ცნობილი იტალიელი შეფი ჯოვანი ტუჩი „ახალ საირმეში“ მასტერკლასებს მართავს
საქართველო, თბილისი - 19:36 | 20.04.2023 ნანახია: 1701სასტუმრო „ახალ საირმეში“ შეფმზარეულების გადამზადების ინტენსიური კურსები მიმდინარეობს. გასტრონომიული ასოციაცია Cuochi Romagnoli-ს პრეზიდენტის, მიშლენის ვარსკვლავიანი რესტორნების შეფისა და მენეჯერის — ჯოვანი ტუჩის მასტერკლასი 18 აპრილს დაიწყო და 22 აპრილამდე გასტანს. სემინარებში მოქმედი მზარეულები და შეფები მონაწილეობენ.
ჯოვანი ტუჩის მასტერკლასი იტალიური სამზარეულოს ტექნიკებს მოიცავს და მონაწილეები შეისწავლიან: ანტიპასტის, პასტის, სოუსების, ხორცისა და დესერტის მომზადების ტექნიკებს.
ჯოვანი ტუჩი, გასტრონომიული ასოციაცია Cuochi Romagnoli-ს პრეზიდენტი: „საირმეში უკვე მეორედ ჩამოვედი და მოხიბლული ვარ კურორტით, რომელსაც არაჩვეულებრივი ბუნება აქვს. ჩემთვის, როგორც იტალიური სამზარეულოს მეტრისთვის, ძალიან მნიშვნელოვანი და სასიამოვნოა, რომ საქართველოში ბევრი ახალგაზრდა შეფია დაინტერესებული იტალიური სამზარეულოთი. მიხარია, რომ მაქვს შესაძლებლობა, იტალიური კერძების მომზადების ტექნიკები გავუზიარო მათ. უკვე ჩავატარეთ 2 მასტერკლასი, სადაც სტარტერებისა და ხელნაკეთი პასტის მომზადების ტექნიკები გავიარეთ. წინ კიდევ 2 შეხვედრა გვაქვს, რომლებიც ხორცისა და თევზის კერძების მომზადებას დაეთმობა. ბოლო დღეს კი ტრადიციულ იტალიურ ტკბილეულს დავამზადებთ, რომელიც იტალიის სავიზიტო ბარათად მიიჩნევა. ვხედავ, რომ მსმენელები ძალიან მოტივირებული და დაინტერესებული არიან, რაც კიდევ უფრო სასიამოვნოს ხდის მუშაობის პროცესს“.
„ახალ საირმეში“ მსოფლიოს წამყვანი პროფესიონალების მასტერკლასები 29 აპრილამდე გაგრძელდება. 27-29 აპრილი მიშლენის ყველაზე ახალგაზრდა შეფის - მატეო სივეროს მასტერკლასს დაეთმობა.
პროექტს „საირმის ტურიზმისა და გასტრონომიის აკადემია“ DMO იმერეთთან პარტნიორობით ახორციელებს. პროექტის ფარგლებში DMO-ს თანადაფინანსებით იმერეთის რეგიონიდან 15 შეფი გადამზადდება.
გურამ ბაღდოშვილი, შეფი, „საირმის ტურიზმისა და გასტრონომიის აკადემიის“ თანადამფუძნებელი: „საირმის ტურიზმისა და გასტრონომიის აკადემია“ რეგიონში სტუმარმასპინძლობის სფეროს განვითარებას ემსახურება. მიშლენის შეფების მასტერკლასი ძალიან მნიშვნელოვანი პროექტია ინდუსტრიის განვითარებისთვის. ეს არის ინტენსიური კურსები მოქმედი მზარეულებისა და შეფებისთვის, რომლებსაც იტალიური სამზარეულოს მიმართულებით ცოდნის გაღრმავება და პრაქტიკული უნარების შეძენა სურთ. საქართველოსთვის უპრეცედენტოა, როდესაც თავად მიშლენის შეფები მართავენ ტრენინგებს და ვფიქრობ, ეს მონაწილეებისთვის დიდი მოტივაციაა“.
ჯოვანი ტუჩის ტრენინგების შემდეგ, 27-29 აპრილს, „ახალ საირმეში“ მიშლენის ყველაზე ახალგაზრდა შეფი ჩამოვა. მატეო სივეროს მასტერკლასი მოიცავს: თანამედროვე და კლასიკური იტალიური სამზარეულოს ტექნიკებს, მოლეკულური სამზარეულოს მასტერკლასებსა და ვახშმის მომზადებას.
„საირმის ტურიზმისა და გასტრონომიის აკადემია“ 2019 წელს შეიქმნა. მისი დამფუძნებლები არიან: ბიზნესმენი თემურ კოხოძე, Hospitality Management Institute-ის დამფუძნებელი მანანა უგულავა და შეფი გურამ ბაღდოშვილი. 2020 წელს აკადემიამ სწავლების უფლება განათლების ხარისხის განვითარების ეროვნული ცენტრისგან 4 მიმართულებით მოიპოვა.
სასწავლო პროგრამები ტურიზმისა და მასპინძლობის მენეჯმენტის სფეროში სხვადასხვა მიმართულებას მოიცავს: სასტუმრო ოთახების მართვა, სასტუმრო საქმის მარკეტინგი და გაყიდვები, კვება და სასმელები, „სუ-შეფი“. სწავლება პრაქტიკული და თეორიული ნაწილისგან შედგება და მას უძღვებიან როგორც ქართველი, ისე უცხოელი ინსტრუქტორები.
მიშლენის შეფების მასტერკლასი მორიგი პროექტია რეგიონის სტუმარმასპინძლობის სფეროს განვითარებისთვის, რომელიც „საირმის ტურიზმისა და გასტრონომიის აკადემიის“ ორგანიზებით ხორციელდება.
პოლიტიკა
- კონტრაქცია ნიშნავს „ქართული ოცნების“ ბოლო ჟამს - სოფო ნიჟარაძე
- სახელმწიფო დეპარტამენტის ანგარიშში წერია ტყუილი იმასთან დაკავშირებით, თითქოს გვარამია იყო პოლიტპატიმარი - ირაკლი კობახიძე
- სახელმწიფო დეპარტამენტის ანგარიშში წერია ტყუილი იმასთან დაკავშირებით, თითქოს გვარამია იყო პოლიტპატიმარი - ირაკლი კობახიძე
- სახელმწიფო დეპარტამენტის ანგარიშში წერია ტყუილი იმასთან დაკავშირებით, თითქოს გვარამია იყო პოლიტპატიმარი - ირაკლი კობახიძე
სამართალი
- სკოლებსა და სავაჭრო ცენტრებში რაიმე სახის ასაფეთქებელი ნივთიერება ან მოწყობილობა აღმოჩენილი არ ყოფილა - სუს-ი
- ლაზარე გრიგორიადისის სასამართლოს დასკვნითი სხდომა ისევ გადაიდო
- განსაკუთრებით დიდი ოდენობით ნარკოტიკული საშუალების უკანონოდ შეძენა, შენახვა და გასაღებაში ბრალდებულს 14 წლით თავისუფლების აღკვეთა მიესაჯა
- სუროგაციის ცენტრ BIRTH-ში ტრანსნაციონალური დანაშაულის ფარგლებში საგამოძიებო მოქმედებები ჩატარდა
მსოფლიო
- აშშ-ის სამხედრო დახმარების შეფერხებას, უკრაინაში შედეგები მოჰყვა - იენს სტოლტენბერგი
- თუ უკრაინა დამარცხდება, ჩვენ, ყველა დავმარცხდებით - ბრიტანეთი და საფრანგეთი მოკავშირეებს მოუწოდებენ მეტი გააკეთონ უკრაინის დახმარებისთვის
- ჩვენ არ გვჯერა, რომ რაფაჰში შესვლა კარგი იდეაა, სხვა გზებიც არსებობს ამ საფრთხის შესაჩერებლად - ჯონ კირბი
- “ისლამური სახელმწიფო“, რომელმაც მოსკოვში მომხდარ ტერაქტზე პასუხისმგებლობა აიღო, თავდასხმებს საფრანგეთშიც გეგმავდა - ემანუელ მაკრონი
კონფლიქტები
- ოკუპირებულ აფხაზეთში მი-24 ჩამოვარდა
- ოკუპირებული აფხაზეთის ე.წ. პარლამენტმა ბიჭვინთის სახელმწიფო აგარაკის რუსეთისთვის გადაცემის შესახებ შეთანხმება დაამტკიცა
- რუსეთის საოკუპაციო ძალების მიერ უკანონოდ დაკავებული ლევან პეტრიაშვილი თავისუფალია - სუს-ი
- რუსეთის საოკუპაციო ძალების მიერ უკანონოდ დაკავებული მევლუდ ლაღოშვილი თავისუფალია - სუს-ი
სპორტი
- 26 მარტს, საქართველო-საბერძნეთის მატჩის ნახვა რესპუბლიკის მოედანზე, დიდ ეკრანზეც იქნება შესაძლებელი
- საქართველო - საბერძნეთის მატჩის ბილეთების გაყიდვა 23 მარტიდან დაიწყება
- საქართველო-ლუქსემბურგის მატჩის ნახვა რესპუბლიკის მოედანზე, დიდ ეკრანზეც იქნება შესაძლებელი, მოეწყობა სპეციალური ფანზონა
- The Guardian-მა უეფა-ს პრეზიდენტობის კანდიდატთა შორის ლევან კობიაშვილიც დაასახელა