ჟენევაში ბაიდენისა და პუტინის შეხვედრა დასრულდა

ჟენევაში დასრულდა ორმხრივი გაფართოებული შეხვედრა აშშ-სა და რუსეთს შორის. იუწყება Bloomberg-ი ამერიკის ადმინისტრაციის წარმომადგენელზე დაყრდნობით. ტელერახ CNN-ის ინფორმაციით, ჯო ბაიდენისა და ვლადიმირ პუტინის შეხვედრა შესვენების ჩათვლით 4,5 საათს გაგრძელდა.

გავრცელებული ინფორმაციით, გაფართოებული მოლაპარაკებები შედგებოდა ერთი სესიისგან. თავიდან ორი სესია იყო დაგეგმილი.

ბაიდენმა ლა გრანჟის ვილა, სადაც აშშ-რუსეთის სამიტი იმართებოდა, უკვე დატოვა.