გვჭირდება მეტი პროგრესი ცხრავე ნაბიჯთან დაკავშირებით, რომ ევროკომისიამ გასცეს დადებითი რეკომენდაცია და წევრმა სახელმწიფოებმა გახსნან გაწევრიანების შესახებ მოლაპარაკებები - პაველ ჰერჩინსკი
საქართველო, თბილისი - 13:44 | 06.03.2024 ნანახია: 654ჩვენ გულწრფელად გვაქვს იმედი, რომ ოქტომბერში, როდესაც გაფართოების შესახებ ახალი ანგარიშის პროექტი შედგება ევროკომისიის მიერ, რაც მოიცავს რეკომენდაციებსაც, იქნება საკმარისი პროგრესი მიღწეული ცხრა ნაბიჯთან დაკავშირებით, – ამის შესახებ საქართველოში ევროკავშირის ელჩმა, პაველ ჰერჩინსკიმ განაცხადა.
ჰერჩინსკის თქმით, ახლა საჭიროა რაც შეიძლება მეტი პროგრესი ცხრა ნაბიჯთან დაკავშირებით, რომ ევროკომისიამ გასცეს დადებითი რეკომენდაცია.
„გასული წლის დეკემბერში ყველამ ვიზეიმეთ ისტორიული გადაწყვეტილება, რომელიც ევროკავშირის 27-მა წევრმა სახელმწიფომ მიიღო, რომ საქართველოს მიენიჭოს ევროკავშირის წევრობის კანდიდატის სტატუსი. მე პირადად ვიყავი ძალზედ ბედნიერი. ყველამ მივულოცეთ ერთმანეთს და ეს ნამდვილად ძალიან მნიშვნელოვანი ნაბიჯია, რადგან ახლა საქართველო ფორმალურად არის ევროკავშირში გაწევრიანების კანდიდატი ქვეყანა. თუმცა ამის მისაღწევად არსებობს რამდენიმე ეტაპი. შემდეგი ნაბიჯი არის მოლაპარაკებების დაწყება. ჩვენ გულწრფელად გვაქვს იმედი, რომ ამ ეტაპზე რაც შეიძლება მალე გადავალთ. იმისთვის, რომ ამას მივაწიოთ, საქართველომ მიიღო ცხრა ნაბიჯი, რომელთა იმპლემენტაციაა საჭირო. მათი იმპლემენტაცია უკვე მიმდინარეობს. ამ ნაბიჯების იმპლემენტაციის დონეს შევაფასებთ გაფართოების შესახებ მომდევნო ანგარიშში. ჩვენ უკვე დავიწყეთ მუშაობა ამ ანგარიშზე. გავმართეთ კონსულტაციები სამოქალაქო საზოგადოებასთან გუშინ, ასევე გვექნება კონსულტაციები ბიზნესის წარმომადგენლებთან ამ კვირაში, ასევე საკუთარ წვლილს შეიტანს ხელისუფლება. ჩვენ ვითანამშრომლებთ ყველასთან ღიად და გამჭვირვალედ. ჩვენ გულწრფელად გვაქვს იმედი, რომ წელს, ოქტომბერში, როდესაც გაფართოების შესახებ ახალი ანგარიშის პროექტი შედგება ევროკომისიის მიერ, რაც მოიცავს რეკომენდაციებსაც, იქნება საკმარისი პროგრესი მიღწეული ცხრა ნაბიჯთან დაკავშირებით და იქნება პოზიტიური რეკომენდაცია ევროკომისიისგან და ევროკავშირის 27-ვე წევრი სახელმწიფოსგან, რომ გახსნან გაწევრიანების შესახებ მოლაპარაკებები. ეს გადაწყვეტილება ისევ იქნება ერთსულოვნად მიღებული ევროკავშირის 27-ვე წევრი სახელმწიფოს მიერ, როგორც ეს შარშან დეკემბერში მოხდა. ახლა გვჭირდება რაც შეიძლება მეტი პროგრესი ცხრავე ნაბიჯთან დაკავშირებით, რომ ევროკომისიამ გასცეს დადებითი რეკომენდაცია და წევრმა სახელმწიფოებმა გადაწყვიტონ, გადავიდნენ შემდეგ ეტაპზე, გახსნან გაწევრიანების შესახებ მოლაპარაკებები“, – განაცხადა ჰერჩინსკიმ.
საქართველოში ევროკავშირის ელჩის განცხადებით, ჯერ ადრეა შეფასება, თუ როგორ მიმდინარეობს ცხრა ნაბიჯის შესრულების პროცესი.
„მე არ შევაფასებ ცხრა ნაბიჯის იმპლემენტაციის დონეს დღეს. ჯერ ძალიან ადრეა. მიუხედავად იმ ფაქტისა, რომ საქართველოში არის არჩევნები ოქტომბერში, რაც ბუნებრივად მიიპყრობს დიდ ყურადღებას, წაიღებს ყველა პოლიტიკური ლიდერის ბევრ ენერგიას, მნიშვნელოვანია, პარალელურად ყველამ იმუშაოს წინსვლისთვის ცხრა ნაბიჯთან დაკავშირებით, რაც ნიშნავს საჭიროებას, რომ მთავრობა იყოს ინკლუზიური, ჩართოს ოპოზიციაც. ოპოზიციისთვის ეს ნიშნავს კონსტრუქციულ მიდგომას და მთავრობასთან მუშაობის მცდელობას, რათა პროგრესი იყოს მიღწეული. ასევე ძალიან მნიშვნელოვანია, რასაც მუდამ ვუსვამთ ხაზს, სამოქალაქო საზოგადოების მნიშვნელოვანი ჩართულობა. ასე რომ, გულწრფელად მაქვს იმედი, რომ, საარჩევნო კამპანიის მიუხედავად, იქნებ ეროვნული კონსენსუსი და ყველა იმუშავებს ერთად ევროპული ინტეგრაციის მიმართულებით“, – განაცხადა ელჩმა.
პოლიტიკა
- ასე გამოიყურება ავტორიტარიზმი - მირიამ ლექსმანი მონაცემთა ბაზაზე
- „ოცნებას“ ფანტაზია გამოელია და mona.ge-ს mona.ru დაუპირისპირა - იაგო ხვიჩია
- "უსამშობლოების" სია გაკეთდება - ირაკლი ზარქუა
- მინდა, შალვა პაპუაშვილს კითხვა დავუსვა: ძალადობაზე როგორ ლაპარაკობ საერთოდ? რომელიმე ძალადობის ფაქტი შეაფასე? ყველაფერს როგორ აყალბებთ? საერთოდ ვინ ხართ, საიდან მოხვედით? - გიორგი ვაშაძე
სამართალი
- ვაფრთხილებთ აქციის ყველა მონაწილესა და ორგანიზატორს, როდესაც პოლიცია კანონის შესაბამისად დაიწყებს ძალადობრივი ქმედებების აღკვეთას, გამოყენებული იქნება მკაცრი ზომები, როგორც წამყვან ქვეყნებშია მიღებული - თეიმურაზ კუპატაძე
- ლადო აფხაზავასა და მის შვილზე თავდასხმაში ბარალდებულ პირს ბრალი წარედგინა
- სკოლებსა და სავაჭრო ცენტრებში რაიმე სახის ასაფეთქებელი ნივთიერება ან მოწყობილობა აღმოჩენილი არ ყოფილა - სუს-ი
- ლაზარე გრიგორიადისის სასამართლოს დასკვნითი სხდომა ისევ გადაიდო
მსოფლიო
- დიდი ბრიტანეთი რუსეთის სამხედრო ატაშეს გააძევებს
- აშშ-ის სამხედრო დახმარების შეფერხებას, უკრაინაში შედეგები მოჰყვა - იენს სტოლტენბერგი
- თუ უკრაინა დამარცხდება, ჩვენ, ყველა დავმარცხდებით - ბრიტანეთი და საფრანგეთი მოკავშირეებს მოუწოდებენ მეტი გააკეთონ უკრაინის დახმარებისთვის
- ჩვენ არ გვჯერა, რომ რაფაჰში შესვლა კარგი იდეაა, სხვა გზებიც არსებობს ამ საფრთხის შესაჩერებლად - ჯონ კირბი
კონფლიქტები
- რუსეთის საოკუპაციო ძალების მიერ სოფელ დირბის მიმდებარედ, უკანონოდ დაკავებული საქართველოს ორი მოქალაქე თავისუფალია - სუს-ი
- ოკუპირებულ აფხაზეთში მი-24 ჩამოვარდა
- ოკუპირებული აფხაზეთის ე.წ. პარლამენტმა ბიჭვინთის სახელმწიფო აგარაკის რუსეთისთვის გადაცემის შესახებ შეთანხმება დაამტკიცა
- რუსეთის საოკუპაციო ძალების მიერ უკანონოდ დაკავებული ლევან პეტრიაშვილი თავისუფალია - სუს-ი
ბიზნესი
- ისტორიული აღიარება - „პორშე ცენტრი თბილისს“ მსოფლიო ჯილდო PACE 2023 გადაეცა
- „ვოლვო ქარ საქართველოსთან“ პარტნიორობით „ასტრაზენეკა საქართველომ“ ავტოპარკი სრულად ელექტრო ავტომობილებით განაახლა
- „თეგეტა მოტორსში“ 27 აპრილიდან საგაზაფხულო ფასდაკლებები მოქმედებს
- „თეგეტა მოტორსის“ სპეციალური შეთავაზება VARTA-ს, EXIDE-ისა და ENERGIZER-ის აკუმულატორებზე
სპორტი
- 26 მარტს, საქართველო-საბერძნეთის მატჩის ნახვა რესპუბლიკის მოედანზე, დიდ ეკრანზეც იქნება შესაძლებელი
- საქართველო - საბერძნეთის მატჩის ბილეთების გაყიდვა 23 მარტიდან დაიწყება
- საქართველო-ლუქსემბურგის მატჩის ნახვა რესპუბლიკის მოედანზე, დიდ ეკრანზეც იქნება შესაძლებელი, მოეწყობა სპეციალური ფანზონა
- The Guardian-მა უეფა-ს პრეზიდენტობის კანდიდატთა შორის ლევან კობიაშვილიც დაასახელა