თინათინ ხიდაშელმა შვედეთის სამეფოს ელჩს უმასპინძლა
საქართველო, თბილისი - 14:52 | 18.02.2016 ნანახია: 1882საქართველოს თავდაცვის მინისტრმა თინათინ ხიდაშელმა საქართველოში შვედეთის სამეფოს ელჩს, მარტინა ქვიქს უმასპინძლა. მხარეებმა საქართველოსა და შვედეთს შორის ორმხრივი თანამშრომლობის საკითხები განიხილეს და სამომავლო პერსპექტივების შესახებ ისაუბრეს. საუბრის ერთ-ერთი ძირითადი თემა საქართველოს ევროატლანტიკურ სტრუქტურებში ინტეგრაციის პერსპექტივები და რეგიონში არსებული უსაფრთხოების გარემო იყო.
„მქონდა შესაძლებლობა, ბრიუსელში ვიზიტის დროს შევხვედროდი შვედეთის თავდაცვის მინისტრს, შემდეგ ერთად ვიყავით სამი დღის განმავლობაში მიუნხენის კონფერენციაზე. ბევრ თემასა და მიმართულებაზე ვისაუბრეთ. შვედეთი ჩვენი პარტნიორი ქვეყანაა, მაგრამ, გარდა ამისა, საქართველო შვედეთთან, ფინეთთან, იორდანიასა და ავსტრალიასთან ერთად, არის იმ ქვეყნების რეჟიმში და კალათაში, რომლებიც არიან ნატოს პარტნიორები. ამიტომ, განსაკუთრებით მნიშვნელოვანია, რომ ეს ქვეყნები ერთიანი სტრატეგიით და ტაქტიკით მოქმედებდნენ. ჩვენ პრაქტიკულად იმავე მასშტაბის დახმარებას ვიღებთ შვედეთისგან, რაც გვაქვს ნატოს წევრი ქვეყნებისგან ორმხრივ თანამშრომლობაში. ბევრ ახალ მიმართულებაზე ვისაუბრეთ, JTEC-ის გუნდს შეუერთდება შვედი ოფიცერი, ამის დაპირება მივიღეთ მინისტრისგან, იგეგმება მისი ვიზიტი საქართველოში, ჩემი ვიზიტი - სტოკჰოლმში“, - განაცხადა თავდაცვის მინისტრმა.
შეხვედრაზე მხარეებმა საქართველოსა და რეგიონში არსებულ უსაფრთხოების გარემოზეც ისაუბრეს. მარტინა ქვიქმა საქართველოსა და შვედეთს შორის თავდაცვისა და უსაფრთხოების სფეროში თანამშრომლობის მნიშვნელობაზე ისაუბრა.
„შვედეთი დიდი ხანია საქართველოსთან სამხედრო და უსაფრთხოების საკითხებში თანამშრომლობს. ასევე ვმუშაობთ ბევრ სხვა საკითხზე, ერთმანეთს გამოცდილებას ვუზიარებთ მიმდინარე თემებზე. განვიხილეთ რეგიონში არსებული უსაფრთხოების საკითხები, საქართველოს ინტეგრაცია ევროკავშირში და სხვა მნიშვნელოვანი თემები. ვიმსჯელეთ მიმდინარე წლის თანამშრომლობის გეგმებზე, ასევე, ვარშავის სამიტისათვის მზადებისა და ევროკავშირში ვიზალიბერალიზაციის თემებზე. გვსურს, ვიმუშაოთ იმ საკითხებზე, თუ როგორ უნდა იყოს ევროკავშირი უფრო მეტად წარმოდგენილი საქართველოში, როგორ ვითანამშრომლოთ იმისთვის, რომ გავავრცელოთ მეტი ინფორმაცია ევროკავშირის საქართველოში საქმიანობის შესახებ“, - აღნიშნა შვედმა დიპლომატმა.
პოლიტიკა
- ასე გამოიყურება ავტორიტარიზმი - მირიამ ლექსმანი მონაცემთა ბაზაზე
- „ოცნებას“ ფანტაზია გამოელია და mona.ge-ს mona.ru დაუპირისპირა - იაგო ხვიჩია
- "უსამშობლოების" სია გაკეთდება - ირაკლი ზარქუა
- მინდა, შალვა პაპუაშვილს კითხვა დავუსვა: ძალადობაზე როგორ ლაპარაკობ საერთოდ? რომელიმე ძალადობის ფაქტი შეაფასე? ყველაფერს როგორ აყალბებთ? საერთოდ ვინ ხართ, საიდან მოხვედით? - გიორგი ვაშაძე
სამართალი
- ვაფრთხილებთ აქციის ყველა მონაწილესა და ორგანიზატორს, როდესაც პოლიცია კანონის შესაბამისად დაიწყებს ძალადობრივი ქმედებების აღკვეთას, გამოყენებული იქნება მკაცრი ზომები, როგორც წამყვან ქვეყნებშია მიღებული - თეიმურაზ კუპატაძე
- ლადო აფხაზავასა და მის შვილზე თავდასხმაში ბარალდებულ პირს ბრალი წარედგინა
- სკოლებსა და სავაჭრო ცენტრებში რაიმე სახის ასაფეთქებელი ნივთიერება ან მოწყობილობა აღმოჩენილი არ ყოფილა - სუს-ი
- ლაზარე გრიგორიადისის სასამართლოს დასკვნითი სხდომა ისევ გადაიდო
მსოფლიო
- დიდი ბრიტანეთი რუსეთის სამხედრო ატაშეს გააძევებს
- აშშ-ის სამხედრო დახმარების შეფერხებას, უკრაინაში შედეგები მოჰყვა - იენს სტოლტენბერგი
- თუ უკრაინა დამარცხდება, ჩვენ, ყველა დავმარცხდებით - ბრიტანეთი და საფრანგეთი მოკავშირეებს მოუწოდებენ მეტი გააკეთონ უკრაინის დახმარებისთვის
- ჩვენ არ გვჯერა, რომ რაფაჰში შესვლა კარგი იდეაა, სხვა გზებიც არსებობს ამ საფრთხის შესაჩერებლად - ჯონ კირბი
კონფლიქტები
- რუსეთის საოკუპაციო ძალების მიერ სოფელ დირბის მიმდებარედ, უკანონოდ დაკავებული საქართველოს ორი მოქალაქე თავისუფალია - სუს-ი
- ოკუპირებულ აფხაზეთში მი-24 ჩამოვარდა
- ოკუპირებული აფხაზეთის ე.წ. პარლამენტმა ბიჭვინთის სახელმწიფო აგარაკის რუსეთისთვის გადაცემის შესახებ შეთანხმება დაამტკიცა
- რუსეთის საოკუპაციო ძალების მიერ უკანონოდ დაკავებული ლევან პეტრიაშვილი თავისუფალია - სუს-ი
ბიზნესი
- ისტორიული აღიარება - „პორშე ცენტრი თბილისს“ მსოფლიო ჯილდო PACE 2023 გადაეცა
- „ვოლვო ქარ საქართველოსთან“ პარტნიორობით „ასტრაზენეკა საქართველომ“ ავტოპარკი სრულად ელექტრო ავტომობილებით განაახლა
- „თეგეტა მოტორსში“ 27 აპრილიდან საგაზაფხულო ფასდაკლებები მოქმედებს
- „თეგეტა მოტორსის“ სპეციალური შეთავაზება VARTA-ს, EXIDE-ისა და ENERGIZER-ის აკუმულატორებზე
სპორტი
- 26 მარტს, საქართველო-საბერძნეთის მატჩის ნახვა რესპუბლიკის მოედანზე, დიდ ეკრანზეც იქნება შესაძლებელი
- საქართველო - საბერძნეთის მატჩის ბილეთების გაყიდვა 23 მარტიდან დაიწყება
- საქართველო-ლუქსემბურგის მატჩის ნახვა რესპუბლიკის მოედანზე, დიდ ეკრანზეც იქნება შესაძლებელი, მოეწყობა სპეციალური ფანზონა
- The Guardian-მა უეფა-ს პრეზიდენტობის კანდიდატთა შორის ლევან კობიაშვილიც დაასახელა