სომხეთში ბოლო 24 საათში კორონავირუსით ინფიცირების 425 ახალი შემთხვევა გამოვლინდა

სომხეთში კორონავირუსის დადასტურებული შემთხვევების რაოდენობა გასულ 24 საათში 425-ით გაიზარდა და 17 489-ს მიაღწია, გარდაიცვალა კიდევ რვა ადამიანი. ინფორმაციას ქვეყნის დაავადებათა კონტროლისა და პროფილაქტიკის ეროვნული ცენტრი ავრცელებს.

ცენტრის ინფორმაციით, გამოჯანმრთელდა 10 529 პაციენტი, ამ დროისათვის კორონავირუსზე ჩატარებულია 85 556 ტესტი.