ვერსალის სასახლე სამთვიანი კარანტინის შემდეგ გაიხსნა

საფრანგეთში კორონავირუსის გამო დაწესებული კარანტინის შემდეგ ვერსალის სასახლე დამთვალიერებლებისთვის გაიხსნა.

„დახურვიდან დიდი ხნის შემდეგ ვერსალის სასახლე და მიმდებარე ტერიტორია დღეს თავის კარს აღებს. სასახლის თანამშრომლები საგულდაგულოდ ემზადებოდნენ თქვენს მისაღებად“, - ნათქვამია Twitter-ზე განთავსებულ განცხადებაში.

უსაფრთხოების მიზნით დამთვალიერებლებმა აუცილებლად უნდა ატარონ ნიღბები.

სამუზეუმო კომპლექსი 13 მარტს COVID-19-ის გავრცელების ფონზე დაიხურა.