ევროკავშირი ადასტურებს საქართველოს სუვერენიტეტისა და ტერიტორიული მთლიანობის მხარდაჭერას
საქართველო, თბილისი - 09:56 | 10.02.2021 ნანახია: 4432021 წლის 9 თებერვალს ევროკომისიამ და ევროკავშირის უმაღლესმა წარმომადგენელმა საგარეო საქმეთა და უსაფრთხოების საკითხებში საქართველოს მიერ 2020 წლის განმავლობაში ასოცირების შეთანხმების შესრულების შესახებ ყოველწლიური ანგარიში გამოაქვეყნეს.
ევროკავშირი კვლავ ადასტურებს მტკიცე მხარდაჭერას საქართველოს სუვერენიტეტისა და ტერიტორიული მთლიანობის მიმართ საერთაშორისოდ აღიარებული საზღვრების ფარგლებში. ანგარიშში ხაზგასმულია, რომ ევროკავშირი აქტიურ ძალისხმევას ახორციელებდა საქართველოში კონფლიქტის მშვიდობიანი მოგვარების საქმეში ისეთი უმნიშვნელოვანესი ინსტრუმენტების მეშვეობით, როგორიცაა ევროკავშირის სადამკვირვებლო მისია, სამხრეთ კავკასიასა და საქართველოში კრიზისის საკითხებში ევროკავშირის სპეციალური წარმომადგენელი და ჟენევის საერთაშორისო მოლაპარაკებების თანათავმჯდომარეობა, ასევე ევროკავშირის არაღიარებისა და ჩართულობის პოლიტიკა.
ანგარიშში აღნიშნულია, რომ 2020 წლის განმავლობაში საქართველოს ოკუპირებულ ტერიტორიებზე ადგილი ჰქონდა მთელ რიგ ინციდენტებსა და გამოწვევებს, მათ შორის, ე.წ. „ბორდერიზაციის“ უკანონო პროცესის გააქტიურებას, განსაკუთრებით ცხინვალის რეგიონის მიმართულებით. ყურადღება ეთმობა უსაფრთხოების კუთხით ვითარების გართულებას ჩორჩანა-წნელისის მიმდებარე ტერიტორიაზე. განსაკუთრებული აქცენტი კეთდება საოკუპაციო ხაზის ჩაკეტვასა და ცხინვალის რეგიონის სრულ იზოლაციაზე დანარჩენი საქართველოსგან, მათ შორის, ჰუმანიტარული წვდომის შეზღუდვაზე კორონავირუსის (COVID-19) პანდემიის პირობებში.
ანგარიშში აღნიშნულია, რომ 2020 წელს ჟენევის საერთაშორისო მოლაპარაკებების მხოლოდ ერთი რაუნდი ჩატარდა, თუმცა ევროკავშირის სპეციალური წარმომადგენელი ინტენსიურ კონტაქტს ინარჩუნებდა მოლაპარაკებების მონაწილეებთან და საქართველოში ექვსი ვიზიტი განახორციელა. ხაზგასმულია, რომ ერგნეთის ინციდენტების პრევენციისა და მათზე რეაგირების მექანიზმის აღდგენის ფონზე, კვლავ შეჩერებულია გალის IPRM-ის შეხვედრები. ყურადღება ეთმობა ევროკავშირის სადამკვირვებლო მისიის მუშაობას, რომელიც კორონავირუსის (COVID-19) პანდემიის მიუხედავად, უწყვეტლივ განაგრძობდა თავისი მანდატის შესრულებას.
ანგარიშში ხაზგასმულია ასევე მთავრობის სამშვიდობო ინიციატივა „ნაბიჯი უკეთესი მომავლისკენ“, რომელსაც ევროკავშირის მხრიდან ძალზე დადებითი შეფასება და მხარდაჭერა აქვს. თუმცა იქვე აღნიშნულია, რომ სამშვიდობო ინიციატივის ეკონომიკური ნაწილის განხორციელება ფერხდება საოკუპაციო ხაზზე ე.წ. გადასასვლელი პუნქტების დახურვის გამო.
ანგარიში კარგად ასახავს საქართველოსა და ევროკავშირს შორის თანამშრომლობის არსებულ დინამიკას საგარეო და უსაფრთხოების პოლიტიკის სფეროში. აღნიშნული ნათლად მეტყველებს საგარეო პოლიტიკურ და უსაფრთხოების საკითხებზე ევროკავშირსა და საქართველოს შორის პოზიციების თანხვედრასა და მჭიდრო თანამშრომლობაზე.
ინფორმაციას საქართველოს საგარეო საქმეთა სამინისტრო ავრცელებს.
პოლიტიკა
- კონტრაქცია ნიშნავს „ქართული ოცნების“ ბოლო ჟამს - სოფო ნიჟარაძე
- სახელმწიფო დეპარტამენტის ანგარიშში წერია ტყუილი იმასთან დაკავშირებით, თითქოს გვარამია იყო პოლიტპატიმარი - ირაკლი კობახიძე
- სახელმწიფო დეპარტამენტის ანგარიშში წერია ტყუილი იმასთან დაკავშირებით, თითქოს გვარამია იყო პოლიტპატიმარი - ირაკლი კობახიძე
- სახელმწიფო დეპარტამენტის ანგარიშში წერია ტყუილი იმასთან დაკავშირებით, თითქოს გვარამია იყო პოლიტპატიმარი - ირაკლი კობახიძე
სამართალი
- სკოლებსა და სავაჭრო ცენტრებში რაიმე სახის ასაფეთქებელი ნივთიერება ან მოწყობილობა აღმოჩენილი არ ყოფილა - სუს-ი
- ლაზარე გრიგორიადისის სასამართლოს დასკვნითი სხდომა ისევ გადაიდო
- განსაკუთრებით დიდი ოდენობით ნარკოტიკული საშუალების უკანონოდ შეძენა, შენახვა და გასაღებაში ბრალდებულს 14 წლით თავისუფლების აღკვეთა მიესაჯა
- სუროგაციის ცენტრ BIRTH-ში ტრანსნაციონალური დანაშაულის ფარგლებში საგამოძიებო მოქმედებები ჩატარდა
მსოფლიო
- აშშ-ის სამხედრო დახმარების შეფერხებას, უკრაინაში შედეგები მოჰყვა - იენს სტოლტენბერგი
- თუ უკრაინა დამარცხდება, ჩვენ, ყველა დავმარცხდებით - ბრიტანეთი და საფრანგეთი მოკავშირეებს მოუწოდებენ მეტი გააკეთონ უკრაინის დახმარებისთვის
- ჩვენ არ გვჯერა, რომ რაფაჰში შესვლა კარგი იდეაა, სხვა გზებიც არსებობს ამ საფრთხის შესაჩერებლად - ჯონ კირბი
- “ისლამური სახელმწიფო“, რომელმაც მოსკოვში მომხდარ ტერაქტზე პასუხისმგებლობა აიღო, თავდასხმებს საფრანგეთშიც გეგმავდა - ემანუელ მაკრონი
კონფლიქტები
- ოკუპირებულ აფხაზეთში მი-24 ჩამოვარდა
- ოკუპირებული აფხაზეთის ე.წ. პარლამენტმა ბიჭვინთის სახელმწიფო აგარაკის რუსეთისთვის გადაცემის შესახებ შეთანხმება დაამტკიცა
- რუსეთის საოკუპაციო ძალების მიერ უკანონოდ დაკავებული ლევან პეტრიაშვილი თავისუფალია - სუს-ი
- რუსეთის საოკუპაციო ძალების მიერ უკანონოდ დაკავებული მევლუდ ლაღოშვილი თავისუფალია - სუს-ი
სპორტი
- 26 მარტს, საქართველო-საბერძნეთის მატჩის ნახვა რესპუბლიკის მოედანზე, დიდ ეკრანზეც იქნება შესაძლებელი
- საქართველო - საბერძნეთის მატჩის ბილეთების გაყიდვა 23 მარტიდან დაიწყება
- საქართველო-ლუქსემბურგის მატჩის ნახვა რესპუბლიკის მოედანზე, დიდ ეკრანზეც იქნება შესაძლებელი, მოეწყობა სპეციალური ფანზონა
- The Guardian-მა უეფა-ს პრეზიდენტობის კანდიდატთა შორის ლევან კობიაშვილიც დაასახელა