იტალიური სამზარეულოს მასტერკლასებს „ახალ საირმეში“ მიშლენის შეფი ჩაატარებს
საქართველო, თბილისი - 17:10 | 13.04.2023 ნანახია: 1613„ახალი საირმე“ 18-იდან 29 აპრილის ჩათვლით შეფმზარეულების ინტენსიური გადამზადების კურსებს უმასპინძლებს. პროექტს საირმის ტურიზმისა და გასტრონომიის აკადემია DMO იმერეთთან პარტნიორობით ახორციელებს.
მასტერკლასები აგებულია იტალიურ სამზარეულოზე და მოიცავს როგორც კლასიკურ, ისე თანამედროვე რეცეპტებს. მოქმედ მზარეულებსა და შეფებს საშუალება ექნებათ, მსოფლიოს წამყვანი პროფესიონალებისგან შეისწავლონ კერძების მომზადების ტექნიკები და გაიღრმაონ როგორც პრაქტიკული, ისე თეორიული ცოდნა.
გურამ ბაღდოშვილი, შეფი, „საირმის ტურიზმისა და გასტრონომიის აკადემიის“ თანადამფუძნებელი: „ესაა ინტენსიური კურსები იმ მოქმედი მზარეულებისა და შეფებისთვის, რომლებსაც ქართულ ბაზარზე ერთ-ერთი ყველაზე მოთხოვნადი მიმართულებით ცოდნის გაღრმავება და პრაქტიკული უნარების შეძენა სურთ. ბევრი ამზადებს პიცას, პასტას, რავიოლის, მაკარონს, მაგრამ, რომ გადავხედავთ, თითქმის ყველა იუთუბიდან აღებული რეცეპტითა და მომზადების ტექნიკით ხელმძღვანელობს. ჩვენ კი ავთენტიკურ კერძებს შევთავაზებთ ამ საქმის მეტრებისგან“.
„ახალ საირმეში“ 27-29 აპრილი მიშლენის ყველაზე ახალგაზრდა შეფის - მატეო სივეროს მასტერკლასს დაეთმობა, რომელიც მოიცავს: თანამედროვე და კლასიკური იტალიური სამზარეულოს ტექნიკებს, მოლეკულური სამზარეულოს მასტერკლასებსა და ვახშმის მომზადებას.
18-22 აპრილს გასტრონომიული ასოციაცია Cuochi Romagnoli-ის პრეზიდენტის, მიშლენის ვარსკვლავიანი რესტორნების შეფისა და მენეჯერის - ჯოვანი ტუჩის მასტერკლასი გაიმართება, რომელიც მოიცავს: ანტიპასტას, პასტას, სოუსების, ხორცისა და დესერტის მომზადების ტექნიკების შესწავლას.
გურამ ბაღდოშვილი, შეფი, „საირმის ტურიზმისა და გასტრონომიის აკადემიის“ თანადამფუძნებელი: „მაღალი ეშელონის ვეტერანი იტალიური სამზარეულოდან და ახალგაზრდა ბიჭი, რომელმაც მიშლენის ვარსკვლავი 18 წლის ასაკში მიიღო. ეს ყველაფერი ერთად არის გამოცდილება და მოტივაცია, რომელსაც მოწვეული პროფესიონალები, კერძების ცოდნასთან ერთად, გაუზიარებენ ქართველ შეფებს.
ორივე მათგანი არაერთხელ სტუმრობდა საქართველოს და ორივე შეყვარებულია ჩვენს ქვეყანაზე. გარდა ამისა, გამოცდილი იტალიელი შეფი ჯოვანი ტუჩი „ახალი საირმის“ სამზარეულოს განვითარებაზე თავადაც მუშაობდა, კახა ციკოლიასთან ერთად, რაც კიდევ უფრო ოჯახურ გარემოს უქმნის მთელ ამ პროცესს.
ჩვენი სურვილია, ქართულმა სამზარეულომ საერთაშორისო მოთხოვნებს უპასუხოს, ამა თუ იმ ქვეყნის კერძები სწორი ფორმით მოხვდეს საქართველოს რესტორნების მენიუში, იმ ადამიანებმა კი, რომლებიც ამ კურსს გაივლიან, თავი დაიმკვიდრონ მაღალ ქართულ გასტრონომიაში“.
მოწვეული შეფების მასტერკლასებს შორის, მზარეულებს საკუთარ გამოცდილებას გაუზიარებს „ახალი საირმის“ შეფი კახა ციკოლია, რომელსაც იტალიაში ცხოვრებისა და მუშაობის 15-წლიანი გამოცდილება აქვს. გურამ ბაღდოშვილი კი თეორიულ ნაწილს გაუძღვება.
პროექტის ფარგლებში DMO-ს თანადაფინანსებით გადამზადდება 15 შეფი იმერეთის რეგიონიდან. საქართველოს მასშტაბით, სხვა დაინტერესებული შეფებისთვის კი მიღება უკვე გამოცხადებულია. შესაძლებელია როგორც ცალკეული შეფების მასტერკლასების, ისე სრული კურსის გავლა. დაინტერესების შემთხვევაში რეგისტრაციის გავლა „ახალი საირმისა“ და „საირმის ტურიზმისა და გასტრონომიის აკადემიის“ სოციალური ქსელების დახმარებით არის შესაძლებელი.
„საირმის ტურიზმისა და გასტრონომიის აკადემია” 2019 წელს შეიქმნა. მისი დამფუძნებლები ბიზნესმენი თემურ კოხოძე, Hospitality Management Institute-ის დამფუძნებელი მანანა უგულავა და შეფი გურამ ბაღდოშვილი არიან. 2020 წელს აკადემიამ სწავლების უფლება განათლების ხარისხის განვითარების ეროვნული ცენტრისგან 4 მიმართულებით მოიპოვა.
სასწავლო პროგრამები ტურიზმისა და მასპინძლობის მენეჯმენტის სფეროში სხვადასხვა მიმართულებებს მოიცავს: სასტუმრო ოთახების მართვა, სასტუმრო საქმის მარკეტინგი და გაყიდვები, კვება და სასმელები, „სუ-შეფი“. სწავლება პრაქტიკული და თეორიული ნაწილისგან შედგება და როგორც ქართველი ისე უცხოელი ინსტრუქტორების ჩართულობით ხორციელდება.
2020 წელს საირმის ტურიზმისა და გასტრონომიის აკადემიამ, შვეიცარიულ მასპინძლობის სკოლა SHL-თან დაიწყო თანამშრომლობა, რამაც აკადემიის სტუდენტებს საერთაშორისო გამოცდილებაზე ხელმისაწვდომობის შესაძლებლობა მისცა. თანამშრომლობის ფარგლებში განხორციელდა პროფესიული გადამზადების პროგრამა „სასტუმროს ოთახების მართვა“.
მიშლენის შეფების მასტერკლასი მორიგი პროექტია რეგიონის სტუმარ-მასპინძლობის სფეროს განვითარებისთვის, რომელიც „საირმის ტურიზმისა და გასტრონომიის აკადემიის“ ორგანიზებით ხორციელდება.
პოლიტიკა
- კონტრაქცია ნიშნავს „ქართული ოცნების“ ბოლო ჟამს - სოფო ნიჟარაძე
- სახელმწიფო დეპარტამენტის ანგარიშში წერია ტყუილი იმასთან დაკავშირებით, თითქოს გვარამია იყო პოლიტპატიმარი - ირაკლი კობახიძე
- სახელმწიფო დეპარტამენტის ანგარიშში წერია ტყუილი იმასთან დაკავშირებით, თითქოს გვარამია იყო პოლიტპატიმარი - ირაკლი კობახიძე
- სახელმწიფო დეპარტამენტის ანგარიშში წერია ტყუილი იმასთან დაკავშირებით, თითქოს გვარამია იყო პოლიტპატიმარი - ირაკლი კობახიძე
სამართალი
- სკოლებსა და სავაჭრო ცენტრებში რაიმე სახის ასაფეთქებელი ნივთიერება ან მოწყობილობა აღმოჩენილი არ ყოფილა - სუს-ი
- ლაზარე გრიგორიადისის სასამართლოს დასკვნითი სხდომა ისევ გადაიდო
- განსაკუთრებით დიდი ოდენობით ნარკოტიკული საშუალების უკანონოდ შეძენა, შენახვა და გასაღებაში ბრალდებულს 14 წლით თავისუფლების აღკვეთა მიესაჯა
- სუროგაციის ცენტრ BIRTH-ში ტრანსნაციონალური დანაშაულის ფარგლებში საგამოძიებო მოქმედებები ჩატარდა
მსოფლიო
- აშშ-ის სამხედრო დახმარების შეფერხებას, უკრაინაში შედეგები მოჰყვა - იენს სტოლტენბერგი
- თუ უკრაინა დამარცხდება, ჩვენ, ყველა დავმარცხდებით - ბრიტანეთი და საფრანგეთი მოკავშირეებს მოუწოდებენ მეტი გააკეთონ უკრაინის დახმარებისთვის
- ჩვენ არ გვჯერა, რომ რაფაჰში შესვლა კარგი იდეაა, სხვა გზებიც არსებობს ამ საფრთხის შესაჩერებლად - ჯონ კირბი
- “ისლამური სახელმწიფო“, რომელმაც მოსკოვში მომხდარ ტერაქტზე პასუხისმგებლობა აიღო, თავდასხმებს საფრანგეთშიც გეგმავდა - ემანუელ მაკრონი
კონფლიქტები
- ოკუპირებულ აფხაზეთში მი-24 ჩამოვარდა
- ოკუპირებული აფხაზეთის ე.წ. პარლამენტმა ბიჭვინთის სახელმწიფო აგარაკის რუსეთისთვის გადაცემის შესახებ შეთანხმება დაამტკიცა
- რუსეთის საოკუპაციო ძალების მიერ უკანონოდ დაკავებული ლევან პეტრიაშვილი თავისუფალია - სუს-ი
- რუსეთის საოკუპაციო ძალების მიერ უკანონოდ დაკავებული მევლუდ ლაღოშვილი თავისუფალია - სუს-ი
სპორტი
- 26 მარტს, საქართველო-საბერძნეთის მატჩის ნახვა რესპუბლიკის მოედანზე, დიდ ეკრანზეც იქნება შესაძლებელი
- საქართველო - საბერძნეთის მატჩის ბილეთების გაყიდვა 23 მარტიდან დაიწყება
- საქართველო-ლუქსემბურგის მატჩის ნახვა რესპუბლიკის მოედანზე, დიდ ეკრანზეც იქნება შესაძლებელი, მოეწყობა სპეციალური ფანზონა
- The Guardian-მა უეფა-ს პრეზიდენტობის კანდიდატთა შორის ლევან კობიაშვილიც დაასახელა