„სამხრეთ კავკასიის მშვიდობა და სტაბილურობა ყველაზე მნიშვნელოვანია ჩვენი ქვეყნების დღის წესრიგში“ - ხიდაშელი
საქართველო, თბილისი - 10:55 | 02.02.2016 ნანახია: 1651სომხეთის რესპუბლიკის თავდაცვის უწყებაში, საქართველოსა და სომხეთის თავდაცვის მინისტრების შეხვედრის დასრულების შემდეგ თინათინ ხიდაშელმა და სეირან ოჰანიანმა მედიის წარმომადგენლებისთვის ბრიფინგი გამართეს.
საქართველოს თავდაცვის მინისტრმა სომეხ კოლეგასთან შეხვედრაზე განხილული საკითხები შეაჯამა და ორივე ქვეყნის საერთო მიზნებზე ისაუბრა.
„მინდა მადლობა გადაგიხადოთ გულთბილი დახვედრისთვის. ჩემთვის დიდი პატივია დღეს აქ, სომხეთში ყოფნა და შესაძლებლობა, განვიხილოთ ისეთი მნიშვნელოვანი საკითხები, რაც ჩვენ ორ ქვეყანას აერთიანებს. პირველ რიგში, მინდა მადლიერება გამოვხატო თქვენი სამხედრო მოსამსახურეების მიმართ. ორი კვირის წინ ავღანეთში ვიმყოფებოდი. ვფიქრობ, ავღანეთში, მაზარ-ი-შარიფში ქართველი და სომეხი სამხედროების ერთმანეთის მხარდამხარ მსახური ჩვენი ორი ქვეყნის ურთიერთობის საუკეთესო მაგალითია, მიუხედავად ჩვენი სახელმწიფოების სტრატეგიული განსხვავებისა. მინდა ვისაუბრო იმ საკითხებზე, რომელიც ორივე ქვეყნისთვის საერთოა. სამხრეთ კავკასიის მშვიდობა და სტაბილურობა ყველაზე მნიშვნელოვანია ჩვენი ქვეყნების დღის წესრიგში, რაზეც ერთობლივი ძალისხმევით მუშაობაა საჭირო. ჩვენ თავდაცვის მინისტრები ვართ, მაგრამ ამავე დროს პოლიტიკოსები და ორივე ჩვენგანისთვის ჩვენი ქვეყნების გაძლიერება, წინსვლა და განვითარება, ჩვენი ხალხის წარმატება ძალიან მნიშვნელოვანია. ჩვენ გვჭირდება მშვიდობა, ერთად მუშაობა და ყოველდღიური ბრძოლა მშვიდობისთვის. შეხვედრაზეც აღვნიშნეთ, რომ საქართველო მზადაა თქვენთან თანამშრომლობაზე, ერთად მუშაობაზე, რათა მივაღწიოთ ყველაზე მნიშვნელოვან მიზანს - ჩვენი ქვეყნების მშვიდობას, სტაბილურობასა და უსაფრთხოებას, წარმატებასა და განვითარებას.
შეხვედრაზე საუბარი შეეხო დღის წესრიგით გათვალისწინებულ კონკრეტულ საკითხებსაც, თანამშრომლობის გეგმას, რომელიც სამინისტროებს შორის დღეს გაფორმდა. მჯერა, რომ 2016 წელი ორივე მხარისთვის ნაყოფიერი და წარმატებული იქნება როგორც პოლიტიკურ დონეზე, ასევე სამხედრო თვალსაზრისით. ჩვენი საწვრთნელი ცენტრები ყველა პარტნიორისთვის და, რა თქმა უნდა, სომეხი სამხედროებისთვის ღიაა. იმედი მაქვს, ორმხრივი თანამშრომლობის გეგმით განსაზღვრული მიმართულებები ორივე ქვეყნისთვის სარგებლის მომტანი იქნება. ასე რომ, ველოდოთ უფრო ნაყოფიერ თანამშრომლობას 2016 წელს,“ - განაცხადა თინათინ ხიდაშელმა ბრიფინგზე.
ჟურნალისტებთან საუბრისას სეირან ოჰანიანმა რეგიონის უსაფრთხოებასა და სტაბილურობის გაძლიერებაზე გაამახვილა ყურადღება: „მიუხედავად იმისა, რომ სომხეთმა და საქართველომ უსაფრთხოების განსხვავებული სისტემა აირჩია, ეს ჩვენი ორმხრივი თანამშრომლობის დღის წესრიგს არ შეცვლის. ჩვენი მიზანია რეგიონის უსაფრთხოებისა და სტაბილურობის გაძლიერება,“ - აღნიშნა სეირან ოჰანიანმა ბრიფინგზე.
პოლიტიკა
- კონტრაქცია ნიშნავს „ქართული ოცნების“ ბოლო ჟამს - სოფო ნიჟარაძე
- სახელმწიფო დეპარტამენტის ანგარიშში წერია ტყუილი იმასთან დაკავშირებით, თითქოს გვარამია იყო პოლიტპატიმარი - ირაკლი კობახიძე
- სახელმწიფო დეპარტამენტის ანგარიშში წერია ტყუილი იმასთან დაკავშირებით, თითქოს გვარამია იყო პოლიტპატიმარი - ირაკლი კობახიძე
- სახელმწიფო დეპარტამენტის ანგარიშში წერია ტყუილი იმასთან დაკავშირებით, თითქოს გვარამია იყო პოლიტპატიმარი - ირაკლი კობახიძე
სამართალი
- სკოლებსა და სავაჭრო ცენტრებში რაიმე სახის ასაფეთქებელი ნივთიერება ან მოწყობილობა აღმოჩენილი არ ყოფილა - სუს-ი
- ლაზარე გრიგორიადისის სასამართლოს დასკვნითი სხდომა ისევ გადაიდო
- განსაკუთრებით დიდი ოდენობით ნარკოტიკული საშუალების უკანონოდ შეძენა, შენახვა და გასაღებაში ბრალდებულს 14 წლით თავისუფლების აღკვეთა მიესაჯა
- სუროგაციის ცენტრ BIRTH-ში ტრანსნაციონალური დანაშაულის ფარგლებში საგამოძიებო მოქმედებები ჩატარდა
მსოფლიო
- აშშ-ის სამხედრო დახმარების შეფერხებას, უკრაინაში შედეგები მოჰყვა - იენს სტოლტენბერგი
- თუ უკრაინა დამარცხდება, ჩვენ, ყველა დავმარცხდებით - ბრიტანეთი და საფრანგეთი მოკავშირეებს მოუწოდებენ მეტი გააკეთონ უკრაინის დახმარებისთვის
- ჩვენ არ გვჯერა, რომ რაფაჰში შესვლა კარგი იდეაა, სხვა გზებიც არსებობს ამ საფრთხის შესაჩერებლად - ჯონ კირბი
- “ისლამური სახელმწიფო“, რომელმაც მოსკოვში მომხდარ ტერაქტზე პასუხისმგებლობა აიღო, თავდასხმებს საფრანგეთშიც გეგმავდა - ემანუელ მაკრონი
კონფლიქტები
- ოკუპირებულ აფხაზეთში მი-24 ჩამოვარდა
- ოკუპირებული აფხაზეთის ე.წ. პარლამენტმა ბიჭვინთის სახელმწიფო აგარაკის რუსეთისთვის გადაცემის შესახებ შეთანხმება დაამტკიცა
- რუსეთის საოკუპაციო ძალების მიერ უკანონოდ დაკავებული ლევან პეტრიაშვილი თავისუფალია - სუს-ი
- რუსეთის საოკუპაციო ძალების მიერ უკანონოდ დაკავებული მევლუდ ლაღოშვილი თავისუფალია - სუს-ი
სპორტი
- 26 მარტს, საქართველო-საბერძნეთის მატჩის ნახვა რესპუბლიკის მოედანზე, დიდ ეკრანზეც იქნება შესაძლებელი
- საქართველო - საბერძნეთის მატჩის ბილეთების გაყიდვა 23 მარტიდან დაიწყება
- საქართველო-ლუქსემბურგის მატჩის ნახვა რესპუბლიკის მოედანზე, დიდ ეკრანზეც იქნება შესაძლებელი, მოეწყობა სპეციალური ფანზონა
- The Guardian-მა უეფა-ს პრეზიდენტობის კანდიდატთა შორის ლევან კობიაშვილიც დაასახელა