პოლონეთში კორონავირუსის პანდემიის მესამე ტალღა დაიწყო - ჯანდაცვის მინისტრი

პოლონეთის ჯანდაცვის მინისტრმა ადამ ნეძელსკიმ განაცხადა, რომ ქვეყანაში კორონავირუსის პანდემიის მესამე ტალღა დაიწყო.

 „შეგვიძლია ვთქვათ, რომ პანდემიის მესამე ტალღა უკვე პოლონეთშია“, - განაცხადა მინისტრმა.

მან აღნიშნა, რომ უკანასკნელ პერიოდში კორონავირუსის შემთხვევების რაოდენობა იზრდება, ასევე იზრდება ყოველკვირეული მაჩვენებელიც.

ბოლო მონაცემებით, პოლონეთში კორონავირუსის შემთხვევების რაოდენობამ 1 623 218-ს მიაღწია, გარდაცვლილია 41 823 ადამიანი.