კორონავირუსმა მუტაცია განიცადა და დღეს უფრო მეტად შუა ასაკის ადამიანები ინფიცირდებიან - ბიძინა კულუმბეგოვი

კორონავირუსმა მუტაცია ცალსახად განიცადა და დღეს უფრო მეტად შუა ასაკის ადამიანები ინფიცირდებიან, რომელთაც შედარებით უფრო მსუბუქად გადააქვთ ვირუსი, - ამის შესახებ ალერგოლოგ-იმუნოლოგმა ბიძინა კულუმბეგოვმა "დღის კურიერში" განაცხადა.
"ძალიან მაღალი დონის მტკიცებულებითი კვლევები ამასთან მიმართებაში ჯერჯერობით არ არსებობს. თუმცა, არის ასეთი მოსაზრება, რომ მუტაციური ნაწილი რაც ბოლო თვეების სექვენირების შედეგად ფიქსირდება, შეიძლება მიუთითებდეს იმ ტიპის მუტაციას, რომელიც ამ სისუსტეზე კლინიკური გამოვლინების სისუსტეზე იყოს პასუხისმგებელი.

თუ ადრეულ პერიოდში მთელ მსოფლიოში მძვინვარებდა უფრო ხანდაზმულ ასაკში ეს დაავადება, დღეს უფრო მეტად ეს არის შუა ასაკის ადამიანებში. ანუ, დაავადებული აქტიური შემთხვევების რაოდენობა ახლა დაახლოებით არის 7 მილიონი მსოფლიოში. ამ 7 მილიონიდან უდიდესი ნაწილი, სტატისტიკურად, სწორედ ეს განასხვავებს ადრეული ზამთრისა და გაზაფხულის პერიოდს - არის შუა ასაკი.

ამიტომ, იმ ასაკში ისედაც შედარებით უფრო მეტია მსუბუქი მიმდინარეობა, საშუალო და ასიმპტომური მიმდინარეობა. ამიტომ ცალსახად ეს ვირუსის მუტაციაა. თუ გაგვეზარდა ჩვენ იმ პაციენტების რაოდენობა, რომლებსაც შედარებით იოლად მისდით ინფექცია, აი ეს საკითხი ბოლომდე ჯერჯერობით გარკვეული არ არის," - განაცხადა ბიძინა კულუმბეგოვმა.