ოთარ დანელიამ პარლამენტის აგრარულ საკითხთა კომიტეტში სოფლის მეურნეობის სამინისტროს საქმიანობის ანგარიში წარადგინა
საქართველო, თბილისი - 18:07 | 01.03.2016 ნანახია: 1433
სოფლის მეურნეობის მინისტრმა, ოთარ დანელიამ საქართველოს პარლამენტის აგრარულ საკითხთა კომიტეტს სოფლის მეურნეობის სამინისტროს 2015 წლის საქმინაობის ანგარიში წარუდგინა და უწყების სამომავლო გეგმები გააცნო.
მინისტრმა ხაზგასმით აღნიშნა, რომ სოფლის მეურნეობის სამინისტროს საქმიანობა თანხვედრაშია საქართველოს სოფლის მეურნეობის განვითარების 2015-2020 წლების სტრატეგიასთან. ოთარ დანელიას განცხადებით, საქართველოს სოფლის მეურნეობის განვითარების სტრატეგიული ხედვა ითვალისწინებს დარგის მდგრად განვითარებას და ისეთი გარემოს შექმნას, რომელიც ხელს შეუწყობს აგროსასურსათო სექტორში კონკურენტუნარიანობის ამაღლებას, მაღალხარისხიანი პროდუქციის წარმოების სტაბილურ ზრდას, სასურსათო უსაფრთხოების უზრუნველყოფას, სურსათის უვნებლობასა და სოფლად სიღარიბის დაძლევას.
მინისტრმა ვრცლად ისაუბრა აგრობიზნესის პროდუქციის გამოშვების, აგროსასურსათო პროდუქციის ექსპორტ-იმპორტის და სოფლის მეურნეობის სექტორში განხორცილებული ინვესტიციების მზარდი დინამიკის შესახებ. ოთარ დანელიამ ხაზგასმით აღნიშნა ბაზრების დივესრიფიკაციის, საგარეო ვაჭრობის გააქტიურების და ექსპორტის პოტენციალის მქონე პროდუქტების წარმოების მნიშვნელობა.
„სოფლის მეურნეობამ მნიშვნელოვანი როლი უნდა შეასრულოს ქვვეყნის ეკონომიკის განვითარებაში. საქართველო უნდა იქცეს აგროსასურსათო პროდუქტების ექსპორტიორ ქვეყნად, რისი პოტენციალიც ნამდვილად არსებობს. ამას ემატება საქართველოს მნიშვნელოვანი გეოგრაფიული ადგილმდებარეობა, ასევე ევროკავშირთან გაფორმებული ღრმა და ყოვლისმომცველი თავისუფალი სავაჭრო სივრცის შესახებ შეთანხმება (DCFTA) და ევროპის თავისუფალი ვაჭრობის ასოციაციასთან (EFTA) გაფორმებული შეთანხმება. ყოველივე ეს, საქართველოს აძლევს შესაძლებლობას თავისუფალ სავაჭრო ურთიერთობები ფაქტობრივად მთელ ევროპასთან ჰქონდეს“, - აღნიშნა ოთარ დანელიამ.
მინისტრმა ანგარიშის წარდგენისას დეტალურად ისაუბრა სოფლის მეურნეობის სამინისტროს დაქვემდებარებაში შემავალი უწყებების წინაშე არსებულ გამოწვევებზე და მიღწეულ შედეგებზე. ოთარ დანელიამ სოფლის მეურნეობის განვითარების მნიშვნელოვანი მიმართულებების მელიორაციის, სასოფლო-სამეურნეო კოოპერატივების განვითარების და სურსათის უვნებლობის მიმართულებებზე ისაუბრა.
სოფლის მეურნეობის მინისტრმა ღვინის ეროვნული სააგენტოს და სურსათის უვნებლობის სააგენტოს საქმიანობის შესახებ ისაუბრა. ოთარ დანელიამ სოფლის მეურნეობის დარგის განვითარებისთვის სამეცნიერო-კვლევითი საქმიანობის და სოფლის მეურნეობის ექსტენციის განვითარების მნიშვნელობაზე გაამახვილა ყურადღება. მინისტრმა დეტალურად ისაუბრა სოფლის მეურნეობის სამინისტროს მიერ შემუშავებული პროექტების - „დანერგე მომავალი“, „მცირემიწიან ფერმერთა საგაზაფხულო სამუშაოების ხელშეწყობის პროექტი“, „აგროდაზღვევა“ - მიმდინარეობასა და უკვე მიღებულ შედეგებზე. ანგარიშში ვრცლად იყო წარმოდგენილი დონორი ორგანიზაციების მხარდაჭერით განხორციელებული პროექტების შედეგებიც.
სოფლის მეურნეობის სამინისტროს სამომავლო გეგმების კონტექსტში, მინისტრმა სამი ძირითადი მიმართულება გამოყო: საქართველოს აგროსასურსათო სექტორის საქსპორტო პოტენციალის მაქსიმალური გამოყენების ხელშეწყობა (თხილი, მარცვლეული კულტურები, თაფლი, ჩაი და ა.შ); სასურსათო უსაფრთხოების მიზნით თვითუზრუნველყოფის დონის ამაღლება; კონკურენტუნარიანი სოფლის მეურნეობის მდგრადი განვითარებისთვის აუცილებელი ინსტიტუციური განვითარება.
სოფლის მეურნეობის სამინისტრომ 2015 წელს დაიწყო და მიმდინარე წელსაც აქტიურად გააგრძელებს დარგობრივი პროგრამების, მათ შორის ჩაის წარმოების, მეცხოველეობის, თხილის წარმოების, მეფუტკრეობის და აკვაკულტურის განვითარების პროგრამებს. ინსტიტუციური განვითარების კუთხით დაგეგმილია ღვინის ეროვნული სააგენტოს ბაზაზე ეროვნული მარკეტინგული სააგენტოს შექმნა. მინისტრმა დეტალურად ისაუბრა ღირებულებათა ჯაჭვის განვითარების მნიშვნელობასა და შემნახველი საწარმოების თანადაფინანსების პროგრამის შესახებ.
ანგარიშის წარდგენისას ოთარ დანელიამ სოფლად განვითარების პროგრამაზე და მთის კანონზეც ისაუბრა. „ჩვენი მიზანია სოფლად ინფრასტრუქტურის განვითარება, დამატებითი ღირებულების შექმნა და მოსახლეობის შემოსავლების ზრდა. მთის კანონი მოსახლეობის ერთ-ერთი მოტივატორი იქნება და ხელს შეუწყობს ადგილობრივების ეკონომიკური მდგომარეობის გაუმჯობესებას. თუ ძლიერია სოფელი, თუ არის მეტი შემოსავალი, მოსახლეობას აქვს კიდევ უფრო მეტი მოტივაცია. აღნიშნულ ინიციატივას ვიზიარებთ ჩვენც და ევროკავშირიც“, -აღნიშნა მინისტრმა.
ანგარიშის წარდგენის შემდეგ აგრარულ საკითხთა კომიტეტის წევრებმა და საქართველოს პარლამენტის დეპუტატებმა სოფლის მეურნეობის მინისტრს კითხვებით მიმართეს. კითხვები შეეხებოდა ჩაის წარმოების განვითარების პროგრამის რენტაბელობას, მელიორაციაში ახალი ტექნოლოგიების დანერგვას, საკონსერვო და ეთერზეთების მრეწველობის განვითარების ხელშეწყობას და შპს „მექანიზატორის“ მომსახურების ტარიფებს. ოთარ დანელიამ დასმულ შეკითხვებს ამომწურავი პასუხი გასცა.
სოფლის მეურნეობის სამინისტროს მიერ განხორციელებული საქმიანობა კომიტეტის წევრებმა დადებითად შეაფასეს და აღნიშნეს, რომ დღევანდელმა ხელისუფლებამ პრაქტიკულად ნულიდან დაიწყო დარგის განვითარება. ასევე აღინიშნა, რომ ანგარიშში წარმოდგენილი შედეგები, დარგის განვითარებაში მნიშვნელოვნად წინ გადადგმული ნაბიჯებია.
პოლიტიკა
- კონტრაქცია ნიშნავს „ქართული ოცნების“ ბოლო ჟამს - სოფო ნიჟარაძე
- სახელმწიფო დეპარტამენტის ანგარიშში წერია ტყუილი იმასთან დაკავშირებით, თითქოს გვარამია იყო პოლიტპატიმარი - ირაკლი კობახიძე
- სახელმწიფო დეპარტამენტის ანგარიშში წერია ტყუილი იმასთან დაკავშირებით, თითქოს გვარამია იყო პოლიტპატიმარი - ირაკლი კობახიძე
- სახელმწიფო დეპარტამენტის ანგარიშში წერია ტყუილი იმასთან დაკავშირებით, თითქოს გვარამია იყო პოლიტპატიმარი - ირაკლი კობახიძე
სამართალი
- სკოლებსა და სავაჭრო ცენტრებში რაიმე სახის ასაფეთქებელი ნივთიერება ან მოწყობილობა აღმოჩენილი არ ყოფილა - სუს-ი
- ლაზარე გრიგორიადისის სასამართლოს დასკვნითი სხდომა ისევ გადაიდო
- განსაკუთრებით დიდი ოდენობით ნარკოტიკული საშუალების უკანონოდ შეძენა, შენახვა და გასაღებაში ბრალდებულს 14 წლით თავისუფლების აღკვეთა მიესაჯა
- სუროგაციის ცენტრ BIRTH-ში ტრანსნაციონალური დანაშაულის ფარგლებში საგამოძიებო მოქმედებები ჩატარდა
მსოფლიო
- აშშ-ის სამხედრო დახმარების შეფერხებას, უკრაინაში შედეგები მოჰყვა - იენს სტოლტენბერგი
- თუ უკრაინა დამარცხდება, ჩვენ, ყველა დავმარცხდებით - ბრიტანეთი და საფრანგეთი მოკავშირეებს მოუწოდებენ მეტი გააკეთონ უკრაინის დახმარებისთვის
- ჩვენ არ გვჯერა, რომ რაფაჰში შესვლა კარგი იდეაა, სხვა გზებიც არსებობს ამ საფრთხის შესაჩერებლად - ჯონ კირბი
- “ისლამური სახელმწიფო“, რომელმაც მოსკოვში მომხდარ ტერაქტზე პასუხისმგებლობა აიღო, თავდასხმებს საფრანგეთშიც გეგმავდა - ემანუელ მაკრონი
კონფლიქტები
- ოკუპირებულ აფხაზეთში მი-24 ჩამოვარდა
- ოკუპირებული აფხაზეთის ე.წ. პარლამენტმა ბიჭვინთის სახელმწიფო აგარაკის რუსეთისთვის გადაცემის შესახებ შეთანხმება დაამტკიცა
- რუსეთის საოკუპაციო ძალების მიერ უკანონოდ დაკავებული ლევან პეტრიაშვილი თავისუფალია - სუს-ი
- რუსეთის საოკუპაციო ძალების მიერ უკანონოდ დაკავებული მევლუდ ლაღოშვილი თავისუფალია - სუს-ი
ბიზნესი
- „ვოლვო ქარ საქართველოსთან“ პარტნიორობით „ასტრაზენეკა საქართველომ“ ავტოპარკი სრულად ელექტრო ავტომობილებით განაახლა
- „თეგეტა მოტორსში“ 27 აპრილიდან საგაზაფხულო ფასდაკლებები მოქმედებს
- „თეგეტა მოტორსის“ სპეციალური შეთავაზება VARTA-ს, EXIDE-ისა და ENERGIZER-ის აკუმულატორებზე
- 30%-იანი ქეშბექი Petlas-ის საბურავებზე - შეთავაზებები „თეგეტა მოტორსისგან“
სპორტი
- 26 მარტს, საქართველო-საბერძნეთის მატჩის ნახვა რესპუბლიკის მოედანზე, დიდ ეკრანზეც იქნება შესაძლებელი
- საქართველო - საბერძნეთის მატჩის ბილეთების გაყიდვა 23 მარტიდან დაიწყება
- საქართველო-ლუქსემბურგის მატჩის ნახვა რესპუბლიკის მოედანზე, დიდ ეკრანზეც იქნება შესაძლებელი, მოეწყობა სპეციალური ფანზონა
- The Guardian-მა უეფა-ს პრეზიდენტობის კანდიდატთა შორის ლევან კობიაშვილიც დაასახელა