RENAULT TRUCKS-ის ამბიციური გეგმები ელექტრომობილების მიმართულებით
საქართველო, თბილისი - 14:52 | 20.04.2023 ნანახია: 1711E-Tech - ასე უწოდა Renault Trucks-მა ელექტრომობილების მიმართულებით ახალ, 360°-იანი მხარდაჭერის გეგმას. განახლებული სტრატეგიის ფარგლებში კომპანია 2030 წლისთვის წარმოებული ელექტრომობილების გაყიდვების გაზრდას 50%-ით გეგმავს. 2040 წლისთვის კი მანქანების 100% ნახშირბადნეიტრალური იქნება.
ამბიციური გეგმების ფარგლებში Renault Trucks საკუთარ ცოდნას გადამზიდავებს გაუზიარებს და ნახშირბადნეიტრალურ მუშაობაზე გადასვლის პროცესში დაეხმარება. მისი E-Tech შეთავაზება მომხმარებლის 360°-იან მხარდაჭერაზეა ფოკუსირებული და ნულოვანი ემისიის მქონე სატვირთო ელექტრომანქანებისთვის არსებული პირობების ჩანაცვლებას მოიცავს.
კომპანია წლებია, სიახლეზე მუშაობს. ბრენდი მომხმარებელს სატვირთო ელექტრომობილების მრავალფეროვან სამოდელო რიგს სთავაზობს და პროდუქციის ხაზს სტაბილურად აფართოებს. მისი გაყიდვების რაოდენობით თუ ვიმსჯელებთ, კომპანია ძალიან სწრაფად პროგრესირებს. ამის მაგალითად შეგვიძლია 2021 წლის სტატისტიკა მოვიყვანოთ, როდესაც მწარმოებელმა მომხმარებელს 249 სატვირთო ელექტრომანქანა მიაწოდა და დამატებით კიდევ 613 მოდელზე მიიღო შეკვეთა.
Renault Trucks - დეკარბონიზაციის პარტნიორი
ახალი სტრატეგიის მიხედვით, Renault Trucks მაღალი სტანდარტების მქონე ელექტრომობილების დიაპაზონის გაზრდას აპირებს, რასაც მომხმარებელთა მხარდაჭერის სრული პაკეტიც ემატება. ეს უკანასკნელი მთლიან პერიოდს მოიცავს – დაწყებული ელექტრომობილის შესყიდვიდან, დამთავრებული მისი მუშაობის მონიტორინგით.
მომხმარებელთა 360°-იანი მხარდაჭერის სტრატეგია 4 ეტაპისგან შედგება:
1.საწყისი ეტაპი, რომლის დროსაც Renault Trucks მომხმარებლებს დეკარბონიზაციის გეგმის შედგენაში, ანალიზსა და საჭიროებების განსაზღვრაში დაეხმარება;
2.დიაგნოსტიკის მეორე ეტაპი სიმულაციური ინსტრუმენტების გამოყენებას გულისხმობს. ეს ფაზა დამკვეთის საქმიანობის შესწავლით იწყება და ავტოპარკის, მარშრუტებისა და ელექტრომოწყობილობების ანალიზს მოიცავს. სიმულაციური ინსტრუმენტები მომხმარებელს სწრაფი გადაწყვეტილებების მიღებასა და საქმიანობის მონიტორინგში დაეხმარება;
3.შემდეგ ეტაპზე Renault Trucks დეკარბონიზაციის პროექტის არქიტექტორის ფუნქციას შეითავსებს და ახალ ეკოსისტემას დამკვეთთან ერთად ააშენებს. ამ ფაზაზე მწარმოებელი მომხმარებელს სთავაზობს დაფინანსებას როგორც სახელმწიფო, ისე კერძო სუბსიდიების გათვალისწინებით. ასევე ის სრულად დაეხმარება მომხმარებელს სატვირთო ელექტრომანქანის სრულყოფილად აღჭურვაში;
4.ფინალურ ეტაპზე Renault Trucks პროექტის მენეჯერის როლს მოირგებს, რომელიც თავის მომხმარებელს დეკარბონიზაციის მიმართულებით პირველი ნაბიჯების სწორად გადადგმაში დაეხმარება. ეს ნაბიჯები მოიცავს: დამტენი სადგურების დამონტაჟებას, მძღოლებისა და ავტოპარკის მენეჯერების მომზადებას, ავტოპარკის ადმინისტრირებას და სხვა. ასევე, Renault Trucks-ის ქსელი დამტენი მოწყობილობების მონიტორინგს ახორციელებს, აკვირდება მანქანის მართვისა და მის მიერ ენერგიის მოხმარების პროცესს, ამის საფუძველზე კი მომხმარებელს აძლევს ოპტიმიზაციაზე ორიენტირებულ რჩევებს, რეკომენდაციებს მარშრუტებისა და ტექნიკური ოპერაციების შესახებ.
Renault Trucks-ის შესახებ: Renault Trucks Volvo ჯგუფის ნაწილია, რომელიც სატვირთო მანქანების, ავტობუსების, სამშენებლო ტექნიკის, სამრეწველო და საზღვაო ძრავების ერთ-ერთი წამყვანი მწარმოებელია მსოფლიოში. Renault Trucks, რომელიც 150 ქვეყანაში ოპერირებს, მომხმარებელს ყოველწლიურად 50 000-ზე მეტ სატრანსპორტო საშუალებას აწვდის მსოფლიო მასშტაბით. ფრანგული ბრენდის პორტფელში სხვადასხვა დანიშნულების პროდუქციის ფართო არჩევანია წარმოდგენილი.
Renault Trucks-ს საქართველოში „თეგეტა ჰოლდინგის“ შვილობილი კომპანია Tegeta Commercial Vehicles წარმოადგენს. კომპანია ბაზარზე 2021 წლიდან ოპერირებს და მომხმარებელს სამშენებლო, კომერციულ და სპეციალური დანიშნულების სატრანსპორტო საშუალებებს სთავაზობს.
პოლიტიკა
- კონტრაქცია ნიშნავს „ქართული ოცნების“ ბოლო ჟამს - სოფო ნიჟარაძე
- სახელმწიფო დეპარტამენტის ანგარიშში წერია ტყუილი იმასთან დაკავშირებით, თითქოს გვარამია იყო პოლიტპატიმარი - ირაკლი კობახიძე
- სახელმწიფო დეპარტამენტის ანგარიშში წერია ტყუილი იმასთან დაკავშირებით, თითქოს გვარამია იყო პოლიტპატიმარი - ირაკლი კობახიძე
- სახელმწიფო დეპარტამენტის ანგარიშში წერია ტყუილი იმასთან დაკავშირებით, თითქოს გვარამია იყო პოლიტპატიმარი - ირაკლი კობახიძე
სამართალი
- სკოლებსა და სავაჭრო ცენტრებში რაიმე სახის ასაფეთქებელი ნივთიერება ან მოწყობილობა აღმოჩენილი არ ყოფილა - სუს-ი
- ლაზარე გრიგორიადისის სასამართლოს დასკვნითი სხდომა ისევ გადაიდო
- განსაკუთრებით დიდი ოდენობით ნარკოტიკული საშუალების უკანონოდ შეძენა, შენახვა და გასაღებაში ბრალდებულს 14 წლით თავისუფლების აღკვეთა მიესაჯა
- სუროგაციის ცენტრ BIRTH-ში ტრანსნაციონალური დანაშაულის ფარგლებში საგამოძიებო მოქმედებები ჩატარდა
მსოფლიო
- აშშ-ის სამხედრო დახმარების შეფერხებას, უკრაინაში შედეგები მოჰყვა - იენს სტოლტენბერგი
- თუ უკრაინა დამარცხდება, ჩვენ, ყველა დავმარცხდებით - ბრიტანეთი და საფრანგეთი მოკავშირეებს მოუწოდებენ მეტი გააკეთონ უკრაინის დახმარებისთვის
- ჩვენ არ გვჯერა, რომ რაფაჰში შესვლა კარგი იდეაა, სხვა გზებიც არსებობს ამ საფრთხის შესაჩერებლად - ჯონ კირბი
- “ისლამური სახელმწიფო“, რომელმაც მოსკოვში მომხდარ ტერაქტზე პასუხისმგებლობა აიღო, თავდასხმებს საფრანგეთშიც გეგმავდა - ემანუელ მაკრონი
კონფლიქტები
- ოკუპირებულ აფხაზეთში მი-24 ჩამოვარდა
- ოკუპირებული აფხაზეთის ე.წ. პარლამენტმა ბიჭვინთის სახელმწიფო აგარაკის რუსეთისთვის გადაცემის შესახებ შეთანხმება დაამტკიცა
- რუსეთის საოკუპაციო ძალების მიერ უკანონოდ დაკავებული ლევან პეტრიაშვილი თავისუფალია - სუს-ი
- რუსეთის საოკუპაციო ძალების მიერ უკანონოდ დაკავებული მევლუდ ლაღოშვილი თავისუფალია - სუს-ი
სპორტი
- 26 მარტს, საქართველო-საბერძნეთის მატჩის ნახვა რესპუბლიკის მოედანზე, დიდ ეკრანზეც იქნება შესაძლებელი
- საქართველო - საბერძნეთის მატჩის ბილეთების გაყიდვა 23 მარტიდან დაიწყება
- საქართველო-ლუქსემბურგის მატჩის ნახვა რესპუბლიკის მოედანზე, დიდ ეკრანზეც იქნება შესაძლებელი, მოეწყობა სპეციალური ფანზონა
- The Guardian-მა უეფა-ს პრეზიდენტობის კანდიდატთა შორის ლევან კობიაშვილიც დაასახელა