თურქეთი ყველა დონეზე, ყველა პლატფორმაზე ხაზს უსვამს საქართველოს ტერიტორიული მთლიანობისა და სუვერენიტეტის მხარდაჭერას - ერდოღანი
საქართველო, თბილისი - 21:20 | 01.06.2021 ნანახია: 648თურქეთის პრეზიდენტის, რეჯეფ თაიფ ერდოღანის განცხადებით,თურქეთი ყველა დონეზე, ყველა პლატფორმაზე ხაზს უსვამს საქართველოს ტერიტორიული მთლიანობისა და სუვერენიტეტის მხარდაჭერას.
„ვსარგებლობ შემთხვევით და მინდა, კიდევ ერთხელ აღვნიშნო, რომ ჩვენი დიდი სურვილია, აფხაზეთისა და სამხრეთ ოსეთის პრობლემები მოგვარდეს მშვიდობიანი გზით. ჩვენ მტკიცედ ვუჭერთ მხარს ევროატლანტიკურ ორგანიზაციებში საქართველოს ინტეგრაციას“, – განაცხადა ერდოღანმა საქართველოს პრემიერ-მინისტრ ირაკლი ღარიბაშვილთან ერთად გამართულ პრესკონფერენციაზე.
გარდა ამისა, ერდოღანმა ისაუბრა ირაკლი ღარიბაშვილთან როგორც პირისპირ, ისე დელეგაციებს შორის შეხვედრაზე განხილულ საკითხებზე. რეჯეფ თაიფ ერდოღანმა ყურადღება გაამახვილა საქართველოსთან სავაჭრო პარტნიორულ ურთიერთობაზე და აღნიშნა, რომ თურქეთი უკვე 14 წელია, საქართველოს ნომერ პირველი სავაჭრო პარტნიორია.
მისივე გამარტებით, 2020 წელს სავაჭრო მოცულობაში მცირედი კლება იყო, თუმცა მიზანია, უმოკლეს დროში მაჩვენებელი სამ მილიარდ დოლარამდე გაიზარდოს.
„ბატონი პრემიერ-მინისტრი თურქეთში უკვე იმყოფებოდა როგორც შინაგან საქმეთა მინისტრი, როგორც თავდაცვის მინისტრი. ამიტომ ის არის ლიდერი, რომელიც კარგად იცნობს ჩვენს ქვეყანას. წლევანდელი წელი მნიშვნელოვანია იმ თვალსაზრისითაც, რომ საქართველოს დიპლომატიური წარმომადგენლობა ანკარაში გაიხსნა ასი წლის წინ, თან არის საქართველოს დამოუკიდებლობის 30 წლისთავი.
ბატონ პრემიერ-მინისტრთან განვიხილეთ ორმხრივი ურთიერთობის მნიშვნელოვანი საკითხები პირისპირ და შემდგომ უკვე ჩვენს დელეგაციებს შორის შეხვედრები გაიმართა. თურქეთი უკვე 14 წელია, არის ნომერ პირველი სავაჭრო პარტნიორი საქართველოსი. მიუხედავად იმისა, რომ 2020 წელს მცირედი კლება იყო ჩვენს სავაჭრო მოცულობაში, ჩვენ მიზნად დავისახეთ, რომ უმოკლეს დროში მოცულობის მაჩვენებელი სამ მილიარდ დოლარამდე გავზარდოთ.
თავისუფალი ვაჭრობის ხელშეკრულების გაფართოების მიმართულებითაც მიმდინარეობს მოლაპარაკებები და კონსულტაციები. ამასთან, მტკიცედ ვმუშაობთ ჩვენს სავაჭრო პოტენციალის გაზრდისათვის და ამ მიმართულებით საბაჟო საქმიანობის გაფართოებაზე.
როგორც ენერგეტიკის, ასევე ყველა სხვა სფეროში არის თურქული ინვესტიციები საქართველოში, რომელიც 214 მილიონი დოლარია. ჩვენ საქართველოსთან გვაქვს დიდი, მნიშვნელოვანი პროექტები განხორციელებული, ისეთი პროექტები, რომელიც მთლიანად რეგიონს უცვლის სახეს. ერთ-ერთი ასეთი არის სტრატეგიული პროექტი, სამხრეთ გაზის დერეფანი, რომელზეც ჩვენ უკვე შევქმენით ეს პლატფორმა. დამაკავშირებელი მექანიზმების, სხვადასხვა დერეფნის და კომბინირებული დერეფნების საშუალებით მრავალმხრივი თანამშრომლობა გვაქვს წამოწყებული.
ამის ფარგლებში უნდა აღვნიშნოთ, რომ ჩვენ განვახორციელეთ აღმოსავლეთ-დასავლეთის დერეფანი, რომელიც თურქეთის გავლით კავკასიიდან და კასპიის ზღვიიდან ჩინეთთან გვაკავშირებს. აბრეშუმის გზის ერთ-ერთი შემადგენელი ნაწილი, ბაქო-თბილისი-ყარსის სარკინიგზო მაგისტრალი ტვირთების გადაზიდვას ახდენს როგორც ჩვენი ქვეყნიდან, ასევე რუსეთიდანაც. ჩვენ ვისაუბრეთ ასევე, თუ როგორრ უნდა გავზარდოთ სარკინიგზო მაგისტრალი მარმარაის გვირაბის გამოყენების საშუალებით. ასევე, განვიხილეთ ტერორიზმთან ბრძოლის საკითხები და განსაკუთრებით ხაზგასმით აღვნიშნეთ ფეტოს ტერორისტულ ორგანიზაციასთან ბრძოლის საკითხი“, – განაცხადა ერდოღანმა.
პოლიტიკა
- ასე გამოიყურება ავტორიტარიზმი - მირიამ ლექსმანი მონაცემთა ბაზაზე
- „ოცნებას“ ფანტაზია გამოელია და mona.ge-ს mona.ru დაუპირისპირა - იაგო ხვიჩია
- "უსამშობლოების" სია გაკეთდება - ირაკლი ზარქუა
- მინდა, შალვა პაპუაშვილს კითხვა დავუსვა: ძალადობაზე როგორ ლაპარაკობ საერთოდ? რომელიმე ძალადობის ფაქტი შეაფასე? ყველაფერს როგორ აყალბებთ? საერთოდ ვინ ხართ, საიდან მოხვედით? - გიორგი ვაშაძე
სამართალი
- ვაფრთხილებთ აქციის ყველა მონაწილესა და ორგანიზატორს, როდესაც პოლიცია კანონის შესაბამისად დაიწყებს ძალადობრივი ქმედებების აღკვეთას, გამოყენებული იქნება მკაცრი ზომები, როგორც წამყვან ქვეყნებშია მიღებული - თეიმურაზ კუპატაძე
- ლადო აფხაზავასა და მის შვილზე თავდასხმაში ბარალდებულ პირს ბრალი წარედგინა
- სკოლებსა და სავაჭრო ცენტრებში რაიმე სახის ასაფეთქებელი ნივთიერება ან მოწყობილობა აღმოჩენილი არ ყოფილა - სუს-ი
- ლაზარე გრიგორიადისის სასამართლოს დასკვნითი სხდომა ისევ გადაიდო
მსოფლიო
- დიდი ბრიტანეთი რუსეთის სამხედრო ატაშეს გააძევებს
- აშშ-ის სამხედრო დახმარების შეფერხებას, უკრაინაში შედეგები მოჰყვა - იენს სტოლტენბერგი
- თუ უკრაინა დამარცხდება, ჩვენ, ყველა დავმარცხდებით - ბრიტანეთი და საფრანგეთი მოკავშირეებს მოუწოდებენ მეტი გააკეთონ უკრაინის დახმარებისთვის
- ჩვენ არ გვჯერა, რომ რაფაჰში შესვლა კარგი იდეაა, სხვა გზებიც არსებობს ამ საფრთხის შესაჩერებლად - ჯონ კირბი
კონფლიქტები
- რუსეთის საოკუპაციო ძალების მიერ სოფელ დირბის მიმდებარედ, უკანონოდ დაკავებული საქართველოს ორი მოქალაქე თავისუფალია - სუს-ი
- ოკუპირებულ აფხაზეთში მი-24 ჩამოვარდა
- ოკუპირებული აფხაზეთის ე.წ. პარლამენტმა ბიჭვინთის სახელმწიფო აგარაკის რუსეთისთვის გადაცემის შესახებ შეთანხმება დაამტკიცა
- რუსეთის საოკუპაციო ძალების მიერ უკანონოდ დაკავებული ლევან პეტრიაშვილი თავისუფალია - სუს-ი
ბიზნესი
- ისტორიული აღიარება - „პორშე ცენტრი თბილისს“ მსოფლიო ჯილდო PACE 2023 გადაეცა
- „ვოლვო ქარ საქართველოსთან“ პარტნიორობით „ასტრაზენეკა საქართველომ“ ავტოპარკი სრულად ელექტრო ავტომობილებით განაახლა
- „თეგეტა მოტორსში“ 27 აპრილიდან საგაზაფხულო ფასდაკლებები მოქმედებს
- „თეგეტა მოტორსის“ სპეციალური შეთავაზება VARTA-ს, EXIDE-ისა და ENERGIZER-ის აკუმულატორებზე
სპორტი
- 26 მარტს, საქართველო-საბერძნეთის მატჩის ნახვა რესპუბლიკის მოედანზე, დიდ ეკრანზეც იქნება შესაძლებელი
- საქართველო - საბერძნეთის მატჩის ბილეთების გაყიდვა 23 მარტიდან დაიწყება
- საქართველო-ლუქსემბურგის მატჩის ნახვა რესპუბლიკის მოედანზე, დიდ ეკრანზეც იქნება შესაძლებელი, მოეწყობა სპეციალური ფანზონა
- The Guardian-მა უეფა-ს პრეზიდენტობის კანდიდატთა შორის ლევან კობიაშვილიც დაასახელა