შედეგები მოჰყვა - იენს სტოლტენბერგი
- თუ უკრაინა დამარცხდება, ჩვენ, ყველა დავმარცხდებით - ბრიტანეთი და საფრანგეთი მოკავშირეებს მოუწოდებენ მეტი გააკეთონ უკრაინის დახმარებისთვის
- ჩვენ არ გვჯერა, რომ რაფაჰში შესვლა კარგი იდეაა, სხვა გზებიც არსებობს ამ საფრთხის შესაჩერებლად - ჯონ კირბი
- “ისლამური სახელმწიფო“, რომელმაც მოსკოვში მომხდარ ტერაქტზე პასუხისმგებლობა აიღო, თავდასხმებს საფრანგეთშიც გეგმავდა - ემანუელ მაკრონი
კონფლიქტები
- ოკუპირებულ აფხაზეთში მი-24 ჩამოვარდა
- ოკუპირებული აფხაზეთის ე.წ. პარლამენტმა ბიჭვინთის სახელმწიფო აგარაკის რუსეთისთვის გადაცემის შესახებ შეთანხმება დაამტკიცა
- რუსეთის საოკუპაციო ძალების მიერ უკანონოდ დაკავებული ლევან პეტრიაშვილი თავისუფალია - სუს-ი
- რუსეთის საოკუპაციო ძალების მიერ უკანონოდ დაკავებული მევლუდ ლაღოშვილი თავისუფალია - სუს-ი
ბიზნესი
- „ვოლვო ქარ საქართველოსთან“ პარტნიორობით „ასტრაზენეკა საქართველომ“ ავტოპარკი სრულად ელექტრო ავტომობილებით განაახლა
- „თეგეტა მოტორსში“ 27 აპრილიდან საგაზაფხულო ფასდაკლებები მოქმედებს
- „თეგეტა მოტორსის“ სპეციალური შეთავაზება VARTA-ს, EXIDE-ისა და ENERGIZER-ის აკუმულატორებზე
- 30%-იანი ქეშბექი Petlas-ის საბურავებზე - შეთავაზებები „თეგეტა მოტორსისგან“
სპორტი
- 26 მარტს, საქართველო-საბერძნეთის მატჩის ნახვა რესპუბლიკის მოედანზე, დიდ ეკრანზეც იქნება შესაძლებელი
- საქართველო - საბერძნეთის მატჩის ბილეთების გაყიდვა 23 მარტიდან დაიწყება
- საქართველო-ლუქსემბურგის მატჩის ნახვა რესპუბლიკის მოედანზე, დიდ ეკრანზეც იქნება შესაძლებელი, მოეწყობა სპეციალური ფანზონა
- The Guardian-მა უეფა-ს პრეზიდენტობის კანდიდატთა შორის ლევან კობიაშვილიც დაასახელა