საქართველოში კორონავირუსით 86 წლის პაციენტი გარდაიცვალა

ინფექციური საავადმყოფოს გენერალური დირექტორის თენგიზ ცერცვაძის განცხადებით, საქართველოში კორონავირუსით კიდევ ერთი პაციენტი გარდაიცვალა.

გარდაცვლილია თბილისის ინფექციურ საავადმყოფოში მოთავსებული 86 წლის ქალი, რომელიც კრიტიკულ მდგომარეობაში იყო.

ქვეყანაში ეს უკვე COVID-19-ით გარდაცვალების მესამე შემთხვევაა.

რამდენიმე დღის წინ, კორონავირუსით თბილისის პირველ საუნივერსიტეტო კლინიკაში 81 წლის და 79 წლის პაციენტები გარდაიცვალნენ.

ამ დროისათვის კორონავირუსის 195 შემთხვევაა დადასტურებული.

გამოჯანმრთელებულია 45 მოქალაქე. გარდაიცვალა 3 პაციენტი.

კარანტინის რეჟიმში იმყოფება - 4708, ხოლო სტაციონარში მეთვალყურეობის ქვეშ - 370 პირი.