ლაშა შავდათუაშვილი მსოფლიო ჩემპიონი გახდა

ბუდაპეშტში მიმდინარე ძიუდოს მსოფლიო ჩემპიონატზე ლაშა შავდათუაშვილმა ოქროს მედალი მოიპოვა.

73 კგ წონითი კატეგორიის გადამწყვეტ შეხვედრაში ქართველმა სპორტსმენმა შვედეთის წარმომადგენელი, ტომი მასიასი დაამარცხა.

მსოფლიო ჩემპიონატზე საქართველოს დელეგაციისთვის ეს პირველი მედალია. 9 ივნისს ორი ქართველი ძიუდოისტი იასპარეზებს და ორივე 81 კილოგრამ წონით კატეგორიაში. ლუკა მაისურაძე მეორე წრიდან ჩაერთვება შეჯიბრში და ამერიკელ არტურ რაიტს შეხვდება, ხოლო ტატო გრიგალაშვილი ასევე მე-2 წრეში სამხრეთ კორეელ მონ ჯინ ლისა და ფრანგი უმარ ალფა ჯალოს წყვილში გამარჯვებულს დაუპირისპირდება.