ყირგიზეთ-ტაჯიკეთის საზღვარზე შეტაკებას, ორივე მხრიდან 39 ადამიანი ემსხვერპლა

ყირგიზეთის ჯანდაცვის სამინისტროს განცხადებით, ტაჯიკეთის საზღვართან შეიარაღებულ კონფლიქტს 31 ადამიანი  ემსხვერპლა, 154 კი დაიჭრა.

დაშავებულთა შორის 121 სამოქალაქო პირია.

ტაჯიკეთის მხარის ინფორმაციით კი დაპირიპსირების შედეგად ტაჯიკეთის 8 მოქალაქე დაიღუპა, 31 კი დაიჭრა.

ყირგიზეთისა და ტაჯიკეთის მოსაზღვრე რაიონების მოსახლეობას შორის კონფლიქტი ორი ქვეყნის სამხედროებს შორის შეიარაღებულ დაპირისპირებაში 29 აპრილს გადაიზარდა. ყირგიზ და ტაჯიკ მესაზღვრეებს შორის შეტაკება 6 საათზე მეტ ხანს გაგრძელდა. გვიან, საღამოს მხარეები ცეცხლის შეწყვეტის შესახებ შეთანხმდნენ.