შეერთებული შტატები ბელარუსის წინააღმდეგ სანქციებს აწესებს
საქართველო, თბილისი - 13:33 | 29.05.2021 ნანახია: 818შეერთებული შტატები სანქციებს აწესებს ბელარუსის ცხრა სახელმწიფო კომპანიის წინააღმდეგ. ამის შესახებ თეთრი სახლის პრესმდივანმა, ჯენ ფსაკიმ განაცხადა.
მისი თქმით, ვაშინგტონი პარტნიორებთან კოორდინაციით განაგრძობს მუშაობას ბელარუსის ხელისუფლების წარმომადგენელთა მიმართ მიზნობრივი სანქციების შემუშავებაზე.
"2021 წლის 3 ივნისიდან შეერთებული შტატები სრულად აღადგენს სანქციებს ბელარუსის 9 სახელმწიფო საწარმოს წინააღმდეგ", - განაცხადა ჯენ ფსაკიმ.
სანქციების აღდგენის შემდეგ, აშშ-ის მოქალაქეებს ეკრძალებათ მონაწილეობა მიიღონ ამ ორგანიზაციებთან, მათ ქონებასთან ან ქონებრივ ინტერესებთან დაკავშირებულ გარიგებებში.
სასანქციო სიაში მოხვდნენ - Belneftekhim, Naftan, Grodno Azot, Grodno Khimvolokno, Lakokraska და Polotsk Fiberglass.
აშშ ასევე შეაჩერებს ბელარუსთან საჰაერო მიმოსვლის შესახებ 2019 წლის შეთანხმებას.
ჯენ ფსაკის განცხადებით, აშშ კიდევ ერთხელ გმობს ბელარუსის ხელისუფლების ქმედებებს, რომლებიც ადამიანის უფლებების დარღვევასთან, კორუფციასთან, არჩევნების გაყალბებასთან და 23 მაისს Ryanair-ის თვითმფრინავის იძულებით დაშვებასთან არის დაკავშირებული.
"კომერციული თვითმფრინავისთვის მიმართულების იძულებით შეცვლა და ჟურნალისტ პროტასევიჩის დაკავება საერთაშორისო ნორმების აშკარა დარღვევაა", - ამბობს თეთრი სახლის პრესმდივანი.
მან დასძინა, რომ სახაზინო დეპარტამენტი პრეზიდენტისთვის ახალ აღმასრულებელ ბრძანებას ამზადებს, რომელიც შეერთებულ შტატებს სანქციების დაწესების გაფართოებულ უფლებამოსილებას მისცემს.
გარდა ამისა, ფსაკის განცხადებით, სახელმწიფო დეპარტამენტი ურჩევს ამერიკის მოქალაქეებს, თავი შეიკავონ ბელარუსში გამგზავრებისგან. აშშ-ის სამოქალაქო ავიაციის ადმინისტრაციამ კი ეროვნულ ავიაგადამზიდავებს ბელარუსის საჰაერო სივრცეში ფრენისას განსაკუთრებული სიფრთხილის გამოჩენა ურჩია.
აშშ კიდევ ერთხელ მოუწოდებს ლუკაშენკას რეჟიმს, არ შეაფერხოს Ryanair-ის ინცედენტთან დაკავშირებით, სამოქალაქო ავიაციის საერთაშორისო სააგენტოს გამოძიება, გაათავისუფლოს პოლიტპატიმრები და დაიწყოს ოპოზიციასთან დიალოგი.
23 მაისს ბელარუსის ხელისუფლებამ ათენიდან ვილნიუსში მიმავალი „რაინეარის“ რეისი მინსკში იძულებით დასვა და მის ბორტზე მყოფი ჟურნალისტი, რომან პროტასევიჩი დააკავა.
ბელარუსის პრეზიდენტის ალიაქსანდრ ლუკაშენკას გადაწყვეტილებამ, ავიაგამანადგურებლის მეშვეობით იძულებით დაესვა Ryanair-ის თვითმფრინავი მინსკის აეროპოპორტში, საერთაშორისო შეშფოთება გამოიწვია.
თვითმფრინავში, რომელიც ათენი-ვილნიუსის რეისს ასრულებდა, იმყოფებოდნენ 26 წლის ოპოზიციურად განწყობილი ჟურნალისტი, პოლიტიკური აქტივისტი რომან პროტასევიჩი და მისი 23 წლის მეგობარი სოფია საპეგა.
ბელარუსის სამართალდამცავებმა თვითმფრინავის მინსკში დაშვების შემდეგ, პროტასევიჩი და საპეგა დააკავეს.
დასავლეთის ქვეყნებმა ლუკაშეკნკას ქმედება დაგმეს და დაკავებულების დაუყოვნებლივ გათავისუფლება მოსთხოვეს. ევროკავშირმა განაცხადა, რომ მუშაობს ბელარუსის წინააღმდეგ სანქციების გაფართოებაზე.
კვირის დასაწყისში, ევროკავშირის წევრი სახელმწიფოების ლიდერებმა მოუწოდეს ავიაკომპანიებს, რომ აღარ გამოიყენონ ბელარუსის საჰაერო სივრცე საერთაშორისო რეისებისთვის. მალევე, უმსხვილესმა ავიაკომპანიებმა განაცხადეს, რომ შეაჩერებენ ფრენებს ბელარუსის საჰაერო სივრცეში.
პოლიტიკა
- კონტრაქცია ნიშნავს „ქართული ოცნების“ ბოლო ჟამს - სოფო ნიჟარაძე
- სახელმწიფო დეპარტამენტის ანგარიშში წერია ტყუილი იმასთან დაკავშირებით, თითქოს გვარამია იყო პოლიტპატიმარი - ირაკლი კობახიძე
- სახელმწიფო დეპარტამენტის ანგარიშში წერია ტყუილი იმასთან დაკავშირებით, თითქოს გვარამია იყო პოლიტპატიმარი - ირაკლი კობახიძე
- სახელმწიფო დეპარტამენტის ანგარიშში წერია ტყუილი იმასთან დაკავშირებით, თითქოს გვარამია იყო პოლიტპატიმარი - ირაკლი კობახიძე
სამართალი
- სკოლებსა და სავაჭრო ცენტრებში რაიმე სახის ასაფეთქებელი ნივთიერება ან მოწყობილობა აღმოჩენილი არ ყოფილა - სუს-ი
- ლაზარე გრიგორიადისის სასამართლოს დასკვნითი სხდომა ისევ გადაიდო
- განსაკუთრებით დიდი ოდენობით ნარკოტიკული საშუალების უკანონოდ შეძენა, შენახვა და გასაღებაში ბრალდებულს 14 წლით თავისუფლების აღკვეთა მიესაჯა
- სუროგაციის ცენტრ BIRTH-ში ტრანსნაციონალური დანაშაულის ფარგლებში საგამოძიებო მოქმედებები ჩატარდა
მსოფლიო
- აშშ-ის სამხედრო დახმარების შეფერხებას, უკრაინაში შედეგები მოჰყვა - იენს სტოლტენბერგი
- თუ უკრაინა დამარცხდება, ჩვენ, ყველა დავმარცხდებით - ბრიტანეთი და საფრანგეთი მოკავშირეებს მოუწოდებენ მეტი გააკეთონ უკრაინის დახმარებისთვის
- ჩვენ არ გვჯერა, რომ რაფაჰში შესვლა კარგი იდეაა, სხვა გზებიც არსებობს ამ საფრთხის შესაჩერებლად - ჯონ კირბი
- “ისლამური სახელმწიფო“, რომელმაც მოსკოვში მომხდარ ტერაქტზე პასუხისმგებლობა აიღო, თავდასხმებს საფრანგეთშიც გეგმავდა - ემანუელ მაკრონი
კონფლიქტები
- ოკუპირებულ აფხაზეთში მი-24 ჩამოვარდა
- ოკუპირებული აფხაზეთის ე.წ. პარლამენტმა ბიჭვინთის სახელმწიფო აგარაკის რუსეთისთვის გადაცემის შესახებ შეთანხმება დაამტკიცა
- რუსეთის საოკუპაციო ძალების მიერ უკანონოდ დაკავებული ლევან პეტრიაშვილი თავისუფალია - სუს-ი
- რუსეთის საოკუპაციო ძალების მიერ უკანონოდ დაკავებული მევლუდ ლაღოშვილი თავისუფალია - სუს-ი
სპორტი
- 26 მარტს, საქართველო-საბერძნეთის მატჩის ნახვა რესპუბლიკის მოედანზე, დიდ ეკრანზეც იქნება შესაძლებელი
- საქართველო - საბერძნეთის მატჩის ბილეთების გაყიდვა 23 მარტიდან დაიწყება
- საქართველო-ლუქსემბურგის მატჩის ნახვა რესპუბლიკის მოედანზე, დიდ ეკრანზეც იქნება შესაძლებელი, მოეწყობა სპეციალური ფანზონა
- The Guardian-მა უეფა-ს პრეზიდენტობის კანდიდატთა შორის ლევან კობიაშვილიც დაასახელა